| ໄຂງານວາງສະແດງຕະຫຼາດນັດ “ເສດຖະກິດ - ປ້ອງກັນຊາດ ໃນສັງກາດເຕັກໂນໂລຊີດີຈີຕອນ”- VIDEX 2021 | |
| ເຕັກໂນໂລຊີ 'Make in Vietnam' ເອົາຊະນະໃຈໃນທ້ອງຕະຫຼາດຂອງຍີ່ປຸ່ນ |
ອົງການຄຸ້ມຄອງສິ່ງປະດິດ ແລະ ຍີ່ຫໍ້ຂອງສະຫະລັດອາເມລິກາ ສືບຕໍ່ຮັບຮອງໃບອະນຸຍາດສິ່ງປະດິດສະເພາະໃນສະຫະລັດອາເມລິກາ ສຳລັບການຈົດທະບຽນ 2 ຜະລິດຕະພັນຂອງກຸ່ມບໍລິສັດອຸດສາຫະກຳເຕັກໂນໂລຊີຂັ້ນສູງຫວຽດເທວ.
 |
| ພາບປະກອບ: baonguoilaodong |
ສອງສິ່ງປະດິດໃໝ່ທີ່ໄດ້ຮັບໃບອະນຸຍາດມີ: “ເສົາອາກາດຄູ່ກະຈາຍວົງກວ້າງ (Broadband dual-polarized)” ໂດຍນຳເອົາວິທີການອອກແບບໂຄງປະກອບເສົາອາກາດທີ່ມີຂະໜາດນ້ອຍ, ກະຈາຍສັນຍານກວ້າງ, ພຽງພໍໃນການຈັດການຂໍ້ມູນໃນລະດັບສູງ; “ເລນອິນຟາເຣດຄື້ນກາງ ຊູມຂະຫຍາຍຢ່າງຕໍ່ເນື່ອງໃນອັດຕາສ່ວນຊູມຫຼາຍ” ນຳມາສູ່ຄຸນສົມບັດໃນການສັງເກດການທີ່ເໝາະສົມກັບຂອບເຂດນັບສິບກິໂລແມັດ, ສະໜອງຮູບພາບທີ່ມີຄວາມຄົມຊັດສູງໃນສະພາບເງື່ອນໄຂທີ່ຫຍຸ້ງຍາກຕ່າງໆ. ການທີ່ໄດ້ຮັບໃບອະນຸຍາດສິ່ງປະດິດສະເພາະໃນອາເມລິກາ ເປັນຜົນປະໂຫຍດທີ່ຊ່ວຍໃຫ້ຜະລິດຕະພັນເຕັກໂນໂລຊີຫວຽດນາມເຂົ້າເຖິງຕະຫຼາດສາກົນໄດ້ຢ່າງງ່າຍດາຍ.
ຄິດໄລ່ຮອດໝົດປີ 2021, ກຸ່ມບໍລິສັດອຸດສາຫະກຳເຕັກໂນໂລຊີຂັ້ນສູງຫວຽດເທວ ໄດ້ຮັບລິຂະສິດໃບອະນຸຍາດສິ່ງປະດິດສະເພາະ 8 ຢ່າງ; ເປັນວິສາຫະກິດເຕັກໂນໂລຊີຂັ້ນສູງຂອງຫວຽດນາມທີ່ມີໃບອະນຸຍາດສິ່ງປະດິດສະເພາະຫຼາຍທີ່ຄ້ຳປະກັນຜູກຂາດສິດໃນອາເມລິກາທີ່ສຸດ, ກວມເອົາທັງສາມຂົງເຂດຄື: ການທະຫານ, ພົນລະເຮືອນ ແລະ ການສື່ສານໂທລະຄົມ.
ຕາມຂໍ້ມູນກົມລິຂະສິດຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ປີ 2021, ກຸ່ມບໍລິສັດອຸດສະຫະກຳເຕັກໂນໂລຊີຂັ້ນສູງຫວຽດເທວ ເປັນຂະແໜງການທີ່ມີຕົວເລກຈຳນວນການຈົດທະບຽນສິ່ງປະດິດຫຼາຍທີ່ສຸດໃນຫວຽດນາມ, ຕໍ່ມາແມ່ນສະຖາບັນວິທະຍາສາດ ແລະ ເຕັກໂນໂລຊີຫວຽດນາມ; ບັນດາມະຫາວິທະຍາໄລແຫ່ງຊາດຮ່າໂນ້ຍ ແລະ ນະຄອນໂຮ່ຈີມິນ.
ວິລະຊົນ
