ທ່ານ ຫງວຽນແທ່ງຟອງ, ຫົວໜ້າກົມຄວາມປອດໄພດ້ານສະບຽອາຫານ, ກະຊວງສາທາລະນະສຸກ ໃຫ້ຮູ້ວ່າ ແຕ່ວັນທີ 20 ທັນວາ 2021 ຫາວັນທີ 12 ມີນາ 2022, ບັນດາກະຊວງ, ຂະແໜງການ ແລະອົງການສູນກາງຈະສ້າງຕັ້ງ 6 ຄະນະລະຫວ່າງຂະແໜງການກວດກາວຽງານຄວາມປອດໄພດ້ານສະບຽງອາຫານ ຢູ່ 12 ແຂວງ ແລະນະຄອນຈຸດສຸມ.
 |
| ທ່ານຮອງນາຍົກລັດຖະມົນຕີ ຫວູດຶກດາມ. ພາບ: VGP |
ບັນດາທ້ອງຖີ່ນສ້າງຕັ້ງຄະນະກວດກາລະຫວ່າງຂະແໜງການທຸກຂັ້ນ, ມີແຜນ ການກວດກາທີ່ເໝາະສົມກັບສະພາບການຂອງພະຍາດໂຄວິດ-19 ຢູ່ໃນບໍລິເວນ.
ບັນດາຄະນະກວດກາສຸມໃສ່ບັນດາສິນຄ້າທີ່ໄດ້ນຳໃຊ້ຫຼາຍໃນໂອກາດບຸນປີໃໝ່ປະຈໍາຊາດ, ເງື່ອນໄຂຮາກຖານການຜະລິດ ແລະປຸງແຕ່ງສະບຽງອາຫານ, ດໍາເນີນທຸລະກິດການບໍລິການກິນດື່ມ, ເກັບຕົວຢ່າງອາຫານເພື່ອກວດວິໄຈ...
ການຕີລາຄາຫຼັກອະນາໄມຄວາມປອດໄພດ້ານສະບຽງອາຫານ ສືບຕໍ່ມີການປ່ຽນແປງຢ່າງຕັ້ງໜ້າໃນໄລຍະຜ່ານມາ, ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ: ບັນດາກຳລັງໄດ້ຫັນເປັນການຄຸ້ມຄອງຄວາມສ່ຽງ, ຍູ້ແຮງການຜະລິດທີ່ປອດໄພໃນຂົງເຂດກະສິກຳ. ບັນດາທ້ອງຖິ່ນ, ກະຊວງກະສິກຳ ແລະພັດທະນາຊົນນະບົດ ໄດ້ເລັ່ງສ້າງແຜນທີ່ຄວາມປອດໄພດ້ານການຜະລິດກະສິກຳຕິດພັນກັບຕົ້ນກໍາເນີດຂອງຜະລິດຕະພັນ.
ບູນມີ
