| ສັກວັກຊີນກັນພະຍາດ ໂຄວິດ -19 ໃຫ້ກັບນັກສຶກສາລາວ ແລະກໍາປູເຈຍ ເກືອບ 40 ຄົນ | |
| ຍູ້ແຮງການຮ່ວມມືດ້ານປ້ອງກັນຊາດ ຫວຽດນາມ - ຍີ່ປຸ່ນ ໃນໄລຍະໃໝ່ |
 |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້. ພາບ: quochoi.vn |
ໃນຂອບເຂດການເດີນທາງໄປປະຕິບັດງານຢູ່ເອີຣົບ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ຢ້ຽມຢາມ ແລະ ເຮັດວຽກກັບລັດຖະສະພາເອີຣົບ, ລາຊະອານາຈັກ ແບນຊິກ ແຕ່ວັນທີ 8 ຫາ ວັນທີ 9 ກັນຍາ. ໜັງສືພິມຂອງ ແບນຊິກ ເຊັ່ນ Brussels Times, EU Today ໄດ້ລົງຂ່າວ, ບົດຕີລາຄາກ່ຽວກັບການຢ້ຽມຢາມທີ່ສ້າງກຳລັງໜູນຊຸກຍູ້ການພົວພັນລະຫວ່າງ ຫວຽດນາມ ແລະ ແບນຊິກ ເວົ້າສະເພາະ, ຫວຽດນາມ - ອີຢູ ເວົ້າລວມ ໃຫ້ພັດທະນາຂຶ້ນສູ່ລະດັບສູງໃໝ່ໃນໄລຍະຈະມາເຖິງ.
ບົດຂຽນ “ສາຍພົວພັນ ຫວຽດນາມ - ອີຢູ ຂຶ້ນສູ່ລະດັບສູງໃໝ່” ໄດ້ລົງພິມໃນໜັງສືພິມ Brussels Times ໃນວັນທີ 5 ກັນຍາ, ຜູ້ຂຽນ ກໍໄດ້ເນັ້ນໜັກວ່າ ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວ້ ແມ່ນການນຳສູງຂັ້ນສູງທຳອິດຂອງ ຫວຽດນາມ ທີ່ເດີນທາງໄປປະຕິບັດງານຢູ່ເອີຣົບ ນັບແຕ່ຫຼັງກອງປະຊຸມໃຫຍ່ຄັ້ງທີ XIII ຂອງພັກ ແລະ ການເລືອກຕັ້ງສະພາແຫ່ງຊາດຊຸດທີ XV ຢູ່ ຫວຽດນາມ. ການຢ້ຽມຢາມໄດ້ເປັນການປະກອບສ່ວນຢັ້ງຢືນແຜນນະໂຍບາຍ, ນະໂຍບາຍສືບຕໍ່ຖືເປັນສຳຄັນ ແລະ ເພີ່ມທະວີການພົວພັນຮ່ວມມືກັບ ສະຫະພາບເອີຣົບ (ອີຢູ) ແລະ ແບນຊິກ ຂອງຄະນະການນຳຊຸດໃໝ່ຢູ່ ຫວຽດນາມ.
ໜັງສືພິມ EU Today ສະບັບອອກໃນວັນທີ 6 ກັນຍາ ກໍໄດ້ລົງບົດຂຽນດ້ວຍຫົວຂໍ້ “ການພົວພັນ ອີຢູ - ຫວຽດນາມ - ແບນຊິກ: ທິດກ້າວເດີນໃໝ່ພາຍຫຼັງໂລກລະບາດ” ໄດ້ຕີລາຄາຢ່າງຕັ້ງໜ້າກ່ຽວກັບແງ່ຫວັງການຮ່ວມມືລະຫວ່າງຫວຽດນາມ ກັບ ອີຢູ ແລະ ແບນຊິກ. ຜູ້ຂຽນກໍໄດ້ໃຫ້ຂໍ້ສັງເກດວ່າ ການລົງນາມໃນສົນທິສັນຍາ EVFTA ແລະ ສົນທິສັນຍາອາລັກຂາການລົງທຶນ ຫວຽດນາມ - ອີຢູ (EVIPA) ໄດ້ເປີດສັງກາດໃໝ່ທີ່ສົດໃສໃຫ້ແກ່ສາຍພົວພັນຮ່ວມມືລະຫວ່າງ ອີຢູ, ແບນຊິກ ກັບ ຫວຽດນາມ.
ບັນດາສົນທິສັນຍາເຫຼົ່ານີ້ ຄາດວ່າຈະນໍາເອົາໂອກາດ “ຄໍາ” ມາໃຫ້ແຕ່ລະຝ່າຍເພື່ອຂຸດຄົ້ນສາມາດຄວາມບົ່ມຊ້ອນຢ່າງມີປະສິດທິຜົນ, ຊຸກຍູ້ການຮ່ວມມືດ້ານການຄ້າ, ການລົງທຶນ, ການພັດທະນາແບບຍືນຍົງ ແລະ ປະກອບສ່ວນ ເຂົ້າໃນການເພີ່ມທະວີການເຊື່ອມຕໍ່ລະຫວ່າງພື້ນຖານເສດຖະກິດເອີຣົບ ແລະ ອາຊີ ຢ່າງຕັ້ງໜ້າ.
ຜູ້ຂຽນກໍໄດ້ຕີລາຄາວ່າ ການຢ້ຽມຢາມຂອງ ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້-ການຢ້ຽມຢາມຂັ້ນສູງຄັ້ງທີ 20 ຂອງການນຳຫວຽດນາມ ໄປຍັງແບນຊິກ - ໄດ້ເປີດໄລຍະໃໝ່ໃຫ້ແກ່ການພົວພັນລະຫວ່າງສອງຝ່າຍ.
ໄຊພອນ
