 |
| ຊຸດວັກຊິນທີ່ສົ່ງເຖິງຫວຽດນາມ ຕາມກົນໄກໂຄແວັກ. ພາບ: ສໍານັກຂ່າວສານຫວຽດນາມ. |
ໃນຈົດໝາຍ, ທ່ານປະທານປະເທດ ຫງວຽນຊວນຟຸກ ໄດ້ຂອບໃຈຕໍ່ການເອົາໃຈໃສ່ ແລະການໜູນຊ່ວຍຂອງອີຢູ ໃຫ້ແກ່ຫວຽດນາມ ໃນໄລຍະຜ່ານມາ, ພິເສດແມ່ນໄດ້ໜູນຊ່ວຍວັກຊິນຈໍານວນ 2,4 ລ້ານໂດສ ຜ່ານກົນໄກໂຄແວັກ. ທ່ານປະທານປະເທດ ເນັ້ນໜັກວ່າ, ຫວຽດນາມ ກໍາລັງປະສົບຄວາມຫຍຸ້ງຍາກເພື່ອມີຈໍານວນວັກຊິນສັກໃຫ້ປະຊາຊົນເກືອບ 100 ລ້ານຄົນ ແລະອຸປະກອນການແພດປ້ອງກັນ, ຕ້ານພະຍາດໂຄວິດ-19 ຢ່າງພຽງພໍ. ຕາມນັ້ນແລ້ວ, ບົນພື້ນຖານການພົວພັນຄູ່ຮ່ວມມື ແລະການຮ່ວມມືຮອບດ້ານກໍາລັງພັດທະນາອັນດີງາມລະຫວ່າງຫວຽດນາມ ແລະອີຢູ, ທ່ານປະທານປະເທດ ຮຽກຮ້ອງໃຫ້ອີຢູ ໜູນຊ່ວຍຫວຽດນາມ ໃນລະດັບສູງສຸດຜ່ານການເຄື່ອນໄຫວໜູນຊ່ວຍ, ໂອນວັກຊິນ, ແບ່ງປັນເຕັກໂນໂລຢີ, ສະໜອງວັດຖຸອຸປະກອນການແພດປິ່ນປົວໃຫ້ຜູ້ຕິດເຊື້ອພະຍາດໂຄວິດ-19 ແລະແບ່ງປັນບົດຮຽນໃນການຮັບມືກັບພະຍາດໂຄວິດ-19.
ນອກຈາກນີ້, ທ່ານນາຍົກລັດຖະມົນຕີ ຟ້າມມິງຈີ໊ງ ກໍ່ໄດ້ສົ່ງຈົດໝາຍເຖິງທ່ານນາງ Ursula von der Leyen ປະທານຄະນະກໍາມະການເອີລົບ. ໃນຈົດໝາຍ, ທ່ານນາຍົກລັດຖະມົນຕີ ຟ້າມມິງຈີ໊ງ ຕີລາຄາສູງທ່າພັດທະນາທີ່ຕັ້ງໜ້າໃນການພົວພັນລະຫວ່າງຫວຽດນາມ ແລະອີຢູ ໃນສະພາບການທີ່ສອງຝ່າຍໄດ້ຮັບຜົນສະທ້ອນຈາກພະຍາດໂຄວິດ-19. ທ່ານນາ ຍົກລັດຖະມົນຕີ ຫວັງວ່າ ອີຢູ ຈະພິຈາລະນາໜູນຊ່ວຍວັກຊິນໃຫ້ແກ່ຫວຽດນາມ, ສະເໜີໂຄແວັກ ບຸລິມະສິດແບ່ງປັນວັກຊິນໃຫ້ແກ່ຫວຽດນາມ ແລະບັນດາປະເທດອາຊຽນ ໃນໄລຍະພະຍາດໂຄວິດ-19 ຜັນແປຢ່າງສັບສົນຢູ່ພາກພື້ນໃນປະຈຸບັນ.
la.qdnd.vn
