| 3 ບຸລິມະສິດ ເມື່ອປະຕິບັດຄຳສັ່ງເລກທີ 16 ຢູ່ 19 ແຂວງ, ນະຄອນທາງພາກໃຕ້ | |
| ກອງທຶນວັກຊິນກັນໂຄວິດ - 19 ໄດ້ຮັບເງິນເປັນຈຳນວນ 8.080 ຕື້ດົ່ງ ໂດຍມີກ່ວາ 425.600 ອົງການ, ສ່ວນບຸກຄົນປະກອບສ່ວນ |
 |
| ພາບປະກອບ |
ເລີ່ມແຕ່ເວລາ 0 ໂມງຂອງວັນທີ 19 ກໍລະກົດ 2021, 19 ແຂວງ, ນະຄອນທາງພາກໃຕ້ ໄດ້ປະຕິບັດການແຍກຫ່າງໃນສັງຄົມຕາມຈິດໃຈປະຕິບັດຄຳສັ່ງເລກທີ 16 ຂອງນາຍົກລັດຖະມົນຕີ ຢ່າງເປັນທາງການ. ໄປຄຽງຄູ່ກັບການຮັບປະກັນວຽກງານປ້ອງກັນ, ຕ້ານໂລກລະບາດໂຄວິດ - 19, ບາງແຂວງ, ນະຄອນຍັງອະນຸຍາດໃຫ້ບັນດາຕະຫຼາດມີການເຄື່ອນໄຫວທີ່ເປັນປົກກະຕິ ແຕ່ຕ້ອງນຳໃຊ້ບັນດາມາດຕະການປ້ອງກັນຕ້ານໂລກລະບາດໂຄວິດ - 19 ຂອງກະຊວງສາທາລະນະສຸກຢ່າງເຂັ້ມງວດ.
ຢູ່ແຂວງບາກລຽວ, ເພື່ອຮັບປະກັນຄວາມຕ້ອງການທາງດ້ານສິນຄ້າທີ່ຈຳເປັນ ແລະ ສະບຽງອາຫານ, ທັນຍາຫານໃຫ້ແກ່ປະຊາຊົນໃນບໍລິເວນແຂວງ, ຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ - 19 ແຂວງບາກລຽວ ຍັງອະນຸຍາດໃຫ້ສືບຕໍ່ຮັກສາການເຄື່ອນໄຫວຂອງບັນດາຕະຫຼາດເປັນປົກກະຕິ ເພື່ອຄ້າຂາຍສິນຄ້າປະເທດສະບຽງອາຫານ, ທັນຍາຫານ ແລະ ສິນຄ້າປະເພດຕ່າງໆທີ່ຈຳເປັນ. ທ່ານ ຟ້າມວັນຖ່ຽວ ປະທານຄະນະກຳມະການປະຊາຊົນ, ຫົວໜ້າຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ - 19 ແຂວງບາກລຽວ ຢັ້ງຢືນວ່າ:
ປະຊາຊົນບໍ່ຄວນແຕກຕື່ນໃນຂະນະນີ້, ແຂວງບາກລຽວຍັງຄວບຄຸມໂລກລະບາດໂຄວິດ - 19 ໄດ້ເປັນຢ່າງດີ ແລະ ບັນດາການເຄື່ອນໄຫວຍັງໄດ້ດຳເນີນຢ່າງເປັນປົກກະຕິ, ມີການຕິດຕາມກວດກາຢ່າງແໜ້ນແຟ້ນຂອງອຳນາດການປົກຄອງ. ປະຊາຊົນຕ້ອງປະຕິບັດຕາມການແນະນຳ 5 ຂໍ້ປະການ ຂອງກະຊວງສາທາລະນະສຸກໃຫ້ເປັນຢ່າງດີ, ແຈ້ງອາການສຸຂະພາບ, ພ້ອມທັງກວດວິໄຈຫາເຊື້ອມີຜົນເປັນລົບ... ທຸກໆບັນຫານັ້ນ ພວກເຮົາຍັງມີການເຄຶ່ອນໄຫວທີ່ເປັນປົກກະຕິ, ບໍ່ແມ່ນສະກັດກັ້ນຫ້າມບໍ່ໃຫ້ເຄື່ອນໄຫວ ແລະ ບໍ່ມີຂໍ້ກຳນົດທີ່ແຂງກະດ້າງກັບການແຍກຫ່າງໃນສັງຄົມ.
ສ່ວນຢູ່ແຂວງຈ່າວິງ, ສິນຄ້າປະເພດຈຳເປັນຄື: ເຂົ້າສານ, ໝີ່, ຊີ້ນ, ໄຂ່, ນ້ຳນົມ...ກຳລັງຊື້ສິນຄ້າຍັງສູງເມື່ອທຽບໃສ່ກັບທຳມະດາ ແຕ່ແຫຼ່ງສະໜອງຍັງອຸດົມສົມບູນ, ລາຄາກໍ່ເພີ່ມຂຶ້ນໜ້ອຍໜຶ່ງ.
ຢູ່ແຂວງວິງລອງ, ທ່ານ ລືກວາງເງີ່ຍ, ປະທານຄະນະກຳມະການປະຊາຊົນແຂວງ ວິງລອງ ໃຫ້ຮູ້ວ່າ ໂດຍປະຕິບັດຕາມຄຳສັ່ງເລກທີ 16 ຂອງທ່ານນາຍົກລັດຖະມົນຕີ, ແຂວງວິງລອງ ໄດ້ສ້າງຕັ້ງປ້ອມກວດກາຄົງທີ່ ແລະ ເຄື່ອນທີ່ເປັນຈຳນວນຫຼາຍ ແຕ່ແຂວງລົງຮອດຮາກຖານ ເພື່ອຄວບຄຸມໂລກລະບາດໂຄວິດ - 19 ແລະ ຜູ້ເຂົ້າອອກທ້ອງຖິ່ນ.
vovworld.vn
