 |
ຮອງລັດຖະມົນຕີ ກະຊວງການຕ່າງປະເທດຫວຽດນາມ ຫງວ໋ຽນ ກວກ ຢຸ໋ງ ພ້ອມດ້ວຍບັນດາຜູ້ແທນເຂົ້າຮ່ວມການແຂ່ງຂັນຫຼິ້ນເກມ ດຶງເຊືອກ ໃນວັນຄອບຄົວອາຊຽນ 2019 (ພາບ: TTXVN)
ວັນຄອບຄົວອາຊຽນ 2019 ແມ່ນເຫດການ ຄຳນັບຮັບຕ້ອນວັນສະເຫຼີມສະຫຼອງຄົບຮອບ 52 ປີ ວັນສ້າງຕັ້ງອາຊຽນ (1967-2019), ຈັດຂື້ນໂດຍກະຊວງການຕ່າງປະເທດ ແລະ ປະຊາຄົມແມ່ຍິງອາຊຽນ (AWCH). ລາຍງານໄດ້ຮັບການຕອບສະໜອງຈາກຜູ້ຕາງໜ້າການນຳ, ພະນັກງານ, ລັດຖະກອນ ກະຊວງການຕ່າງປະເທດ; ບັນດາເອກອັກຄະລັດຖະທູດ ແລະ ຜູ້ຕາງໜ້າບັນດາປະເທດອາຊຽນ ພ້ອມຄອບຄົວ ກໍ່ຄືຄະນະຜູ້ແທນຈາກເຄືອຂ່າຍແມ່ຍິງອາຊຽນ ທີ່ຮ່າໂນ້ຍ ແລະ ສະມາຊິກຄອບຄົວ ທີ່ຕາງໜ້າໃຫ້ຄູ່ຮ່ວມມື 16 ຄອບຄົບ ຂອງ ອາຊຽນ ທີ່ ຮ່າໂນ້ຍ.
ກ່າວຄຳເຫັນທີ່ພິທີເປີດງານວັນຄອບຄົວ ອາຊຽນ 2019, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວ໋ຽນ ກວກ ຢຸ໋ງ, ຫົວໜ້າ SOM ASEAN ຫວຽດນາມ ຢືນຢັນວ່າ: ໃນເຄິ່ງສະຕະວັດທີ່ຜ່ານມາ, ອາຊຽນກາຍເປັນປະຊາຄົມສັນຕິພາບ, ເຂັ້ມແຂງ ແລະ ຄວາມຈະເລີນຮຸ່ງເຮືອງ ຂອງ 10 ປະເທດອາຊີຕາເວັນອອກສ່ຽງໃຕ້. ອາຊຽນກໍ່ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ຂອງຫຼາຍປະເທດໃນພາກພື້ນ ແລະ ໃນໂລກ, ຮ່ວມສູ້ຊົນເພື່ອສັນຕິພາບ ບົນຈິດໃຈການເຈລະຈາ ແລະ ການຮ່ວມມື.
ເນັ້ນໜັກເຖິງຄວາມມຸ້ງມາດປາດຖະໜາ ເພື່ອປະຊາຄົມອາຊຽນເອົາຄົນເປັນສູນກາງ, ທ່ານຮອງລັດຖະມົນຕີ ຫງວຽ໋ນ ກວກ ຢຸ໋ງ ໄດ້ຕີລາຄາສູງບົດບາດຂອງວັນຄອບຄົວອາຊຽນ 2019 ນີ້ແມ່ນໂອກາດເພື່ອຊຸກຍູ້ການເຊື່ອມຕໍ່ຄົນກັບຄົນ, ເພີ່ມທະວີມິດຕະພາບຄວາມເປັນເພື່ອນມິດ, ຄວາມສາມັກຄີ ແລະ ການຮ່ວມມື, ພິເສດແມ່ນເມື່ອເຫດການປີນີ້ໄດ້ຮັບການຂະຫຍາຍຕົວຢ່າງກວ້າງຂວາງ, ຕ້ອນຮັບການເຂົ້າຮ່ວມຂອງຄອບຄົວ ແລະ ເພື່ອນມິດ ທີ່ເປັນຄູ່ຮ່ວມມືຂອງອາຊຽນ.
ພາຍຫຼັງພິທີເປີດ, ຜູ້ແທນທີ່ເຂົ້າຮ່ວມກວ່າ 200 ຄົນ ໄດ້ເຮັດໃຫ້ບັນຍາກາດວັນຄອບຄົວອາຊຽນ ເພີ່ມຄວາມອົບອຸ່ນຂື້ນ ດ້ວຍກິດຈະກຳການຂີ່ລົດຖີບມິດຕະພາບ ຈາກສຳນັກງານໃຫຍ່ຂອງກະຊວງການຕ່າງປະເທດ (ເລກທີ 1 ໂຕນ ເທິດ ດ່າມ, ເມືອງບາດິ່ງ) ໄປຮອດ ອາຄານເຮັດວຽກ ຂອງກະຊວງ (ເລກທີ 2 ເລ ກວາງ ດ້າວ, ເມືອງນາມ ຕື່ ລຽມ).
 |
ຜູ້ແທນເກືອບ 200 ຄົນ ໄດ້ຮ່ວມກັນຖີບລົດຖີບ ກວ່າ10 ກິໂລແມັດ ພາຍໃຕ້ແສງແດດຮ້ອນເອົ້າ.(ພາບ: TG&VN)
ສຳເລັດການຖີບລົດຖີບ ເກືອບ 10 ກິໂລແມັດ ພາຍໃຕ້ແສງແດດຮ້ອນເອົ້າຂອງມື້ນັ້ນ, ຜູ້ເຂົ້າຮ່ວມໄດ້ສະແດງໃຫ້ເຫັນເຖິງພະລັງແຮງໝູ່ຄະນ, ຄວາມຕັດສິນໃຈ ແລະ ຈິດໃຈສຊ່ວຍເຫຼືອເຊິ່ງກັນແລະກັນ, ສິ່ງດັ່ງກ່າວນີ້ແມ່ນມູນເຊື້ອ, ປະເພນີອັນດີງາມ ຂອງປະຊາຊົນໃນປະຊາຄົມບັນດາປະເທດ ອາຊີຕາເວັນອອກສ່ຽງໃຕ້.
ແລະໃນລາຍການ, ບັນດາຜູ້ແທນຍັງໄດ້ເຂົ້າຮ່ວມ ກິດຈະກຳວັດທະນະທຳ ທີ່ເປັນເອກະລັກສະເພາະຂອງອາຊຽນ ເປັນຕົ້ນແມ່ນການແລກປ່ຽນວັດທະນະທຳ, ກິລາ, ເກມພື້ນເມືອງ ແລະ ອາຫານການກິນ.
 |
ການເຕັ້ນລວມໝູ່ ເຕັມດ້ວຍຈິດໃຈຂອງອາຊຽນ.(ພາບ: TG&VN)
ທ່ານເອກອັກຄະລັດຖະທູດ ຫງວ໋ຽນ ຫງວ້ຽດ ງາ, ປະທານພິເສດ AWCH, ວັນຄອບຄົວອາຊຽນ 2019 ຍາມໃດກໍ່ແມ່ນຊ່ວງເວລາ ສະຫງວນໃຫ້ແກ່ຄວາມຮັກແພງ ແລະ ເວລາໃຫ້ເພື່ອນທີ່ສະໜິດສະໜົມ ທີ່ສຸດ. ໃນໂອກາດນີ້, ທ່ານເອກອັກຄະລັດຖະທູດ ໄດ້ສະແດງຄວາມປາດຖະໜາວ່າ: ບັນດາສະມາຊິກອາຊຽນ ແລະ ບັນດາຄູ່ຮ່ວມມື, ເພື່ອນມິດຈະສືບຕໍ່ປູກຝັງຄວາມຮູ້ສຶກ ແລະ ຄວາມສາມັກຄີ ຜ່ານການແຂ່ງຂັນກິລາ ແລະ ການຫຼິ້ນເກມຕ່າງໆ ທີ່ມີຄວາມໝາຍ ໃນວັນຄອບຄົວ ອາຊຽນ 2019.
（ຫັດທະບູນ）
