ແຕ່ວັນທີ 19 ຮອດ 20 ເດືອນກຸມພາ, ຢູ່ນະຄອນຫຼວງວຽງຈັນ ລາວ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີງມີງ ຈະເຂົ້າຮ່ວມກອງປະຊຸມລັດຖະມົນຕີການທູດ ແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5 ຕາມຄຳເຊີນຂອງທ່ານລັດຖະມົນຕີກະຊວງການຕ່າງປະເທດລາວ ສະເຫຼີມໄຊ ກົມມະສິດ.
ກໍ່ໃນໂອກາດນີ້, ໃນບົດບາດເປັນປະທານສະພາປະສານງານອາຊຽນ (ACC), ທ່ານຮອງນາຍົກລັດຖະມົນຕີ ຟ້າມບີງມີງ ຈະໄດ້ກຳກັບການປະຊຸມທີ່ພິເສດຂອງ ACC ແລະ ນຳບັນດາລັດຖະມົນຕີການຕ່າງປະເທດຂອງອາຊຽນ, ຈີນ ຈະເຂົ້າຮ່ວມກອງປະຊຸມພິເສດ ລັດຖະມົນຕີການຕ່າງປະເທດອາຊຽນ-ຈີນກ່ຽວກັບການຮ່ອມມືກັນຮັບມືກັບເຊື້ອພະຍາດອັກເສບປອດ ທີ່ເກີດຈາກເຊື້ອໃໝ່ຂອງ ໄວຣັດ ໂຄໂຣນາ (Covid-19).
 |
ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີງມີງ ຢູ່ກອງປະຊຸມລັດຖະມົນຕີການຕ່າງປະເທດຂອງອາຊຽນ. (ພາບ:nld.com.vn)
ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີງມີງ, ໃນບົດບາດເປັນປະທານສະພາປະສານງານອາຊຽນ, ໄດ້ສົ່ງຈົດໝາຍສະແດງນໍ້າໃຈປະສົມປະຕິບັດປ້ອງກັນເຊື້ອພະຍາດ Covid-19 ເຖິງບັນດາປະເທດອາຊຽນ. ຫວຽດນາມໄດ້ສະເໝີສ້າງຕັ້ງກຸ່ມວຽກງານລວມ ຂັ້ນລັດຖະມົນຕີ ນຳການເຂົ້າຮ່ວມຂອງບັນດາອົງການການຂົນສົ່ງ, ເຂົ້າອອກເມືອງ, ກວດກາຊາຍແດນ, ການກົງສູນ ແລະ ອື່ນໆ ຈະຈັດຕັ້ງການປະຊຸມອ່ອນໄລເພື່ອແບ່ງປັນຂໍ້ມູນຂ່າວ ແລະ ປະສານງານເຄືອນໄຫວຂອງບັນດາປະເທດສະມາຊິກອາຊຽນຢ່າງທັນທີ.
ພາຍຫຼັງການແລກປ່ຽນກັບບັນດາປະເທດສະມາຊິກອາຊຽນ ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ອອກຖະແຫຼງການກ່ຽວກັບການຮັບມືລວມຂອງອາຊຽນຕໍ່ໜ້າການລະບາດຂອງເຊື້ອພະຍາດດັ່ງກ່າວ. ຖະແຫຼງການດັ່ງກ່າວໄດ້ເນັ້ນໜັກເຖິງຄວາມສາມັກຄີຂອງອາຊຽນ ແລະ ນໍ້າໃຈ “ສະໜິດຕິດພັນ ແລະ ເໝາະສົມ” ຂອງປະຊາຄົມ, ການນຳຂອງບັນດາປະເທດອາຊຽນກໍ່ໄດ້ຢືນຢັນສັນຍາໃນການຮ່ວມມືກັນຢ່າງເຂັ້ມແຂງແຮງກ້າໃນການຄວບຄຸມກວດກາ ແລະ ສະກັດກັ້ນການລະບາດຂອງເຊື້ອພະຍາດ, ຮັບປະກັນໃຫ້ປະຊາຊົນມີຊີວິດທີ່ສະຫງົບສຸກ.
ຖະແຫຼງການກໍ່ຊົມເຊິຍຄວາມບຸກບືນໃນຊ່ວງຮ່ວມມືກັນດ້ານການສາທາລະນະສຸກຂອງອາຊຽນກັບບັນດາຄູ່ຮ່ວມມືຄື: ຈີນ, ຍີ່ປຸ່ນ, ເກົ່າຫຼີ. ໄດ້ເນັ້ນໜັກວ່າຈະເພີ່ມທະວີສົມທົບທັງປະເທດ ແລະ ໃນເຂດ. ປະສານງານບັນດາເຄື່ອນໄຫວການຮ່ວມມືລະຫວ່າງບັນດາດ້ານວິຊາສເພາະທີ່ກ່ຽວຂ້ອງເພື່ອເອກະພາບວິທີການເຂົ້າໃກ້ຢ່າງຄົບຊຸດ, ປະສິດທິຜົນຂອງປະຊາຄົມອາຊຽນ ກໍ່ຄືເພີ່ມທະວີການຮ່ວມມືກັນກັບອົງການສາທາລະນະສຸກໂລກ (WHO), ບັນດາຄູ່ຮ່ວມມື, ບັນດາອົງການໂລກໃນການປ້ອງກັນ ແລະ ກວດກາເຊື້ອພະຍາດ.
ໃນໂອກາດນີ້, ໃນບົດບາດເປັນປະທານສະພາປະສານງານອາຊຽນ (ACC) ທ່ານຮອງນາຍົກລັດຖະມົນຕີເຊິ່ງເປັນລັດຖະມົນຕີກະຊວງການຕ່າງປະເທດ ຟ້າມບີງມີງ ໄດ້ນຳສະເຫໝີຈັດຕັ້ງການປະຊຸມພິເສດຂອງສະພາ ແລະ ສົມທົບກັບຈີນຈັດຕັ້ງກອງປະຊຸມພິເສດລັດຖະມົນຕີການຕ່າງປະເທດອາຊຽນ-ຈີນເພື່ອສົນທະນາກ່ຽວກັບການຮ່ວມມືກັນຮັບມືກັບເຊື້ອພະຍາດ Covid-19.
（ຄໍາຮຸ່ງ）
