 |
ຊາຍຊາວອາເມລິກັນ ຖືກລາງວັນໃຫຍ່ ແຈັກພ໋ອດ Powerball 343,9 ລ້ານ USD.(ພາບ: AP)
Robert Bailey ເປັນ ພະນັກງານບຳນານ ຢູ່ ນິວຢອກ ອອກ, ໃນວັນທີ 14 ພະຈິກ ຫາກໍ່ໄປຮັບເງິນລາງວັນທີ 1 ຂອງ ຫວຍ ພາວເວີບອນ ມີມູນຄ່າ 343,9 ລ້ານ USD ເຖິງວ່າ ລາງວັນດັ່ງກ່າວໄດ້ປະກາດຜົນ ໃນທ້າຍເດືອນທີ່ຜ່ານມາ. ຊຸດຕົວເລກ ທີ່ ທ່ານ ເບລີ່ ຊື້ ແມ່ນ 8-12-13-19-27-4 ເຊິ່ງລາວຊື້ ຊຸດຕົວເລກນີ້ມາຫຼາຍກວ່າ ສອງ ທົດສວັດແລ້ວ, ຕາມການລາຍງານຂອງໝັງສືພິມ ນິວຢອກທາມ. ເນື່ອງຈາກວ່າຕ້ອງການຮັບເງິນສົດຄັ້ງດຽວ ດັ່ງນັ້ນ, ທ່ານ ເບລີ່ ຈຶ່ງໄດ້ຮັບພຽງແຕ່ 125 ລ້ານໂດລາສະຫະລັດ ຫຼັງຈາກຫັກພາສີ. "ຂ້າພະເຈົ້າ ຍັງຮູ້ສຶກຕື່ນເຕັ້ນ ແລະ ດີໃຈ ຍັງບໍ່ເຊົາ ທີ່ໄດ້ເປັນຜູ້ໂຊດດີຄັ້ງນີ້" ທ່ານ ເບລີ່ ເລົ່າຄວາມຮູ້ສຶກໃນຕອນທີ່ຂື້ນຮັບລາງວັນ "ຂ້າພະເຈົ້າ ໄດ້ຮັບພອນ ອັນປະເສີດຈາກ ພະເຈົ້າ" ທ່ານ ເບລີ່ ໄດ້ເລົ່າສູ່ຝັງວ່າ: ຊຸກຕົວເລກ ທີ່ລາວຊື້ ແມ່ນສະມາຊິກໃນຄອບຄົວເປັນຄົນບອກ ແຕ່ 25 ປີກ່ອນແລ້ວ. ປົກກະຕິ ລາວຈະຊື້ ຕາມຮ້ານຕົວແທນຈຳໜ່າຍ ທີ່ຄຸ້ນເຄີຍເທົ່ານັ້ນ, ແຕ່ໃບນີ້ ລາວຊື້ຢູ່ຮ້ານຂາຍຂອງກິນ ແຫ່ງໜຶ່ງ ບ່ອນທີ່ລາວເຂົ້າໄປຫຼົບຝົນ.
Bailey ແມ່ນໜຶ່ງໃນສອງ ຜູ້ຖືກແຈັກພ໋ອດ Powerball ເປັນເງິນ 687,8 ລ້ານ USD. ຄົນທີສອງ ແມ່ນ ປ້າ Lerynne West ອາຍຸ 51 ປີ, ຢູ່ ໂລວາ. West ໄດ້ເດີນທາງມາຮັບລາງວັນ ໃນອາທິດກ່ອນ, ຊຸດຕົວເລກລາວຊື້ແມ່ນ ຕົວເລກທີ່ຊື້ແບບ ແລັນດ້ອມ.
Powerball ຂາຍຢູ່ໃນ 44 ລັດ ຂອງ ສະຫະລັດອາເມລິກາ, ວໍຊິງຕັນ ດີຊີ, ໝູ່ເກາະ Virgin và Puerto Rico. Powerball ໃບໜຶ່ງ ລາຄາ 2 USD. ຜູ້ຊື້ ເລືອກເອົາຕົວເລກ 5 ຄູ່, ໃນຊຸດຕົວເລກ ແຕ່ 1 ຫາ 69. ຕົວເລກ Powerball ຈະເລືອກ ແຕ່ 1 ຫາ 26. ລາງວັນນີ້ຈະອອກ ໃນວັນພຸດ ແລະ ວັນເສົາ ຂອງອາທິດ. ລາງວັນ ຈະຖືກແບ່ງ ເທົ່າໆກັນຖ້າມີຄົນຖືກຫຼາຍຄົນ. ອັດຕາສ່ວນການຖຶກລາງວັນ ແຈັກພ໋ອດ Powerball ແມ່ນ 1/292,2 ລ້ານ, ໃນຄະນະທີ່ອັດຕາສ່ວນ ທີ່ຈະຖືກ (ຫຼືຖືກຟ້າຜ່າ) ຢູ່ ອາເມລິກາ ແມ່ນ 1 ໃນລ້ານ.
（ຫັດທະບູນ）
