 |
ບັນດາຜູ້ແທນເຂົ້າຮ່ວມກອງປະຊຸມ. (ພາບ: moit.gov.vn)
ທີ່ກອງປະຊຸມ, ບັນດາການປະກອບສ່ວນຂອງ ຫວຽດນາມ ພິເສດແມ່ນກ່ຽວຂ້ອງເຖິງບັນດາບຸລິມະສິດໃນເສົາຄ້ຳເສດຖະກິດຂອງ ອາຊຽນ ໃນປີ 2020 ໂດຍ ຫວຽດນາມ ສະເໜີ ໄດ້ຮັບການຕີລາຄາສູງຈາກຫລາຍປະເທດ ແລະ ຖືນີ້ແມ່ນພື້ນຖານ ເພື່ອຊຸກຍູ້ການຮ່ວມມືຮອບດ້ານລະຫວ່າງບັນດາປະເທດ ອາຊຽນ ໃນຂົງເຂດເສດຖະກິດ. ກອງປະຊຸມໂດຍກະຊວງອຸດສາຫະກຳ ແລະການຄ້າຫວຽດນາມ ຈັດຕັ້ງ. ກອງປະຊຸມໄດ້ປຶກສາຫາລື ແລະສະເໜີບາງຂໍ້ສະເໜີແນະສໍາຄັນທີ່ມີຄວາມໝາຍຍຸດທະສາດກ່ຽວກັບວິໄສທັດ ແລະບັນດາການເຄື່ອນໄຫວຮ່ວມມືເຊື່ອມໂຍງເສດຖະກິດພາຍໃນ ແລະພາຍນອກກຸ່ມຂອງອາຊຽນ.
ໂດຍລະອຽດແມ່ນປຶກສາຫາລືບັນດາເນື້ອໃນຕົ້ນຕໍ, ຄື: ກວດກາຄືນກາງໄລຍະແຜນການສັງລວມສ້າງປະຊາຄົມເສດຖະກິດອາຊຽນ 2025 ໃນສະພາບການເສດຖະກິດທົ່ວໂລກ ແລະໃນພາກພື້ນກໍາລັງມີການປ່ຽນແປງ, ການຜັນແປຢ່າງສັບສົນຫຼາຍຢ່າງ; ຍຸດທະສາດສັງລວມຂອງອາຊຽນ ໃນການປະຕິວັດອຸດສາຫະກໍາຄັ້ງທີ 4; ຄົ້ນຄວ້າພື້ນຖານກ່ຽວກັບລະບົບຄຸ້ມຄອງເອກະສານນິຕິກໍາໃນອາຊຽນ ແລະບັນດາບຸລິມະສິດໃນເສົາຄ້ຳເສດຖະກິດຂອງອາຊຽນ ໃນປີ 2020 ໂດຍຫວຽດນາມ ສະເໜີ; ວິວັດການ ແລະອະນາຄົດຂອງການເຈລະຈາສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP).
ບັນດາຂໍ້ສະເໜີແນະກ່ຽວກັບຍຸດທະສາດການຮ່ວມມືຈະມາເຖິງຂອງ ອາຊຽນ ຢູ່ກອງປະຊຸມ HLTF-EI ຄັ້ງທີ 37 ຈະໄດ້ຍື່ນສະເໜີຕໍ່ກອງປະຊຸມວົງແຄບລັດຖະມົນຕີເສດຖະກິດ ອາຊຽນ ຄັ້ງທີ 26 ໃນເດືອນ ມີນາ 2020 ຢູ່ນະຄອນ ດ່າໜັງ ເພື່ອພິຈາລະນາຮັບຮອງເອົາ, ໝາກຜົນສຸດທ້າຍຈະໄດ້ລາຍງານຕໍ່ບັນດາການນຳ ອາຊຽນ ໃນເດືອນ ເມສາ 2020.
（ໄຊພອນ）
