 |
ຜູ້ນຳສອງມະຫາອຳນາດ ດ້ານອາວຸດນິວເຄຼຍ ທີ່ກອງປະຊຸມສຸດຍອດ ອາເມລິກາ-ເກົາຫຼີເໜືອ.
ສະຖານນີໂທລະພາບ CCTV ຂອງ ປະເທດຈີນ ໄດ້ນຳສະເໜີຂ່າວ ການຮຽກຮ້ອງຂອງການນຳ ປຽງຢາງ ກິມຈອງ ອູນ ໃນວັນທີ 9 ສິງຫາ ທີ່ການຕ້ອນຮັບທ່ານ ລີຈານສູ້ ປະທານຄະນະປະຈຳ ສະພາຜູ້ແທນປະຊາຊົນແຫ່ງຊາດ ຈີນ ທີ່ກຳລັງຢູ່ ປຽງຢາງ ເຂົ້າຮ່ວມພິທີ ສວນສະໜາມເນື່ອງໃນໂອກາດສະເຫຼີມສະຫຼອງວັນຊາດ ສປປ.ເກົາຫຼີ ຄົບຮອບ 70 ປີ.
ຜູ້ນຳສູງສຸດ ກິມຈອງ ອູນເນັ້ນໜັກວ່າ: ເກົາຫຼີເໜືອຍັງຄົງຮັກສາ ຄຳໝັ້ນສັນຍາທີ່ບັນລຸກັບ ອາເມລິກາ ພ້ອມກັນນັ້ນກໍ່ຍັງຈັດຕັ້ງປະຕິບັດບັນດາມາດຕະການອັນສອດຄ່ອງ. ທ່ານ ກິມຈອງ ອູນ ກ່ຽວກັບການປິດໂຮງງາານທົດລອງນິເຄຼຍຂອງ ເກົາຫຼີເໜືອ ໃນຕົ້ນປີທີ່ຜ່ານມາ. ໃນໂອກາດນີ້ ຜູ້ນຳສູງສຸດຂອງເກົາຫຼີເໜືອ ສະແດງຄວາມມຸ້ງມາດປາດຖະໜາວ່າ ອາເມລິກາຈະປະຕິບັດຕາມ ແລະ ປະພືດ ຂະບວນການຂັ້ນຕອນດ້ານການເມືອງເພື່ອຕັດສິນບັນຫາດັ່ງກ່າວນີ້.
ທ່ານ ລີຈານສູ້ ຢັ້ງຢືນວ່າ: ປະເທດຈີນ ຕີລາຄາສູງບັນດາຄວາມມານະພະຍາຍາມ ຂອງ ເກົາຫຼີເໜືອ ຕໍ່ກັບເປົ້າໝາຍ ປອດອາວຸດນິວເຄຼຍ ຢູ່ແຫຼມເກົາຫຼີ. ທ່ານຍັງໃຫ້ຮູ້ວ່າ: ປະເທດຈີນ ຫວັງເປັນຢ່າງຍິ່ງວ່າ ສປປ.ເກົາຫຼີ ແລະ ອາເມລິກາ ຈະຈັດຕັ້ງປະຕິບັດຢ່າງເຂັ້ມງວດ ສົນທິສັນຍາທີ່ໄດ້ບັນລຸ ລະຫວ່່າງ ຜູ້ນຳທັງສອງຝ່າຍຄື: ກີມຈອງ ອູນ ແລະ ປະທານາທິບໍດີ ອາເມລິກາ ໂດນັນ ທຼຳ.
ນັກວິເຄາະຫຼາຍຄົນໄດ້ ກ່າວວ່າ: ຜູ້ນຳ ເກົາຫຼີເໜືອ ກຳລັງຊອກຫາ ຄວາມຮູ້ຂອງ ຈີນ ກ່ຽວກັບອຸດົມການ ທັດສະນະຂອງ ເກົາຫຼີເໜືອ ໃນບັນຫານິວເຄຼຍ. ທ່ານ ກິມຈອງ ອູນ ກໍ່ກຳລງັພະຍາຍາມ ທວງຖາມຕໍ່ການນຳ ອາເມລິກາ ທຼຳ ປະຕິບັດ ບັນດາມາດຕະການ ທີ່ ເກົາຫຼີເໜືອ ຮຽກຮ້ອງ ປະກອບມີ: ຢຸດສົງຄາມເກົາຫຼີເໜືອ ຢ່າງສົມບູນ ແລະ ເປັນທາງການ.
（ຫັດທະບູນ）
