ທີ່ການພົບປະ, ທ່ານຮອງລັດຖະມົນຕີ ຫງວຽນກ໋ວກຢູງ ໄດ້ເນັ້ນໜັກວ່າ, ປະເທດ ຈີນ ແມ່ນໜຶ່ງໃນບັນດາຄູ່ຮ່ວມມືອາຊຽນນຳໜ້າໃນປະຈຸບັນ ຂອງຫວຽດນາມ ແລະ ສະແດງຄວາມປິຕິຊົມຊື່ນຕໍ່ຍຸດທະສາດຢ່າງຮອບດ້ານ ແລະ ການພົວພັນຄູ່ຮ່ວມມືອາຊຽນ - ຈີນ ໄດ້ບັນລຸຜົນສຳເລັດທີ່ດີ ໃນເວລາທີ່ຜ່ານມາ.

ທ່ານຮອງລັດຖະມົນຕີ ຫງວຽນກວັກຢຸງ ໄດ້ແບ່ງປັນຫົວຂໍ້, ທິດທາງຮ່ວມມືບຸລິມະສິດ ແລະ ບັນດາໂຄງການເຊິ່ງ ຫວຽດນາມ ຈະສົ່ງເສີມໃນປີ 2020, ເມື່ອ ຫວຽດນາມ ໄດ້ຮັບຕຳແໜ່ງເປັນປະທານອາຊຽນ ແລະ ປາດຖະໜາວ່າ ຫວຽດນາມ ຢາກໄດ້ຮັບການຮ່ວມມື, ການສະໜັບສະໜູນຢ່າງຕັ້ງໜ້າ ຂອງບັນດາຄູ່ຮ່ວມມື, ໃນນັ້ນມີ ສສ.ຈີນ, ສຳລັບ ຫວຽດນາມ ແລະ ບັນດາປະເທດອາຊຽນໃນປີ 2020.

ທ່ານຮອງລັດຖະມົນຕີ ຫງວຽນກວັກຢຸງ ແລະ ຫົວໜ້າຄະນະປະຕິບັດງານ ສສ.ຈີນ, ທ່ານນາງ Mao Ning. (ພາບ: baoquocte.vn)

ກ່າວຄຳເຫັນທີ່ກອງປະຊຸມ, ຫົວໜ້າຄະນະປະຕິບັດງານ ສສ.ຈີນ, ທ່ານນາງ Mao Ning, ຮອງຫົວ ໜ້າກົມອາຊີ, ກະຊວງການຕ່າງປະເທດ ຈີນ ໄດ້ກ່າວຊົມເຊີຍຢ່າງອົບອຸ່ນຕໍ່ ຫວຽດນາມ ທີ່ໄດ້ປະຕິບັດບົດບາດເປັນປະທານອາຊຽນປີ 2020. ທ່ານນາງ Mao Ning ຕົກລົງເຫັນດີຮັກສາການປຶກສາຫາລື, ການປະສານງານຢ່າງໃກ້ຊິດ, ແລະ ຊຸກຍູ້ການຮ່ວມມືລະຫວ່າງສອງຝ່າຍ ໃນຂອບເຂດການຮ່ວມມືພາກພື້ນໃນໄລຍະຈະມາເຖິງ.

（ຄຳຮຸ່ງ）