 |
ບັນຍາກາດທີ່ການພົບປະ.(ພາບ:baomoi.com)
ທີ່ກອງປະຊຸມ, ບັນດາຜູ້ແທນໄດ້ຮັບຟັງການແນະນຳກ່ຽວກັບບຸລິມະສິດຕ່າງໆຂອງປະຊາຄົມວັດທະນະທໍາ-ສັງຄົມ (ASCC), ໜຶ່ງໃນສາມເສົາຄໍ້າຂອງປະຊາຄົມອາຊຽນ, ໃນປີ 2020. ຄຽງຂ້າງນັ້ນ, ກອງປະຊຸມກໍ່ໄດ້ສຸມໃສ່ແລກປ່ຽນວຽກງານສົມທົບກັນລະຫວ່າງ ຫວຽດນາມ ແລະຄະນະເລຂາທິການອາຊຽນ ໃນປີຕໍ່ໜ້າ. ກ່າວຄຳເຫັນນະທີ່ນີ້, ທ່ານ Lim Jock Hoi ໄດ້ຕີລາຄາສູງເລື່ອງ ຫວຽດນາມກະກຽມບັນດາເນື້ອໃນຮ່ວມມືຂອງ ເສົາຄ້ຳວັດທະນະທຳ - ສັງຄົມ, ຢັ້ງຢືນວ່າ ຄະນະເລຂາທິການ ອາຊຽນພ້ອມແລ້ວທີ່ຈະຮ່ວມເດີນທາງກັບ ຫວຽດນາມໃນການຈັດຕັ້ງບັນດາການເຄື່ອນໄຫວຂອງ ເສົາຄ້ຳ ວັດທະນະທຳ - ສັງຄົມໃນປີ 2020. ທ່ານ Lim Jock Hoi ເລຂາທິການໃຫຍ່ອາຊຽນ ມີຄວາມເຊື່ອໝັ້ນວ່າ ຫວຽດນາມ ຈະເສີມຂະຫຍາຍບົດບາດນໍາພາໃນອາຍຸການເປັນປະທານອາຊຽນ ປີ 2020, ປະກອບສ່ວນກໍ່ສ້າງປະຊາຄົມອາຊຽນ ນັບມື້ນັບເຊື່ອມຕໍ່ຢ່າງແໜ້ນແຟ້ນ ແລະໝັ້ນຄົງເຂັ້ມແຂງ.
ທ່ານ ເລກວນ, ຮອງລັດຖະມົນຕີກະຊວງແຮງງານ-ທະຫານເສຍອົງຄະ ແລະສັງຄົມຫວຽດນາມ ໄດ້ເນັ້ນໜັກວ່າ ຫວຽດນາມ ພວມຢູ່ໃນໄລຍະສໍາຄັນເມື່ອລັດຖະບານ, ບັນດາກະຊວງ, ຂະແໜງການພ້ອມກັນຍູ້ແຮງຄວາມຄືບໜ້າບັນດາວຽກງານກະກຽມໃຫ້ປີເປັນປະທານອາຊຽນ ປີ 2020 ຢ່າງຮີບເຮັ່ງ. ສະນັ້ນ, ກອງປະຊຸມຈະປະກອບສ່ວນພໍສົມຄວນເຂົ້າໃນການຈັດຕັ້ງປີເປັນປະທານອາຊຽນ ປີ 2020 ສໍາເລັດຜົນ.
ທ່ານ ດ່າວງອກຢຸງ ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ: ດ້ວຍບົດບາດແມ່ນອົງການປະສານງານ ເສົາຄ້ຳວັດທະນະທຳ - ສັງຄົມ ອາຊຽນຂອງ ຫວຽດນາມ, ທາງກະຊວງໄດ້ເປັນເຈົ້າການກະກຽມວຽກງານຫຼາຍຢ່າງ. ໃນນັ້ນມີ 5 ບັນຫາໄດ້ຮັບການບຸລິມະສິດຕົ້ນຕໍ ໃນປີ ຫວຽດນາມດຳລົງຕຳແໜ່ງເປັນປະທານອາຊຽນ 2020, ຫວຽດນາມໄດ້ເອົາໃຈໃສ່ທີ່ສຸດເຖິງຂົງເຂດສັງຄົມ, ລະອຽດແມ່ນຈະສຸມໃສ່ເຂົ້າ 3 ບັນຫາ: ທັກສະການອອກແຮງງານ, ວຽກງານທີ່ສົມເຫດສົມຜົນ ແລະ ການຮັບປະກັນຊີວິດສັງຄົມແບບຍື່ນຍົງ. ຫວຽດນາມກໍ່ຈະປະສານງານເພື່ອເສີມຂະຫຍາຍສີສັນວັດທະນະທຳຂອງບັນດາປະເທດ ອາຊຽນ, ສ້າງຄຸນຄ່າລວມຂອງ ທົ່ວປະຊາຄົມ ອາຊຽນ ທີ່ ວັດທະນະທຳມີຄວາມຫຼາຍຮູບຫຼາຍແບບ.
（ໄຊພອນ）
