 |
ທ່ານ ດ່າວງອກຢຸງ ຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi. (ພາບ: laodongxahoi.net)
ຕາມທ່ານລັດຖະມົນຕີແລ້ວ, ດ້ວຍຄວາມຮັບຜິດຊອບກະກຽມໃຫ້ແກ່ປີຫວຽດນາມເປັນປະທານ ອາຊຽນໃນປີ 2020, ຂະແໜງວັດທະນະທໍາ-ສັງຄົມ ໄດ້ມີການປຶກສາຫາລື ແລະ ເຫັນດີເປັນເອກະພາບກັນບັນດາເນື້ອໃນເຄື່ອນໄຫວຂອງຕົນ ໂດຍສຸມໃສ່ 2 ບັນຫາໃຫຍ່ຄື: ເນື້ອໃນກ່ຽວຂ້ອງເຖິງການພັດທະນາແຫຼ່ງຊັບພະຍາກອນມະນຸດ ໃນນັ້ນ ປັບຕົວໃຫ້ເໝາະສົມກັບການປະຕິວັດອຸດສາຫະກໍາ 4.0 ກໍຄື ສັນຍາ MNP ໃນສະພາບການໃໝ່. ທີສອງແມ່ນສຸມໃສ່່ບັນຫາທີ່ມີລັກສະນະຍຸດທະສາດ, ບັນຫາພັດທະນາສັງຄົມ ເພື່ອໃຫ້ປະຊາຊົນທຸກຄົນ ໄດ້ຊົມໃຊ້ສິດຮັບປະກັນຊີວິດການເປັນຢູ່ໄດ້ເປັນຢ່າງດີທີ່ສຸດ, ສ້າງການພັດທະນາແບບຍືນຍົງ ແລະ ບໍ່ໃຫ້ໃຜຖືກປະໄວ້ຢູ່ທາງຫຼັງ.
ຕີລາຄາກ່ຽວກັບບັນດາເນື້ອໃນຮ່ວມມືດ້ານວັດທະນະທໍາ-ສັງຄົມ ໂດຍຫວຽດນາມ ໄດ້ເລືອກເຟ້ັນໃຫ້ແກ່ປີເປັນປະທານ ອາຊຽນ 2020, ທ່ານເລຂາທິການໃຫຍ່ ອາຊຽນ Lim Jock Hoi ໃຫ້ຮູ້ວ່າ ການເລືອກເຟັ້ນຂອງຫວຽດນາມ ແມ່ນຖືກຕ້ອງທີ່ສຸດ ເມື່ອຖືການພັດທະນາແຫຼ່ງຊັບພະຍາກອນມະນຸດເປັນສໍາຄັນ. ພ້ອມທັງປາດຖະໜາວ່າ ເລື່ອງສ້າງແຜນການດໍາເນີນງານຂອງຖະແຫຼງການວ່າດ້ວຍການພັດທະນາແຫຼ່ງຊັບພະຍາກອນມະນຸດຂອງ ອາຊຽນ ໃນປີ ຫວຽດນາມ ຮັບໜ້າທີ່ເປັນປະທານນັ້ນ ຈະມີຄວາມກ່ຽວພັນກັນຢ່າງແໜ້ນແຟ້ນກັບແຜນການດໍາເນີນງານຂອງຖະແຫຼງການວ່າດ້ວຍອະນາຄົດຂອງວຽກເຮັດງານທໍາທີ່ລັດຖະມົນຕີບັນດາປະເທດອາຊຽນໄດ້ຮັບຮອງເອົາຢູ່ສິງກະໂປກ່ອນໜ້ານັ້ນ.
（ໄຊພອນ）
