 |
ບັນດາຜູ້ແທນເຂົ້າຮ່ວມກອງປະຊຸມ. (ພາບ: nhandan.com.vn)
ກອງປະຊຸມຕາໜ່າງບັນດານະຄອນອັດສະລິຍະອາຊຽນ 2019 ເພື່ອແນໃສ່ຊຸກຍູ້ບັນດາແຜນການພັດທະນານະຄອນອັດສະລິຍະໃຫ້ຫຼາຍກວ່າອີກ ແລະວາງອອກບັນດາມາດຕະຖານໃຫ້ແກ່ການກໍ່ສ້າງບັນດາຕົວເມືອງອັດສະລິຍະຢູ່ອາຊີຕາເວັນອອກສ່ຽງໃຕ້. ນີ້ແມ່ນກອງປະຊຸມຄັ້ງທີ 2 ຂອງຕາໜ່າງບັນດານະຄອນອັດສະລິຍະ ອາຊຽນ. ອາຊຽນ ພວມກຳນົດທິດໃຫ້ 26 ນະຄອນໃນ ASCN ໃຫ້ກາຍເປັນບັນດາຕົວເມືອງອັດສະລິຍະ, ສິ່ງດັ່ງກ່າວ ຈະສ້າງຄວາມໝັ້ນຄົງ ກໍ່ຄືບັນດາກາລະໂອກາດດ້ານເສດຖະກິດ - ສັງຄົມ ແລະ ການລົງທຶນ.
ບັນດາການເຄື່ອນໄຫວໃນຂອບເຂດ ASCN 2019 ລວມມີ ວາລະປະຊຸມປິດລັບຂອງ 26 ນະຄອນອັດສະລິຍະທົດລອງເພື່ອຕັດສິນຂອບເຂດກ່ອນທີ່ຈະສະຫຼຸບບັນດາແຜນການທັງໝົດ ແລະຍື່ນສະເໜີຕໍ່ກອງປະຊຸມຂັ້ນສູງອາຊຽນ ຄັ້ງທີ 35 ໃນເດືອນພະຈິກ ທີ່ຈະມາເຖິງ. ຕາໜ່າງບັນດານະຄອນອັດສະລິຍະ ອາຊຽນ ລວມມີ 26 ນະຄອນຢູ່ບັນດາປະເທດສະມາຊິກອາຊຽນ, ໃນນັ້ນ ຫວຽດນາມ ມີ 2 ນະຄອນແມ່ນນະຄອນຮ່າໂນ້ຍ ແລະ ນະຄອນໂຮ່ຈີມິງ.
（ໄຊພອນ）
