 |
ບັນດານ້ອງນັກຮຽນ ທີ່ດ້ອຍໂອກາດໄດ້ຮັບທຶນການສຶກສາ.
ກ່າວຄຳເຫັນທີ່ພິທີສະເຫຼີມສະຫຼອງ, ປະທານສະມາຄົມມິດຕະພາບ ຫວຽດນາມ - ອາຊີຕາເວັນອອກສ່ຽງໃຕ້ນະຄອນ ໂຮ່ຈີມິນ, ທ່ານນາງ ຟານ ຖິ ຮົ່ງ ຊົນ ໄດ້ກ່າວວ່າ: ນັບແຕ່ໄດ້ຮັບການສ້າງຕັ້ງ ອາຊຽນ ກໍ່ແມ່ນປັດໄຈ ສຳຄັນ, ທີ່ຂາດບໍ່ໄດ້ ສຳລັບ ສັນຕິພາບ, ສະຖຽນລະພາບ ແລະ ການພັດທະນາໃນອາຊີຕາເວັນອອກສ່ຽງໃຕ້, ແມ່ນ ກຳລັງຂັບເຄື່ອນໃຫ້ແກ່ການເຈລະຈາ, ການຮ່ວມມື ແລະ ເຊື່ອມໂຍງ ລະຫວ່າງ ບັນດາປະເທດສະມາຊິກ ກໍ່ຄືການເປີດກ້ວາງຂະຫຍາຍການຮ່ວມມື, ການພັດທະນາຮອບດ້ານໃນອາຊີຕາເວັນອອກ ແລະ ທະວີບ ອາຊີ - ປາຊີຟິກ, ອິນເດຍ - ປາຊີຟິກ.
ຄຽງຄູ່ ທີ່ຕັ້ງກໍ່ຄື ບົດບາດ ທາງດ້ານການເມືອງ, ອາຊຽນຍັງໄດ້ຮັບການຕີລາຄາວ່າເປັນຕະຫຼາດທີ່ໃຫຍ່, ມີຄວາມສາມາດບົ່ມຊ້ອນ, ພົນລະເມືອງໜຸ່ມ, ແຕ່ປີ 2018 ໄດ້ສ້າງຕັ້ງເຄືອຂ່າຍ ນະຄອນອັດສະລິຍະພາຍໃນກຸ່ມ. ດ້ວຍຈິດໃຈສາມັກຄີ ແລະ ຄວາມສາມາດໃນການຮັບມືທີ່ຄ່ອງແຄ້ວ, ອາຊຽນຈະຜ່ານຜ່າອຸປະສັກ ແລະ ສິ່ງທ້າທາຍ, ສືບຕໍ່ເຮັດສຳເລັດຜົນຕາມເປົ້າໝາຍທີ່ວາງອອກ ຄື "ການຊຸກຍູ້ສົ່ງເສີມຄູ່ຮ່ວມມື ເພື່ອຄວາມຍືນຍົງ" .
ທ່ານ ອະພິຣັດ ສຸກົນຫະພິຣົມ, ກົງສຸນໃຫຍ່ປະເທດໄທ ປະຈຳ ນະຄອນ ໂຮ່ຈີມິນ ໄດ້ກ່າວວ່າ: ປີ 2020, ຫວຽດນາມ ຈະຂື້ນຮັບໜ້າທີ່ເປັນ ປະທານອາຊຽນ ແລະ ຈັດກອງປະຊຸມສຸດຍອດອາຊຽນ ແລະ ກອງປະຊຸມທີ່ກ່ຽວຂ້ອງພາຍໃນປີ. ປະເທດໄທ ໃຫ້ຄຳໝັ້ນສັນຍາວ່າ ຈະຮ່່ວມ ສະ ໜັບສະໜູນ ຫວຽດນາມ ໃນຖານະເປັນປະທານອາຊຽນ ແລະ ສືບຕໍ່ຊຸກຍູ້ ຄວາມມຸ້ງຫວັງ ແລະ ສາຍພົວພັນຮ່ວມມືລວມ ເພື່ອຮັບປະກັນໃຫ້ປະຊາຊົນສາມາດໄດ້ຮັບຜົນປະໂຫຍດຈາກປະຊາຄົມອາຊຽນຢ່າງແທ້ຈິງ.
ເນື່ອງໃນໂອກາດນີ້, ສະມາຄົມມິດຕະພາບຫວຽດນາມ - ອາຊີຕາເວັນອອກສ່ຽງໃຕ້ ນະຄອນ ໂຮ່ຈີມິນ ໄດ້ມອບທຶນການສຶກສາ ຈຳນວນ 45 ທຶນໃຫ້ນັກຮຽນທີ່ດ້ອຍໂອກາດ, ຮັກໃນການຮຽນ ແລະ ນັກຮຽນເກັ່ງພາຍໃນນະຄອນ.
（ຫັດທະບູນ）
