 |
ຄະນະປະຕິບັດງານ ໂດຍ ທ່ານນາງ ຫງວ໋ຽນ ເຟືອງ ງາ - ເລຂາໜ່ວຍພັກຮາກຖານ, ປະທານ VUFO ເປັນຫົວໜ້າຄະນໄດ້ຮັບການຕ້ອນຮັບອັນອົບອຸ່ນ ຈາກຮອງປະທານຄະນະກຳມະການປະຊາຊົນແຂວງບິ່ງເຟືອກ - ທ່ານນາງ ຮວິ່ງ ຖິ ຮັ່ງ ພ້ອມກັບຕ່າງໜ້າການນຳອົງການມິດຕະພາບແຂວງ, ພະແນກ ແລະ ຂະແໜງການທີ່ກ່ຽວຂ້ອງ. ທີ່ກອງປະຊຸມ, ທ່ານນາງ ຮວິ່ງ ຖິ ຮັ່ງ ໄດ້ແນະນໍາຄະນະຜູ້ແທນກ່ຽວກັບ ສະພາບເງື່ອນໄຂທາງທໍາມະຊາດ, ພູມສັນຖານ, ສະພາບດິນຟ້າອາກາດ ກໍ່ຄືສະພາບການພັດທະນາເສດຖະກິດ, ສັງຄົມ, ປ້ອງກັນປະເທດ, ຄວາມຄວາມສະຫົງບ ແລະ ຜົນສໍາເລັດດ້ານການຕ່າງປະເທດຂອງແຂວງ.
ໂດຍສະເພາະ ແມ່ນ ແຂວງບີ່ງເຟືອກ ມີເສັ້ນຊາຍແດນ 260.433 ກິໂລແມັດ, ເປັນແຂວງທີ່ມີຂອບເຂດຊາຍແດນຕິດກັບ 3 ແຂວງ ຂອງ ປະເທດກໍາປູເຈຍ ແລະ ແຮກສ່ຽວກັບ 3 ແຂວງ ຂອງ ສາທາລະນະລັດ ປະຊາທິປະໄຕ ປະຊາຊົນ ລາວ. ແຂວງບິ່ງເຟືອກ ມີນິຄົມອຸດສາຫະກໍາ 13 ແຫ່ງ, ດຶງດູດນັກທຸລະກິດຕ່າງປະເທດໄດ້ເປັນຈໍານວນຫຼວງຫລາຍເຂົ້າມາລົງທຶນພາຍໃນແຂວງ.
 |
ທ່ານນາງ ຫງວ໋ຽນ ເຟືອງ ງາ ແລະ ທ່ານນາງ ຮວິ່ງ ຖິ ຮັ່ງ .
ອີງຕາມບົດລາຍງານຂອງ ສະຫະພັນອົງການມິດຕະພາບ ແຂວງບິ່ງເຟືອກ, ພາຍຫຼັງ 3 ປີແຫ່ງການສ້າງຕັ້ງ, ມາຮອດປະຈຸບັນ ແຂວງມີ 3 ອົງການຈັດຕັ້ງສະມາຊິກ ເຊັ່ນ: ສະມາຄົມມິດຕະພາບຫວຽດນາມ - ກໍາປູເຈຍ, ຫວຽດນາມ - ລາວ, ຫວຽດນາມ - ເກົາຫລີໃຕ້. ບັນດາອົງການສະມາຊິກພາຍໃນແຂວງປະຈຸບັນ ມີ 16 ອົງການທີ່ບໍ່ຂຶ້ນກັບລັດຖະບານ ໄດ້ຈົດທະບຽນດໍາເນີນໂຄງການ ທີ່ມີທຶນ 1.3 ລ້ານໂດລາສະຫະລັດ.
ເຖິງວ່າບັນດາອົງການມິດຕະພາບຂອງແຂວງຫາກໍ່ສ້າງຕັ້ງຂື້ນໃຫມ່, ຍັງມີຄວາມຫຍຸ້ງຍາກຫຼາຍປະການດ້ານປະສົບການ-ການຈັດຕັ້ງປະຕິບັດວຽກງານ ແລະ ບຸຄະລາກອນ ໃນໄລຍະເວລາ, ບັນດາອົງການສະມາຊິກໄດ້ພະຍາຍາມຜັນຂະຫຍາຍ ຫຼາຍການເຄື່ອນໄຫວກໍ່ຄືກິດຈະກຳຕ່າງໆຢ່າງຕໍ່ເນື່ອງຕິພັນກັບວຽກງານພົວພັນ ປະຊາຊົນ ກັບ ບັນດາແຂວງຂອງປະເທດເພື່ອນບ້ານ. ປະກອບສ່ວນເຂົ້າໃນການຮັກສາວະຫງົບດ້ານການເມືອງ, ກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ຊຸກຍູ້ສາຍພົວພັນ, ຮ່ວມມື ລະຫວ່າງບັນດາແຂວງຕາມແນວຊາຍແດນ.
ໃນອານາຄົດອັນໄກ້ນີ້, ບັນດາອົງການມິດຕະພາບ ຈະສືບຮັບສະມາຊິກສະມາຄົມ, ຊຸກຍູ້ການສ້າງສະຖາບັນບຳລຸງສ້າງດ້ານພາສາຕ່າງປະເທດ, ໂດຍສະເພາະແມ່ນ ພາສາອັງກິດ, ພາສາເກົາຫຼີ, ຍີ່ປຸ່ນ ... ປັບປຸງປະສິດທິພາບ ກິດຈະກໍາສະຫນັບສະຫນູນ, ຊ່ວຍສະມາຊິກສະມາຄົມ.
 |
ຄະນະຜູ້ແທນຖ່າຍຮູບຮ່ວມກັບບັນດາຜູ້ແທນແຂວງບິ່ງເຟືອກ.
ບົນພື້ນຖານຜົນສຳເລັດຂອງການດໍາເນີນງານ ສະຫະພັນອົງການມິດຕະພາບ ແຂວງບິ່ງເຟືອກ ຊຸມປີຜ່ານມາ, ທ່ານປະທານ VUFO ໄດ້ແນະນໍາໃຫ້ບັນດາອົງການທີ່ກ່ຽວຂ້ອງແຂວງ ສືບຕໍ່ເອົາໃຈໃສ່ໃນການສະຫນັບສະຫນູນສະມາຄົມໃນການເຮັດສຳເລັດ ແລະ ປັບປຸງລະບົບອົງການຈັດຕັ້ງ, ພັດທະນາສະມາຊິກສະມາຄົມ. ຈາກນັ້ນ ປະກອບສ່ວນເຂົ້າໃນການສ້າງເງື່ອນໄຂໃຫ້ສະມາຄົມ ຈັດຕັ້ງປະຕິບັດໄດ້ເປັນຢ່າງດີວຽກງານຂໍ້ມູນຂ່າວສານ, ການພົວພັນປະຊາຊົນ, ປຸກລະດົມການຊ່ວຍເຫືຼອບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານ, ເຊື່ອມໂຍງນັກທຸລະກິດ ລະຫວ່າງ ບັນດາທ້ອງຖິ່ນໃນຂະບວນການຊອກຮູ້ ແລະ ດຶງດູດການລົງທືນ.
"ສູນກາງກຳລັງ ກະກຽມການສະຫຼຸບການຈັດຕັ້ງປະຕິບັດ ບັນດາເອກະສານທີ່ສໍາຄັນກ່ຽວກັບ ວຽກງານພົວພັນປະຊາຊົນ ຂອງພັກ ແລະ ລັດ, ດັ່ງນັ້ນ ຄະນະຜູ້ແທນຕ້ອງການຊອກຮູ້ຢ່າງລະອຽດ ກ່ຽວກັບ ກິດຈະກໍາ ກໍ່ຄືອການເຄື່ອນໄຫວພາຍນອກຂອງປະຊາຊົນທ້ອງຖິ່ນ, ຮັບຮູ້ເຖິງຄວາມສະດວກ, ຫຍຸ້ງຍາກ ພ້ອມທັງ ຂໍ້ສະເຫນີ ຕ່າງໆ ບົນພື້ນຖານນຳສະເໜີຂື້ນສູນກາງພິຈາລະນາ ແລະ ແກ້ໄຂ. ໃນອານາຄົດ, ສະຫະພັນອົງການມິດຕະພາບ ຫວຽດນາມ ຈະຈັດຝຶກອົບຮົມດ້ານວິຊາການ, ແຂວງບິ່ງເຟືອກ ຕ້ອງນຳສະເຫນີຢ່າງລະອຽດບັນດາເນື້ອໃນຂອງການຝຶກອົບຮົມ ເພື່ອໃຫ້ວຽກງານພົວພັນຕ່າງປະເທດເຄື່ອໄຫວນັບມື້ນັບດີກວ່າເກົ່າ. " ປະທານ VUFO ໄດ້ແບ່ງປັນ.
（ຫັດທະບູນ）
