 |
ບັນຍາກາດທີ່ການເຮັດວຽກ. (ພາບ: TTXVN)
ທີ່ການເຮັດວຽກ, ສອງຝ່າຍໄດ້ແລກປ່ຽນ, ຕີລາຄາກ່ຽວກັບບັນດາເຄື່ອນໄຫວຮ່ວມມືໃນໄລຍະທີ່ຜ່ານມາ, ພ້ອມທັງປຶກສາຫາລືກ່ຽວກັບທິດທາງໃນໄລຍະຈະມາເຖິງ. ທ່ານພົນໂທ ຫງວຽນຈີ໊ວີ້ງ ສະເໜີ USAID ຕັ້ງໜ້າສົມທົບກັບກອງບັນຊາການປ້ອງກັນອາກາດ-ທະຫານອາກາດ ຮີບເຮັ່ງປະຕິບັດວຽກງານຈໍານວນໜຶ່ງ, ລວມມີ: ປັບປຸງສໍາເນົາເອກະສານຍື່ນສະເໜີຕໍ່ຫົວໜ້າກະຊວງປ້ອງກັນປະເທດ ໃຫ້ສັດຕະຍາບັນໂຄງການ; ກໍານົດ ແລະເລືອກເຟັ້ນເຕັກໂນໂລຢີກໍາຈັດທີ່ດິນຕິດທາດພິດດີໂອຊີນຢູ່ເຂດສະໜາມບິນບຽນຮວ່າ ເພື່ອປະເມີນຜົນ, ຕີລາຄາ, ໃຫ້ສັດຕະຍາບັນກ່ອນທີ່ຈະນໍາໃຊ້ເຕັກໂນໂລຢີກໍາຈັດ... ພ້ອມທັງສໍາຫຼວດສ້າງແຜນການສັງລວມ ແລະສະໜອງຂໍ້ມູນກ່ຽວກັບວິວັດທະນາການ, ເວລາ, ຜົນການປະຕິບັດບັນດາກິດຈະກຳຍ່ອຍຂອງໂຄງການເພື່ອຮັບໃຊ້ວຽກງານຄຸ້ມຄອງ ແລະຕີລາຄາປະສິດທິຜົນການປະຕິບັດ; ປະຕິບັດບາງກິດຈະກຳບຸລິມະສິດຂອງໂຄງການ. ພ້ອມທັງ ສະເໜີ USAID ສືບຕໍ່ໜູນຊ່ວຍ, ຮ່ວມມືກັບຫວຽດນາມ ຈັດຕັ້ງບັນດາກອງປະຊຸມສໍາມະນາສາກົນທີ່ກ່ຽວຂ້ອງເຖິງຂົງເຂດຮັກສາສັນຕິພາບຂອງສະຫະປະຊາຊາດ, ຜ່ານນັ້ນຊ່ວຍໃຫ້ປະຊາຄົມສາກົນເຂົ້າໃຈກວ່າເກົ່າກ່ຽວກັບການປະກອບສ່ວນຂອງຫວຽດນາມ, ເປັນຕົ້ນແມ່ນເມື່ອຫວຽດນາມ ດໍາລົງຕໍາແໜ່ງເປັນກໍາມະການບໍ່ປະຈໍາການຂອງສະພາຄວາມໝັ້ນຄົງ ສະຫະປະຊາຊາດ ອາຍຸການ 2020-2021.
ທີ່ການເຮັດວຽກ, ທ່ານ Michael Green, ຜູ້ອຳນວຍການອົງການພັດທະນາສາກົນ ອາເມລິກາ ໄດ້ອັບເດັດບາງຂໍ້ມູນກ່ຽວກັບສະພາບການຂອງໂຄງການຢູ່ສະໜາມບິນ ບຽນຮ່ວາ. ກ່ຽວຂ້ອງເຖິງເລື່ອງຜັນຂະຫຍາຍໂຄງການໃນປັດຈຸບັນ, ທ່ານ Michael Green ໃຫ້ຮູ້ວ່າ ສອງຝ່າຍຄວນສືບຕໍ່ສົມທົບກັນຢ່າງແໜ້ນແຟ້ນໃນບັນດາການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກລະເບີດຍັງບໍ່ທັນແຕກ ແລະ ທາດພິດເຄມີ ພາຍຫຼັງສົງຄາມ, ຍົກສູງຊີວິດການເປັນຢູ່ຂອງຄົນພິການຢູ່ ຫວຽດນາມ…ປະກອບສ່ວນເຮັດໃຫ້ການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ ແລະ ອາເມລິກາ ເລິກເຊິ່ງກ່ວາອີກ.
（ໄຊພອນ）
