ກ່າວຄຳເຫັນທີ່ການໂອ້ລົມສົນທະນາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເນັ້ນໜັກເຖິງສັນຍາ EVFTA ແລະ IPA ລະຫວ່າງຫວຽດນາມ - ສະຫະພາບເອີລົບ ເຊິ່ງຫາກໍ່ໄດ້ຮັບການລົງນາມໃນວັນທີ 30 ມິຖຸນາ ແລະ ສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ເຊິ່ງທັງຫວຽດນາມ ແລະ ຍີ່ປຸ່ນ ລ້ວນແຕ່ເຂົ້າຮ່ວມ. ທ່ານນາຍົກລັດຖະມົນຕີ ຫງວຽນຊວນຟຸກ, ກ່າວວ່າ ຫວຽດນາມ ຫາກໍ່ລົງນາມໃນສັນຍາ EVFTA ແລະ IPA ລະຫວ່າງຫວຽດນາມ - ສະຫະພາບເອີລົບ, ຊຸກຍູ້ຄວາມມານະພະຍາຍາມລົງນາມໃນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໃນປີນີ້, ນີ້ແມ່ນກາລະໂອກາດຂອງຍີ່ປຸ່ນ ສົ່ງເສີມການລົງທຶນ FDI ທີ່ມີຄຸນນະພາບສູງຂອງຍີ່ປຸ່ນ ເຂົ້າຫວຽດນາມ.
 |
ທ່ານນາຍົກລັດຖະມົນຕີຫງວຽນຊວນຟຸກໂອ້ລົມສົນທະນາກັບການນຳບັນດາກຸ່ມບໍລິສັດແຖວໜ້າຂອງຍີ່ປຸ່ນ. (ພາບ: VOV)
ທີ່ການໂອ້ລົມສົນທະນາ, ບັນດານັກລົງທຶນຍີ່ປຸ່ນ, ໃນນັ້ນມີ Toyota, Canon, TEPCON… ຕີລາຄາສູງເລື່ອງລັດຖະບານຫວຽດນາມ ໄດ້ຈັດຕັ້ງ ແລະ ຊີ້ນຳບັນດາກະຊວງ, ຂະແໜງການ, ທ້ອງຖິ່ນຕ່າງໆຈັດຕັ້ງການໂອ້ລົມສົນທະນາກັບບັນດາວິສາຫະກິດເປັນປະຈຳ, ໃນນັ້ນມີວິສາຫະກິດຍີ່ປຸ່ນ. ການນຳບັນດາວິສາຫະກິດຍີ່ປຸ່ນ ສະເໜີໃຫ້ຫວຽດນາມ ພັດທະນາພື້ນຖານໂຄງລ່າງຢ່າງເຂັ້ມແຂງ ເພື່ອຮັບໃຊ້ໃຫ້ແກ່ການພັດທະນາເສດຖະກິດ, ໂດຍສະເພາະແມ່ນບັນດາທ່າກ່ຳປັ່ນສົ່ງຕໍ່ສິນຄ້າ ແລະ ລະບົບທາງບົກເຊື່ອມຕໍ່ກັບບັນດາທ່າກ່ຳປັ່ນດັ່ງກ່າວກັບບັນດານະຄອນໃຫຍ່.
ກ່ອນໜ້ານັ້ນ, ໃນຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຫວຽນຊວນຟຸກ ກໍ່ໄດ້ໃຫ້ການຕ້ອນຮັບຜູ້ວ່າການທະນາຄານ MUFG, ຂອງ ຍີ່ປຸ່ນ ເຊັ່ນດຽວກັນ.
（ແຫຼ່ງຂໍ້ມູນ： VOV WORLD）
