ກ່າວຄຳເຫັນທີ່ກອງປະຊຸມ, ທ່ານນາງ ດັ້ງ ຖິ ຫງັອກ ທິ້ງ ຮອງປະທານປະເທດ ສສ ຫວຽດນາມ ໄດ້ໃຫ້ຂ້ໍສັງເກດວ່າ: CICA ແມ່ນແຫ່ງເຕົ້າໂຮມບັນດາພື້ນຖານເສດຖະກິດພັດທະນາຂະຫຍັນຂັນເຄື່ອນ, ມີຄວາມສາມາດບົ່ມຊ້ອນ ແລະ ກາຍເປັນກຳລັງໜູນໃຫ້ແກ່ການພັດທະນາເສດຖະກິດຂອງໂລກໃນອະນາຄົດ.
 |
ທ່ານນາງຮອງປະທານປະເທດ ດັ້ງທິງອັກທິ້ງ ເຂົ້າຮ່ວມກອງປະຊຸມສຸດຍອດ CICA. (ພາບ: TTXVN)
ທ່ານນາງ ດັ້ງ ຖິ ຫງັອກ ທິ້ງ ຮອງປະທານປະເທດຫວຽດນາມ ໄດ້ຢືນຢັນເຖິງນະໂຍບາຍສະເໝີຕົ້ນສະເໝີປາຍຂອງຫວຽດນາມ ຖືສຳຄັນແມ່ນ ສັນຕິພາບ, ການຮ່ວມມື ແລະ ພັດທະນາ, ເຊື່ອມໂຍງເຂົ້າກັບສາກົນ, ຕັ້ງໜ້າເຂົ້າຮ່ວມ ແລະ ປະກອບສ່ວນຢ່າງມີຄວາມຮັບຜິດຊອບເຂົ້າໃນວຽກງານລວມຂອງປະຊາຄົມສາກົນ… ບົນຫຼັກການຍຸຕິທຳ, ໂປ່ງໃສ ແລະ ອີງໃສ່ກົດໝາຍສາກົນ. ຍາມໃດຫວຽດນາມ ກໍ່ມານະພະຍາຍາມຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບຢູ່ພາກພື້ນ, ຮັບປະກັນຄວາມເສລີໃນການເດີນເຮືອ ໃນ ທະເລ ແລະ ອາກາດ, ແກ້ໄຂບັນດາການຂັດແຍ້ງກັນ ດ້ວຍສັນຕິວິທີ, ເໝາະສົມກັບກົດໝາຍສາກົນ, ໃນນັ້ນມີກົດບັດຂອງສະຫະປະຊາຊາດ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ປະຕິບັດຖະແຫຼງການວ່າດ້ວຍການປະພຶດຂອງແຕ່ລະຝ່າຍ ຢູ່ ທະເລຕາເວັນອອກ (DOC) ຢ່າງຄົບຖ້ວນ, ຊຸກຍູ້ການເຈລະຈາເພື່ອບັນລຸກົດແຫ່ງການປະພຶດໃນທະເລຕາເວັນອອກ (COC) ໂດຍໄວ ແລະ ມີປະສິດທິຜົນ.
 |
ປະທານາທິບໍດີ Tajikistan ທານ Emomali Rahmon ແລະ ຮອງປະທານປະເທດຫວຽດນາມ ດັ້ງທິງອັກທິ້ງ. (ພາບ: TTXVN)
ແລະໃນໂອກາດນີ້, ທ່ານນາງ ດັ້ງ ຖິ ຫງັອກ ທິ້ງ ຮອງປະທານປະເທດ ໄດ້ພົບປະເຈລະຈາກັບທ່ານ Emomali Rahmon, ປະທານາທິບໍດີປະເທດ Tajikistan.ໃນທີ່ນີ້, ທ່ານນາງ ດັ້ງ ຖິ ຫງັອກ ທິ້ງ ຮອງປະທານປະເທດ ໄດ້ສະເໜີໃຫ້ 2 ຝ່າຍສຸມໃສ່ຊຸກຍູ້ການພັດທະນາເສດຖະກິດ, ການຄ້າດ້ວຍບັນດາມາດຕະການລະອຽດຄື: ເຈລະຈາ, ລົງນາມໃນບັນດາສັນຍາເພື່ອສ້າງຄວາມສະດວກໃຫ້ແກ່ການໄປມາຫາສູ່ຂອງພົນລະເມືອງ 2 ປະເທດ, ບັນດາມາດຕະການສົ່ງເສີມການປົກປ້ອງການລົງທຶນ, ໜູນຊ່ວຍດ້ານຕຸລາການ…
（ຄຳຮຸ່ງ）
