ເພີ່ມທະວີການພົວພັນລະຫວ່າງ ຫວຽດນາມ - ອາເມລິກາ

ທ່ານ ຟ້າມ ບິ່ງ ມິງ ແລະ ທ່ານ Mike Pompeo

ສອງຝ່າຍກໍໄດ້ປຶກສາຫາລືກ່ຽວກັບບັນດາບັນຫາຂອງພາກພື້ນ ແລະ ສາກົນ ເຊິ່ງຕ່າງຝ່າຍຕ່າງມີຄວາມສົນໃຈ. ກ່ຽວກັບບັນຫາທະເລຕາເວັນອອກ, ສອງຝ່າຍຢັ້ງຢືນຄືນໃໝ່ວ່າ ຈະສະໜັບສະໜູນເລື່ອງແກ້ໄຂບັນດາການຂັດແຍ້ງກັນຢູ່ທະເລຕາເວັນອອກ ໂດຍສັນຕິວິທີ, ສອດຄ່ອງກັບກົດໝາຍສາກົນ.

ທີ່ການຕ້ອນຮັບ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມ ບິ່ງ ມິງ ໄດ້ຢັ້ງຢືນວ່າ: ຫວຽດນາມຖືເປັນສໍາຄັນ ແລະ ພ້ອມແລ້ວທີ່ຈະແລກປ່ຽນກັບອາເມລິກາເພື່ອແນໃສ່ປັບປຸງ ແລະ ເຮັດໃຫ້ການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ - ອາມເລິກາ ເລິກເຊິ່ງກວ່າເກົ່າ; ນອກຈາກນັ້ນ, ສອງຝ່າຍຄວນຮັກສາການພັດທະນາຂອງການພົວພັນດ້ານເສດຖະກິດ - ການຄ້າ; ການສຶກສາທິການ - ການບໍາລຸງກໍ່ສ້າງ, ວິທະຍາສາດ - ເຕັກໂນໂລຢີ, ການປ້ອງກັນຊາດ - ປ້ອງກັນຄວາມສະຫງົບ ແລະ ແກ້ໄຂຜົນຮ້າຍຢ້ອນຫຼັງຈາກສົງຄາມ ແລະ ອື່ນໆ.

ສ່ວນຝ່າຍ ອາເມລິກາ ກໍ່ໄດ້ຢັ້ງຢືນວ່າ: ຈະສືບຕໍ່ເສີມຂະຫຍາຍບົດບາດຕັ້ງໜ້າຢູ່ພາກພື້ນ ມະຫາສະໝຸດອິນເດຍ - ປາຊີຟິກ ເພື່ອແນໃສ່ຮັກສາຄວາມເປັນລະບຽບຮຽບຮ້ອຍ ໂດຍອີງໃສ່ລະບຽບກົດໝາຍ, ຊຸກຍູ້ສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນທີ່ສໍາຄັນນີ້.

（ໄຊພອນ）