ສະຫະພັນບັນດາສະມາຄົມມິດຕະພາບ

ຫວຽດນາມ ເປັນເຈົ້າການໃນການສ້າງແຜນການປະຕິບັດງານສົ່ງເສີມການຄ້າເຂດສາມຫຼ່ຽມພັດທະນາ CLV

00:54 | 15/05/2019

ຍສໝ - ຜັນຂະຫຍາຍສັນຍາກ່ຽວກັບການສົ່ງເສີມ ແລະ ສ້າງຄວາມສະດວກດ້ານການຄ້າໃຫ້ເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ ຢ່າງມີປະສິດທິຜົນ.

ຫວຽດນາມ ເປັນເຈົ້າການໃນການສ້າງແຜນການປະຕິບັດງານສົ່ງເສີມການຄ້າເຂດສາມຫຼ່ຽມພັດທະນາ CLV

ບັນຍາກາອກອງປະຊຸມ

ວັນທີ 10 ມີນາ 2019, ທ່ານລັດຖະມົນຕີຂອງສາມປະເທດ ຫວຽດນາມ - ລາວ - ກໍາປູເຈຍ ໄດ້ລົງນາມໃນບົດບັນທຶກກອງປະຊຸມຄະນະກໍາມະການປະສານງານຮ່ວມ ຄັ້ງທີ 12 ສາມຫຼ່ຽມພັດທະນາ ຫວຽດນາມ - ລາວ - ກໍາປູເຈຍ (JCC CLV DTA 12) ຢ່າງເປັນທາງການ.

ພາຍຫລັງກອງປະຊຸມຂອງບັນດາອະນຸກຳມະການ ແລະ ຂັ້ນນັກວິຊາການໄດ້ດຳເນີນງານເປັນເວລາສອງວັນ, ລັດຖະມົນຕີສາມປະເທດໄດ້ເຫັນດີເປັນເອກະພາບທີ່ມອບໃຫ້ຝ່າຍຫວຽດນາມເປັນເຈົ້າການໃນການສ້າງແຜນການປະຕິບັດງານເພື່ອຈັດຕັ້ງປະຕິບັດສັນຍາກ່ຽວກັບການສົ່ງເສີມ ແລະ ສ້າງຄວາມສະດວກດ້ານການຄ້າໃຫ້ເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ ທີ່ໄດ້ລົງນາມໃນເມື່ອວັນທີ 3 ພະຈຶກ 2016 ທີ່ຊຽມລຽບ, ກໍາປູເຈຍ ຢ່າງມີປະສິດທິຜົນ ແລະ ສ້າງບັນດາແຜນການ, ໂຄງການລະອຽດແນໃສ່ປະຕິບັດແຜນການປະຕິບັດງານໃນການເຊື່ອມຕໍ່ສາມພື້ນຖານເສດຖະກິດ ກຳປູເຈຍ - ລາວ - ຫວຽດນາມ ຮອດປີ 2030.

ມາຮອດປະຈຸບັນ, ຫວຽດນາມມີ 49 ໂຄງການລົງທຶນໃນເຂດສາມຫຼ່ຽມພັດທະນາຢູ່ກໍາປູເຈຍດ້ວຍທຶນລົງທະບຽນທັງໝົດບັນລຸ 1,63 ຕື້ ໂດລາສະຫະລັດ ແລະ ລົງທຶນຢູ່ ລາວ ບັນລຸ 1,​97 ຕື້ໂດລາສະຫະລັດ ໃນ 67 ໂຄງການ. ໃນຄະນະດຽວກັນ, 5 ແຂວງ ຂອງ ຫວຽດນາມ ຂຶ້ນກັບເຂດສາມຫຼ່ຽມພັດທະນາໄດ້ດຶງດູດ 233 ໂຄງການ ມາຈາກ 20 ປະເທດ ແລະ ເຂດແຄ້ວນ ດ້ວຍທຶນລົງທະບຽນທັງໝົດບັນລຸ 2,3 ຕື້ໂດລາສະຫະລັດ.

ຫວຽດນາມ ເປັນເຈົ້າການໃນການສ້າງແຜນການປະຕິບັດງານສົ່ງເສີມການຄ້າເຂດສາມຫຼ່ຽມພັດທະນາ CLV

ຫວຽດນາມເປັນເຈົ້າການໃນການສ້າງແຜນການປະຕິບັດງານສົ່ງເສີມການຄ້າເຂດສາມຫຼ່ຽມພັດທະນາ CLV

ຫວຽດນາມ ທີ່ໄດ້ມີສ່ວນຮ່ວມຢ່າງຕັ້ງໜ້າ ແລະ ປະກອບສ່ວນອັນສໍາຄັນຕໍ່ເຂດສາມຫຼຽ່ມພັດທະນາ ກຳປູເຈຍ - ລາວ - ຫວຽດນາມ. ມາຮອດປະຈຸບັນ, ບັນດາວິສາຫະກິດຫວຽດນາມໄດ້ມີການລົງທຶນຢູ່ບັນດາແຂວງຂອງ ລາວ, ກໍາປູເຈຍ ທີ່ຂຶ້ນກັບເຂດສາມຫຼ່ຽມພັດທະນາ ປະກອບມີ 113 ໂຄງການ ດ້ວຍທຶນລົງທະບຽນທັງໝົດບັນລຸເກືອບ 4 ຕື້ ໂດລາສະຫະລັດ.

(ໄຊພອນ)

ເຫດການ