 |
ພົນໂທ ຫງວຽນຈິວີ້ງ ກ່າວຄໍາເຫັນທີ່ກອງປະຊຸມສໍາມະນາ
ກອງປະຊຸມສຳມະນາ “ແກ້ໄຂຜົນຮ້າຍຢ້ອນຫຼັງຈາກສົງຄາມ: ໄລຍະທາງແຫ່ງການໄກ່ເກ່ຍປອງດອງ ແລະ ການຮ່ວມມືໃນອະນາຄົດລະຫວ່າງຫວຽດນາມ ແລະ ອາເມລິກາ” ໄດ້ໄຂຂຶ້ນໃນເມື່ອວັນທີ 26 ມີນາ, ທີ່ນະຄອນຫຼວງ ວໍຊິງຕັນ, ອາເມລິກາ. ບັນດາບົດທາບທາມຄວາມເຫັນຂອງຫວຽດນາມ ທີ່ກອງປະຊຸມສຳມະນາຢືນຢັນວ່າ, ການແກ້ໄຂຜົນຮ້າຍຢ້ອນຫຼັງຈາກສົງຄາມ, ໃນນັ້ນມີການສົມທົບກັນຊອກຫາທະຫານອາເມລິກາ ຖືກຫາຍສາບສູນໃນສົງຄາມຢູ່ຫວຽດນາມ (MIA) ແມ່ນເນື້ອໃນເຊິ່ງພັກ, ລັດ ແລະ ປະຊາຊົນຫວຽດນາມ ເອົາໃຈໃສ່ທີ່ສຸດໃນການຮ່ວມມືກັບອາເມລິກາ. ນີ້ແມ່ນເນື້ອໃນການຮ່ວມມືທີ່ມີລັກສະນະມະນຸດສະທຳ ແລະ ແມ່ນກຳລັງໜູນໃຫ້ແກ່ບັນດາຂົງເຂດຮ່ວມມືອື່ນໃນອະນາຄົດ, ປະກອບສ່ວນເຂົ້າໃນການສ້າງຄວາມໄວ້ເນື້ອເຊື່ອໃຈກັນລະຫວ່າງສອງປະເທດ.
 |
ຜູ້ແທນບັນດາປະເທດເຂົ້າຮ່ວມເປັນຈໍານວນຫຼວງຫຼາຍ
ພົນໂທ ຫງວຽນຈິວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຫົວໜ້າອົງການປະຈຳຄະນະຊີ້ນຳ 701 ໃຫ້ຮູ້ວ່າ, ມີມາດຕະການຫຼາຍຢ່າງ, ມີຫຼາຍເນື້ອໃນໃນການສ້າງຄວາມໄວ້ເນື້ອເຊື່ອໃຈກັນ, ໃນນັ້ນການແກ້ໄຂຜົນຮ້າຍຢ້ອນຫຼັງຈາກສົງຄາມພຽງແຕ່ແມ່ນບັນຫາໜຶ່ງດຽວ.
ເຖິງຢ່າງໃດກໍ່ຕາມ, ການແກ້ໄຂຜົນຮ້າຍຢ້ອນຫຼັງຈາກສົງຄາມໄດ້ສະແດງໃຫ້ເຫັນວ່າພວກເຮົາມີຄວາມມຸ່ງຫວັງປາດຖະໜາມີການພົວພັນທີ່ມີຄວາມສະເໝີພາບ, ມິດຕະພາບ, ຕ່າງຝ່າຍຕ່າງມີຜົນປະໂຫຍດຮ່ວມກັນກັບອາເມລິກາຢ່າງແທ້ຈິງ. ກົງກັນຂ້າມ, ອາເມລິກາກໍ່ໄດ້ເຫັນໄດ້ວ່າຫວຽດນາມ ແມ່ນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈ.
 |
ທ່ານສະມາຊິກສະພາສູງ Patrick Leahy ກ່າວຄໍາເຫັນທີ່ກອງປະຊຸມສໍາມະນາ
ທີ່ກອງປະຊຸມສໍາມະນາ, ທ່ານສະມາຊິກສະພາສູງ Patrick Leahy ໄດ້ຢືນຢັນວ່າ, ລັດຖະບານ ແລະ ສະພາແຫ່ງຊາດອາເມລິກາ ຈະສືບຕໍ່ປະຕິບັດບັນດາຄຳໝັ້ນສັນຍາເຊິ່ງການນຳຂອງສອງປະເທດໄດ້ຕົກລົງເຫັນດີເປັນເອກະພາບນຳກັນ, ພ້ອມທັງ ອາເມລິກາ ຈະໜູນຊ່ວຍດ້ານງົບປະມານໃຫ້ບັນດາຜູ້ຖືກຕິດທາດພິດດີໂອຊີນຢູ່ຫວຽດນາມ. ທ່ານສະມາຊິກສະພາສູງ Patrick Leahy ກໍ່ໄດ້ໃຫ້ຮູ້ວ່າຄະນະສະມາຊິກສະພາອາເມລິກາຈະເດີນທາງໄປຢ້ຽມຢາມຫວຽດນາມໃນຕົ້ນເດືອນ ເມສາ.
（ໄຊພອນ）
