 |
ທ່ານນາງ ຫງວຽນຖີ້ທູຈາງ, ຜູ້ອຳນວຍການ ສູນ WTO ແລະ ການເຊື່ອມໂຍງ, ຫ້ອງການການຄ້າ ແລະ ອຸດສາຫະກຳ ຫວຽດນາມ
ກອງປະຊຸມສຳມະນາ “CPTPP, ກາລະໂອກາດທີ່ໄດ້ຮັບຈາກສັນຍາສະບັບໃໝ່ ແລະ ມີຄຸນນະພາບສູງ” ໄດ້ໄຂຂຶ້ນໃນຕອນເຊົ້າຂອງວັນທີ 26 ມີນາ ທີ່ ນະຄອນໂຮ່ຈິມິງ.
ທີ່ກອງປະຊຸມສໍາມະນາ, ມີນັກຊ່ຽວຊານດ້ານເສດຖະກິດຫຼາຍທ່ານໄດ້ກ່າວວ່າ: ສັນຍາຄູ່ຮ່ວມມືຮອບດ້ານ ແລະ ຄວາມກ້າວຫນ້າຂ້າມປາຊິຟິກ - CPTPP ດ້ວຍບັນດາຄຳໝັ້ນສັນຍາໃນການຫຼຸດຜ່ອນອັດຕາພາສີ, ເປີດປະຕູໃຫ້ແກ່ດ້ານການບໍລິການ, ການລົງທຶນ, ການຈຳໜ່າຍ, ກາລະໂອກາດໃຫ້ແກ່ ວິສາຫະກິດ ຫວຽດນາມ ໃນການເປີດກ້ວາງຕະຫຼາດຢູ່ທີ່ 7 ປະເທດທີ່ເຂົ້າຮ່ວມສັນຍາ ແລະ ບັນດາປະເທດອື່ນໆແມ່ນຫຼວງຫຼາຍ.
ຕາມ ທ່ານນາງ ຫງວຽນຖີ້ທູຈາງ, ຜູ້ອຳນວຍການ ສູນ WTO ແລະ ການເຊື່ອມໂຍງ, ຫ້ອງການການຄ້າ ແລະ ອຸດສາຫະກຳ ຫວຽດນາມ ໃຫ້ຮູ້ວ່າວ່າ: CPTPP ໄດ້ນຳມາບັນດາກາລະໂອກາດຫຼາຍຢ່າງໃຫ້ແກ່ວິສາຫະກິດ, ປ່ຽນແປງສະພາບແວດລ້ອມດ້ານການບໍລິການ, ໂດຍສະເພາະແມ່ນບັນດາບໍລິການໃຫ້ແກ່ການຜະລິດ. ການຍາດແຍ່ງກາລະໂອກາດຕ່າງໆທີ່ໄດ້ຮັບຈາກ CPTPP ຍັງບໍ່ໄດ້ຫລາຍ ເນື່ອງຈາກຫຼາຍປັດໃຈອັດຕະວິໄສຈາກວິສາຫະກິດ.
（ໄຊພອນ）
