 |
ຂີດໝາຍໃໝ່ ຂອງຫວຽດນາມ ສະຖິຕິ ການສົ່ງອອກ ເກີນດຸນ ເຖິງ 5,39 ຕື້ USD.
ໃນບົດລາຍງານ ແລະ ປະກອບຄຳຄິດຄຳເຫັນທີ່ກອງປະຊຸມ ປະຈຳ ຂອງ ລັດຖະບານ ວັນທີ 1 ຕຸລາ ເຫັນວ່າ: ສະພາບເສດຖະກິດ-ສັງຄົມ ເດືອນກັນຍາ ຍັງຄົງສືບຕໍ່ມີຄວາມຕັ້ງໜ້າ; ສະພາບການ 9 ເດືອນປະສົບຜົນສຳເລັດເປັນຢ່າງສູງ ຮອບດ້ານໃນທຸກຂົງເຂດ, ປັບປຸງຄວາມເຊື່ອໝັ້ນແກ່ສັງຄົມ; ທີ່ຕັ້ງ, ຄວາມເຊື່ອໝັ້ນສາກົນ ຕໍ່ກັບ ຫວຽດນາມ ໄດ້ເພີ່ມຂື້ນ. ບັນດາຜົນສຳເລັດ ກໍ່ຄື ຂີດໝາຍດັ່ງກ່າວນີ້ສະແດງໃຫ້ເຫັນເຖິງຄວາມຄາດຫວັງອັນເປັ່ງບານ ໃຫ້ແກ່ໝົດປີ 2018 ແລະ ໃນຊຸມປີຕໍ່ໜ້າ.
ໃນນັ້ນອັນທີ່ພົ້ນເດັ່ນສຸດ ແມ່ນ GDP 9 ເດືອນ 2018 ເພີ່ມຂື້ນເປັນ 6,98% ສູງສຸດນັບແຕ່ປີ 2011. ທັງ 3 ຂົງເຂດເສດຖະກິດເພີ່ມຂື້ນຄື: ຂົງເຂດ ກະສິກຳ ແລະ ປະມົງ ເພີ່ມຂື້ນ 3,65%; ຂົງເຂດອຸກສາຫະກຳ ແລະ ກໍ່ສ້າງ ເພີ່ມຂື້ນ 8,89%; ຂົງເຂດບໍລິການ ເພີ່ມຂື້ນ 6,89%. ພິເສດແມ່ນຂົງເຂດອຸດສາຫະກຳປຸງແຕ່ງ ແລະ ຜລິດ ແມ່ນກຳລັງຂັບເຄື່ອນຫຼັກ ຂອງການເຕີບໂຕເສດຖະກິດ ດ້ວຍອັດຕາສ່ວນເພີ່ມຂື້ນສູງເຖິງ 12,65%.
ເສດຖະກິດມະຫາພາກມີຄວາມໝັ້ນຄົງ, ອັດຕາເງິນເຟີ້ໄດ້ຮັບການຄວບຄຸມ, ຕົວເລກການຊົມໃຊ້ (CPI) ເດືອນ 9 ປີ2018 ເພີ່ມຂື້ນ 0,59% ທຽບໃສ່ເດືອນທີ່ຜ່ານມາ, CPI ສະເລ່ຍ 9 ເດືອນ ປີ 2018 ເພີ່ມຂື້ນ 3,57% ແລະ ແຜນການ ຫວຽດນາມຈະສາມາດ ຄວບຄຸມຕົວເລກ CPI ຕາມເປົ້າໝາຍຂອງສະພາແຫ່ງຊາດໄດ້ມອບໝາຍໃຫ້ໄດ້.
ການນຳເຂົ້າ-ສົ່ງອອກ ບັນລຸໄດ້ 179 ຕື້ USD, ເພີ່ມຂື້ນ 15,4%. ສິ່ງທີໜ້າເພິ່ງພໍໃຈສຸດແມ່ນການສົ່ງອອກຂອງ ຂົງເຂດເສດຖະກິດ ພາຍໃນເພີ່ມຂື້ນສູງກວ່າຂົງເຂດ FDI, ເຊິ່ງມັນສະແດງອອກຄື ຂົງເຂດພາຍໃນເພີ່ມຂື້ນ 17,5% ສ່ວນ ຂົງເຂດ FDI(ລວມທັງນຳ້ມັນດິບ) ເພີ່ມຂື້ນ 14,6%. ມີສິນຄ້າສົ່ງອອກຈຳນວນ 26 ຊະນິດມີມູນຄ່າການສົ່ງອອກ ຫຼາຍກວ່າ 1 ຕື້ USD, ໃນນັ້ນມີ ສິນຄ້າ 5 ຊະນິດ ບັນລຸໄດ້ 10 ຕື້ USD. ໃນ 9 ເດືອນ ຫວຽດນາມຍັງຄົງເກີນດຸນ ເຖິງ 5,39 ຕື້ USD, ນີ້ແມ່ນສະຖິຕິໃໝ່ທີ່ດີທີ່ສຸດ.
ການລົງທືນທົ່ວສັງຄົມປະຕິບັດໄດ້ 10,9% ທຽບກັບປີກ່ອນ ເທົ່າກັບ 34% ຂອງ GDP. FDI ປະຕິບັດໄດ້ 13,25 ຕື້ USD. ຍອດລວມຂອງອຸບປະສົງເພີ່ມຂື້ນສູງ, ຍອດລວມການຂາຍຍ່ອຍ ແລະ ລາຍຮັບຈາກການບໍລິການ ຊົມໃຊ້ເພີ່ມຂື້ນ 11,3%, ຖ້າປະປັດໄຈ ລາຄາ ແມ່ນຈະເພີ່ມຂື້ນ 8,8%. ຄົນຕ່າງປະເທດ ທີ່ມາທ່ຽວແລະໃຊ້ຈ່າຍ ບັນລຸໄດ້ເຖິງ 11,6 ລ້ານ ເທື່ອຄົນ, ເພີ່ມຂື້ນ 22,9% (ຄາດຄະເນໝົດປີ ຈະບັນລຸໄດ້ 15 ລ້ານເທື່ອຄົນ)
ໃນ 9 ເດືອນ ທົ່ວປະເທດ ມີວິສາຫະກິດຂື້ນທະບຽນສ້າງຕັ້ງໃໝ່ດ້ວຍຍອດລວມທືນຈົດທະບຽນ 963.400 ຕື້ດົ່ງ, ຕົວເລກຫົວວໜ່ວຍວິສາຫະກິດ
ເພີ່ມຂື້ນ 2,8% ແລະ ທືນຈົດທະບຽນ ເພີ່ມຂື້ນ 6,7%(ຄາດຄະເນໝົດປີ ຈະມີຫົວໜ່ວຍວິສາຫະກິດ 130.000 ຫົວໜ່ວຍສ້າງຕັ້ງໃໝ່). ມີຫົວໜ່ວຍວິສາຫະກິດປະມານ 23 ພັນ ຫົວໜ່ວຍກັບຄືນມາເຄື່ອນໄຫວຄືເກົ່າ, ເພີ່ມຂື້ນ 8,5% ທຽບໃສ່ປີກ່ອນ. ຫວຽດນາມ ຍັງຄົງເປັນປະເທດອັນດັບຕົ້ນຂອງໂລກ ທີ່ມີຕົວເລກ ຈິດໃຈລິເລີ່ມວິສາຫະກິດ (Start up) ດ້ວຍ 92% ທີ່ຖືກຖາມ ຈະຄິດຄືນກ່ຽວກັບການລິເລີ່ມວິຊາຊີບ, 88% ຍອມຮັບຄວາມສ່ຽງຂອງຄວາມຫຼົ້ມເຫຼວເມື່ອເຮັດທຸລະກິດ ທຽບໃສ່ຕົວເລກຂອງໂລກມີພຽງ 47%.
（ຫັດທະບູນ）
