 |
ພິທີສົບຂອງ ພະນະທ່ານ ເຈີ່ນດ້າຍ ກວາງ ປະທານປະເທດ ແຫ່ງ ສສ ຫວຽດນາມ.
ຫີບສົບຂອງປະທານປະເທດ ຕັ້ງໄວ້ຢູ່ບ່ອນທີ່ມີຄວາມສະຫງ່າງາມທີ່ສຸດຂອງສະໂມສອນ ປ່າຊ້າຫຼວງ. ຜ້າສາກສີດຳ, ແຂວນທຸງຊາດຄາດສະພາຍສີດຳ, ຢູ່ເທິງຮູບຂອງທ່ານປະທານປະເທດ ເຈີ່ນດ້າຍກວາງ ຂຽນວ່າ: “ສະແດງຄວາມເສຍໃຈ ຕໍ່ ສະຫາຍ ເຈີ່່ນດ້າຍກວາງ ກຳມະການ ກົມການເມືອງ, ປະທານປະເທດ ສສ ຫວຽດນາມ”.
 |
ກອງທະຫານ ກຳລັງປະຕິບັດໜ້າທີ່ ໃນພິທີ .
ຂ້າງຫີບສົບຂອງທ່ານປະທານປະເທດ ເຈີ່ນດ້າຍ ກວາງ ມີ ທະຫານປ້ອງກັນ 4 ຄົນ ໃສ່ຄົບຊຸດ ເຝົ້າຢູ່ 4 ມຸມຂອງຫີບສົບ ແລະ ທະຫານມ້າຂາວ ຈຳນວນ 6 ຄົນ.
 |
ບັນດາທ່ານຜູ້ນຳ ທັງອາດິດ ແລະ ປະຈຸບັນ ຂອງ ພັກ-ລັດ, ລັດຖະບານ, ສະພາແຫ່ງຊາດ,...ເຂົ້າໄຫວ້ອາໄລທ່ານປະທານປະເທດ ເຈີ່ນດ້າຍ ກວາງ ຄັ້ງສຸດທ້າຍ.
ໃນສະໂມສອນຂອງປ່າຊ້າຫຼວງ ແຫ່ງຊາດ ປະຈຸບັນ ຄະນະການນຳຂອງພັກ, ລັດຖະບານ, ສຳນັກງານນາຍົກລັດຖະມົນຕີ, ກຳມະການສູນກາງ ແນວໂຮມຊາດ ຫວຽດນາມ ແລະ ຍາດຕິພີ່ນ້ອງ...
 |
ພະນະທ່ານ ເລຂາທິການໃຫຍ່ ຫງວ໋ຽນຟູ໋ ຈ້ອງ ເຂົ້າອາໄລ ພະນະທ່ານ ປະທານປະເທດ ເຈີ່ນດ້າຍກວາງ .
 |
 |
ພະນະທ່ານ ນາຍົກລັດຖະມົນຕີ ສະແດງຄວາມເສຍໃຈ ກັບຄອບຄົບ ແລະ ຍາດຕິພີ່ນ້ອງ ຂອງ ພະນະທ່ານ ເຈີ່ນດ້າຍ ກວາງ.
 |
ຄອບຄົວ ແລະ ຍາດຕິພີ່ນ້ອງຂອງ ພະນະທ່ານເຈີ່ນດ້າຍ ກວາງ ຢູ່ ຕໍ່ໜ້າສະໂມສອນ.
ຕາມການລາຍງານຂອງນັກຂ່າວວ່າ: ບັນດາຄະນະທີ່ຈະເຂົ້າອາໄລ ຄັ້ງນີ້ ແມ່ນ ຈະໄດ້ຂື້ນລົດຮ່ວມກັນ ມີຫົວໜ້າຄະນະ, ນຸ່ງເຄື່ອງເປັນລະບຽບຮຽບຮ້ອຍ, ຜູ້ຊາຍໃສ່ຊຸດສູດ ກອມເລ, ຜູ້ກາລະຫວັດສີເຂັ້ມ(ດຳ), ຜູ້ຍິງ ນຸ່ງຊຸດຍາວ(ຊຸດປະຈຳຊາດຫວຽດນາມ ອ໋າວຢ່າຍ) ສີດຳ ຫຼືຊຸດສຸພາບອື່ນທີ່ມີສີດຳ.
ເຂົ້າໄປໃນງານຈະບໍ່ໄດ້ຮັບອະນຸຍາດໃຫ້ພາຍກະເປົ໋າ, ຫຼືພວງມາລາ, ຖືພຽງແຕ່ສະພາຍຂຽນຄຳອາໄລເທົ່ານັ້ນ (ຂຽນ ຄຳວ່າ: ດ້ວຍຄວາມອາໄລ) ຂະໜາດ 1,2m x 0,2m ແລະ ຂຽນຊື່ຫ້ອງການ, ອົງການ ຫຼືຊື່ບຸກຄົນ ເພື່ອຕິດໃສ່ພວງມາລາທີ່ຈັດຕຽມໄວ້ແລ້ວທີ່ພິທີ. ຈິດໃຈຂອງຄອບຄົວແມ່ນບໍ່ຮັບຊອງກິນທານ ຈາກອົງການ ແລະ ສ່ວນບຸກຄົນໃດໆໃນງານຄັ້ງນີ້.
ສະຖານທີ່ຈັດພິທີໄຫວ້ອາໄລ, ພິທີປົງສົບ ຢູ່ ຄຸ້ມ 13 ບ້ານ ກວາງທ້ຽນ, ເມືອງ ກີມເຊີນ, ແຂວງນິງບິ່ງ. ພິທີໄຫວ້ອາໄລຈະເລີ່ມແຕ່ ເວລາ 7ໂມງເຊົ້າ ວັນທີ 26 ກັນຍາ, ພິທີໄຫວ້ອາໄລຈະເລີ່ມແຕ່ ເວລາ 7ໂມງເຊົ້າ ວັນທີ 27 ກັນຍາ, ພິທີປົງສົບ ຈະຈັດຂື້ນໃນເວລາ 15ໂມງ 30ນາທີ ຂອງວັນທີ 27 ກັນຍາ 2018.
（ຫັດທະບູນ）
