ຕອນບ່າຍຂອງວັນທີ 26 ກັນຍາ, ຕ່າງໜ້າໃຫ້ພັກ, ລັດ ແລະ ປະຊາຊົນ ຫວຽດນາມ, ຮັກສາປະທານປະເທດ ດັ້ງຖິຫງ໋ອກ ທິ້ງ ສະແດງຄວາມຂອບອົກຂອບໃຈ ປະທານາທິບໍດີ ເກົາຫຼີໃຕ້ Moon Jae-in ພ້ອມພັນລະຍາ ໄດ້ສົ່ງໂທລະເລກ ສະແດງຄວາມເສຍໃຈ ມາຍັງພັກ, ລັດ ແລະ ປະຊາຊົນຫວຽດນາມ ແລະ ຄອບຄົວຍາດຕິພີ່ນ້ອງຂອງປະທານປະເທດ ເຈີ່ນດ້າຍ ກວາງ.
 |
ຮັກສາການປະທານປະເທດ ດັ້ງຖິຫງ໋ອກ ທິ້ງ ຕ້ອນຮັບ ນາຍົກລັດຖະມົນຕີ ເກົາຫຼີໃຕ້ Lee Nak-yeon.(ພາບ: VOV)
ນາຍົກລັດຖະມົນຕີ Lee Nak-yeon ຢັ້ງຢືນວ່າ: ປະທານປະເທດ ເຈີ່ນດ້າຍ ກວາງ ແມ່ນຜູ້ນຳຜູ້ໜື່ງທີ່ມີການປະກອບສ່ວນອັນໃຫຍ່ຫຼວງໃນວຽກງານການພັດທະນາ ສາຍພົວພັນ ລະຫວ່າງ ເກົາຫຼີໃຕ້ ແລະ ຫວຽດນາມ. ເດືອນ ພະຈິກປີກາຍນີ້, ປະທານາທິບໍດີ Moon Jae-in ໄດ້ເຂົ້າຮ່ວມ ວັນສັບປະດາ ຂັ້ນສູງ APEC ຢູ່ນະຄອນ ດາໜັງ; ເດືອນ ມີນາ ທີ່ຜ່ານມາ, ປະທານາທິບໍດີ Moon Jae-in ພ້ອມພັນລະຍາ ໄດ້ມາຢ້ຽມຢາມລະດັບລັດຖະບານ ຫວຽດນາມ. ໃນໂອກາດດັ່ງກ່າວ ທັງສອງຝ່າຍໄດ້ມີການຖະແຫຼງການຮ່ວມ ຫວຽດນາມ-ເກົາຫຼີໃຕ້ ຫັນໄປສູ່ອານາຄົດ. ລັດຖະບານ ເກົາຫຼີໃຕ້ ກຳລັງຜັນຂະຫຍາຍຢ່າງຕັ້ງໜ້າ ບັນດາສັນຍາທີ່ໄດ້ລົງນາມຮ່ວມກັນ ລະຫວ່າງ ປະທານປະເທດ ເຈີ່ນດ້າຍກວາງ ແລະ ປະທານາທິບໍດີ Moon Jae-in.
ຮັກສາປະທານປະເທດ ດັ້ງຖິຫງ໋ອກ ທິ້ງ ໄດ້ເນັ້ນໜັກວ່າ: ດ້ວຍຄວາມເອົາໃຈໃສ່ຂອງລັດຖະບານ ແລະ ການປະກອບສ່ວນຂອງປະຊາຊົນສອງປະເທດ, ສາຍພົວພັນຮ່ວມມືຍຸດທະສາດ ຫວຽນາມ-ເກົາຫຼີໃຕ້ໃນຊຸມປີທີ່ຜ່ານມາໄດ້ມີການພັດທະນາຢ່າງມີປະສິດທິຜົນ, ປະກົດຜົນເປັນຈິງໃນທຸກໆຂົງເຂດ, ບັນລຸໄດ້ໝາກຜົນທີ່ສຳຄັນ. ພັກ,ລັດ ແລະ ປະຊາຊົນຫວຽດນາມ ຍາມໃດກໍ່ເຫັນສຳຄັນ ແລະ ມຸ້ງມາດປາດຖະໜາ ຈະສືບຕໍ່ພັດທະນາ ຢ່າງກວ້າງຂວາງ ແລະ ເລິກເຊິ່ງຕື່ມອີກ ສາຍພົວພັນຄູ່ຮ່ວມມືຍຸດທະສາດກັບ ເກົາຫຼີໃຕ້, ສອດຄ່ອງກັບຄວາມຄິດຂອງການນຳທັງສອງປະເທດ, ໂດຍສະເພາະແມ່ນການຖະແຫຼງການຮ່ວມ ຫວຽດນາມ-ເກົາຫຼີໃຕ້ ຫັນໄປສູ່ອານາຄົດ, ເຊັນລົງນາມ ປີ 2018, ຕອບສະໜອງໄດ້ຄວາມຮຽກຮ້ອງຕ້ອງການຂອງປະຊາຊົນທັງສອງປະເທດ, ປະກອບສ່ວນເຂົ້າໃນການຮັກສາສັນຕິພາບ, ຮ່ວມມື ແລະ ພັດທະນາ ໃນພູມມິພາກ ແລະ ໃນໂລກ.
（ຫັດທະບູນ）
