ແຈ້ງການພິເສດ ກ່ຽວກັບເລື່ອງ ທ່ານປະທານປະເທດ ສສ ຫວຽດນາມ ເຈິ່ນດ້າຍກວາງ ເຖິງແກ່ອະສັນຍະກຳ

ທ່ານປະທານປະເທດ ແຫ່ງ ສສ ຫວຽດນາມ ພະນະທ່ານ ເຈິ່ນດ້າຍກວາງ.

ວັນທີ 23 ກັນຍາ, ຄະນະບໍລິຫານງານສູນກາງພັກກອມມູນິດ ຫວຽດນາມ, ສະພາແຫ່ງຊາດ, ປະທານປະເທດ, ລັດຖະບານ ສສ ຫວຽດນາມ, ຄະນະກຳມະການແນວໂຮມປະເທດຊາດ ຫວຽດນາມ ໄດ້ແຈ້ງຂ່າວ ທ່ານ ເຈິ່ນດ້າຍກວາງ, ກຳມະການກົມການເມືອງ, ປະທານປະເທດ ສສ ຫວຽດນາມ ພາຍຫຼັງທີ່ເປັນພະຍາດຮ້າຍແຮງ, ເຖິງວ່າພັກ, ລັດ, ບັນດາສາດສະດາຈານ, ແພດໝໍໄດ້ເອົາໃຈໃສ່ປິ່ນປົວຈົນສຸດຄວາມສາມາດແລ້ວ, ແຕ່ກໍ່ບໍ່ສາມາດກູ້ເອົາຊີວິດລອດມາໄດ້, ທ່ານສິ້ນລົມຫາຍໃຈໃນເວລາ 10 ໂມງ 05 ນາທີຂອງວັນທີ 21 ກັນຍາ 2018 ຢູ່ໂຮງໝໍສູນກາງກອງທັບ 108.

ໃນຕະຫຼອດວິວັດການເຄື່ອນໄຫວ, ປະຕິບັດງານ, ທ່ານປະທານປະເທດ ເຈິ່ນດ້າຍກວາງ ໄດ້ມີການປະກອບສ່ວນຕໍ່ພາລະກິດການປະຕິວັດອັນສະຫງ່າລາສີຂອງພັກ ແລະ ຂອງຊາດ. ທ່ານໄດ້ຮັບຫຼຽນກາ, ຫຼຽນໄຊອັນມີຄ່າຫຼາຍຫຼຽນ, ຫຼຽນກາອາຍຸພັກ 30 ປີຈາກພັກ, ລັດ. ທ່ານໄດ້ຈາກໄປແມ່ນຄວາມເສຍຫາຍຢ່າງໃຫຍ່ຫຼວງຕໍ່ກັບພັກ, ລັດ ແລະ ປະຊາຊົນ ຫວຽດນາມ.

ເພື່ອຈາລຶກບຸນຄຸນຂອງທ່ານປະທານປະເທດ ເຈິ່ນດ້າຍກວາງ, ຄະນະບໍລິຫານງານສູນກາງພັກກອມມູນິດ ຫວຽດນາມ, ສະພາແຫ່ງຊາດ, ປະທານປະເທດ, ລັດຖະບານ ສສ ຫວຽດນາມ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຕົກລົງເຫັນດີຈັດຕັ້ງພິທີງານສົບລະດັບຊາດໃຫ້ທ່ານປະທານປະເທດ ເຈິ່ນດ້າຍກວາງ.

ພິທີໄວ້ອາໄລ ທ່ານປະທານປະເທດ ເຈິ່ນດ້າຍກວາງ ຈະເລີ່ມແຕ່ເວລາ 7 ໂມງ 00 ນາທີຂອງວັນທີ 26 ກັນຍາ 2018, ຢູ່ຫໍທຳພິທີງານສົບລະດັບຊາດເລກທີ 5 ຖະໜົນເຈິ່ນແທ໊ງຕົງ, ຮ່າໂນ້ຍ. ພິທີໄວ້ອາໄລຈະໄດ້ຈັດຂຶ້ນໃນເວລາ 7 ໂມງ 30 ນາທີຂອງວັນທີ 27 ກັນຍາ 2018 ຢູ່ຫໍທຳພິທີງານສົບລະດັບຊາດ. ພິທີປົງສົບຈະໄດ້ຈັດຂຶ້ນແຕ່ເວລາ 15 ໂມງ 30 ນາທີ ຂອງວັນດຽວກັນຢູ່ ໜ່ວຍ 13 ບ້ານກວາງທ້ຽນ, ເມືອງ ກິມເຊີນ, ແຂວງ ນີງບີ່ງ.

ໃນສອງວັນໄວ້ທຸກລະດັບຊາດ (ວັນທີ 26 – 27 ກັນຍາ 2018), ບັນດາອົງການ, ສຳນັກງານ, ສະຖານທີ່ສາທາລະນະຈະຕ້ອງຊັກທຸງລົງເຄິ່ງເສົາ ແລະ ບໍ່ໄດ້ຈັດຕັ້ງການເຄື່ອນໄຫວລະຫຼິ້ນບັນເທິງຕ່າງໆ.

（ຫັດ​ທະ​ບູນ）