 |
ສາດສະດາຈານ Klaus Schwab ຜູ້ກໍ່ຕັ້ງ ແລະ ເປັນປະທານຜູ້ບໍລິຫານ WEF.
ກ່າວຄຳເຫັນທີ່ເວທີປາໄສ, ສາດສະດາຈານ Klaus Schwab ຜູ້ກໍ່ຕັ້ງ, ປະທານຜູ້ບໍລິຫານ WEF ເນັ້ນຫນັກວ່າ ການປະຕິວັດອຸດສາຫະກຳຄັ້ງທີ 4 ໄດ້ສ້າງຄວາມແຕກຕ່າງ ເມື່ອຍົກລະດັບເຕັກໂນໂລຊີຢ່າງຮອບດ້ານກວ່າ, ເຮັດໃຫ້ຮູບແບບດຳເນີນທຸລະກິດມີການປ່ຽນແປງຢ່າງແຮງ, ການແກ້ງແຍ້ງຂອງບັນດາວິສາຫະກິດໃນທົ່ວໂລກ, ບັນດາພື້ນຖານເສດຖະກິດ ແລະ ບັນດາບັນຫາສັງຄົມ. ສິ່ງດັ່ງກ່າວຮຽກຮ້ອງໃຫ້ບັນດາປະເທດຕ້ອງຮັບມືຢ່າງທັນການ.
 |
ເວທີແຫ່ງການສຳມະນາ ແລະຕອບຄຳຖາມກ່ຽວກັບ “ອາຊຽນ 4.0 ກາລະໂອກາດໃຫ້ໝົດທຸກຄົນ”.
“ໃນອະນາຄົດ, ບັນດາປະເທດທີ່ປະສົບຜົນສຳເລັດ ແມ່ນບັນດາປະເທດສາມາດກຳແຫນ້ນກາລະໂອກາດ, ທ່າໄດ້ປຽບ ຊື່ງການປະຕິວັດອຸດສາຫະກຳຄັ້ງທີ 4 ນຳມາໃຫ້. ເພື່ອກຽມພ້ອມໃຫ້ການຮັບມືນັ້ນ ເງື່ອນໄຂທຳອິດ ແມ່ນຕ້ອງມີຄວາມຮັບຮູ້ຢ່າງຖືກຕ້ອງກັບລະດັບສຳຄັນຂອງການປະຕິວັດອຸດສາຫະກຳຄັ້ງທີ 4, ລະດົມທຸກແຫລ່ງກຳລັງເພື່ອກະກຽມແກ່ການກຳແຫນ້ນກາລະໂອກາດໃຫ້ດີສຸດ. ຄຽງຄູ່ກັນນັ້ນ ບັນດາປະເທດ ຄວນສ້າງບັນດານະໂຍບາຍທີ່ຈຳເປັນ, ສົ່ງເສີມຈິດໃຈຂອງປະຊາຄົມນັກທຸລະກິດໃນສັງຄົມ”
 |
ທັດສະນະຂອງຫວຽດນາມ ແມ່ນຖືການກຳນົດກາລະໂອກາດ ແລະ ສິ່ງທ້າທາຍໃນສະພາບການປະຕິວັດອຸດສາຫະກຳຄັ້ງທີ 4 ແມ່ນເສັ້ນທາງວ່ອງໄວ ແລະ ມີປະສິດທິຜົນ ເພື່ອສ້າງບາດກ້າວບຸກທະລຸ, ຮັດແຄບຄວາມແຕກໂຕນກ່ຽວກັບລະດັບການພັດທະນາກັບບັນດາປະເທດໃນໂລກ. ທ່ານ ຈູງອກແອງ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ປາດຖະຫນາຢາກເພີ່ມທະວີການແລກປ່ຽນ, ໂອ້ລົມສົນທະນາ ແລະ ໄດ້ຮັບການແບ່ງປັນ, ສະຫນັບສະຫນູນ, ການຮ່ວມມື ຈາກບັນດາການນຳ, ຜູ້ຊ່ຽວຊານ, ວິສາຫະກິດ ຂອງ WEF ກ່ຽວກັບບັນດາມາດຕະການ, ໂຄງການດຳເນີນງານ ຊຸກຍູ້ການພັດທະນາວິທະຍາສາດ ແລະ ເຕັກໂນໂລຊີ ໃນອາຊຽນ, ເພີ່ມທະວີກຳລັງຄວາມສາມາດຮ່ວມສຳພັນລະຫວ່າງບັນດາປະເທດໃນອາຊຽນ ກ່ຽວກັບການປ່ຽນໃຫມ່ປະດິດຄິດສ້າງເພື່ອເສີມຂະຫຍາຍບັນດາກາລະໂອກາດ, ການຮັບມືກັບບັນດາສິ່ງທ້າທາຍຂອງການປະຕິວັດອຸດສາຫະກຳ 4.0.
ທີ່ເວທີປາໄສເປີດ, ບັນດານັກວິທະຍາສາດ, ຜູ້ຊ່ຽວຊານເຕັກໂນໂລຊີ, ວິສາຫະກິດ Starup, ຊາວຫນຸ່ມ, ນັກສຶກສາ ໄດ້ສຸມໃສ່ແລກປ່ຽນ ແລະ ປຶກສາຫາລືບັນດາແນວຄວາມຄິດ, ຂໍ້ລິເລີ່ມ ເພື່ອແນໃສ່ຊຸກຍູ້ການຮ່ວມມືລະຫວ່າງບັນດາປະເທດອາຊຽນ ແລະ ບັນດາຄູ່ຮ່ວມມືທົ່ວໂລກເພື່ອນຳພາກພື້ນ ອາຊີຕາເວັນອອກສ່ຽງໃຕ້ ກາຍເປັນສູນ Starup ປ່ຽນໃຫມ່ປະດິດຄິດສ້າງ, ເປັນເຈົ້າການໃນການສ້າງສັນ, ເປັນເຈົ້າ ແລະ ຂຸດຄົ້ນບັນດາຜົນງານຂອງການປະຕິວັດອຸດສາຫະກຳ 4.0 ຢ່າງມີປະສິດທິຜົນ..
（ແຫຼ່ງຂໍ້ມູນ： vov5）
