 |
ບັນຍາກາດທີ່ການຕ້ອນຮັບ. (ພາບ: ວັນຮ໋ຽວ)
ຕາງໜ້າການນໍາກະຊວງປ້ອງກັນປະເທດ, ທ່ານພົນໂທ ຫງວຽນຈີ໋ວີ້ງ ຊົມເຊີຍ ບັນດາຄະນະຜູ້ແທນຕາງໜ້າກໍາລັງປ້ອງກັນຊາຍແດນ ປະເທດຈີນ, ລາວ, ກໍາປູເຈຍ, ໄທ, ມຽນມາ ມາຍັງ ຫວຽດນາມ ເພື່ອເຂົ້າຮ່ວມງານການພົບປະແລກປ່ຽນ; ນີ້ແມ່ນໜຶ່ງໃນການເຄື່ອນໄຫວຕົວຈິງ ແນໃສ່ປະກອບສ່ວນຮັດແໜ້ນຄວາມສາມັກຄີ, ສ້າງຊາຍແດນສັນຕິພາບ, ມິດຕະພາບ, ຮ່ວມມື ແລະ ພັດທະນາ ລະຫວ່າງບັນດາປະເທດບ້ານໃກ້ເຮືອນຄຽງ ແລະ ບັນດາປະເທດໃນອະນຸພາກພື້ນແມ່ນ້ຳຂອງ.
 |
ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ມອບຂອງຂວັນທີ່ລະນຶກໃຫ້ຫົວໜ້າຄະນະຜູ້ແທນບັນດາປະເທດ. (ພາບ: ວັນຮ໋ຽວ)
ບົນບັນຍາກາດເປີດໃຈຕໍ່ກັນ ແລະ ເຕັມໄປດ້ວຍນໍ້າໃຈມິດຕະພາບ, ຫົວໜ້າຄະນະຜູ້ແທນບັນດາປະເທດ ຂອບໃຈທ່ານພົນໂທ ຫງວ໋ຽນຈີ໋ວີ້ງ ທີ່ໄດ້ສະຫຼະເວລາຕ້ອນຮັບຄະນະ; ສະແດງຄວາມປິຕິຊົມຊື່ນ, ຄວາມເປັນກຽດເມື່ອໄດ້ຮັບຄຳເຊີນເຂົ້າຮ່ວມງານການພົບປະແລກປ່ຽນ “ຊາຍແດນແຫ່ງມິດຕະພາບ” ຄັ້ງທີ 3 ຈາກຄະນະຈັດຕັ້ງ(ຫວຽດນາມ).
 |
ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ມອບຂອງຂວັນທີ່ລະນຶກໃຫ້ຫົວໜ້າຄະນະຜູ້ແທນບັນດາປະເທດ. (ພາບ: ວັນຮ໋ຽວ)
ຮັບຮູ້ເຖິງ ບັນດາໝາກຜົນ ກໍ່ຄືຜົນສຳເລັດ ໃນການຮ່ວມມື ລະຫວ່າງ ທະຫານຊາຍແດນຫວຽດນາມ ແລະ ກໍາລັງປ້ອງກັນຊາຍແດນ 5 ປະເທດ ໄລຍະຜ່ານມາ, ທ່ານພົນໂທ ຫງວ໋ຽນຈີ໋ວີ້ງ ເຊື່ອໝັ້ນວ່າ: ງານການພົບປະແລກປ່ຽນ ຈະປະສົບຜົນສໍາເລັດຢ່າງຈົບງາມ; ທ່ານຍັງເນັ້ນໜັກວ່າ: ກໍາລັງປ້ອງກັນຊາຍແດນບັນດາປະເທດຄວນສືບຕໍ່ຄົ້ນຄວ້າ, ສະເໜີເປີດກວ້າງບັນດາຂົງເຂດຮ່ວມມືສອງຝ່າຍ ແລະ ຫຼາຍຝ່າຍໃໝ່, ແທ້ຈິງ, ປະກອບສ່ວນ ເຂົ້າໃນການພັດທະນາເສດຖະກິດ-ສັງຄົມ ແລະຮັກສາຄວາມເປັນລະບຽບຮຽບຮ້ອຍ ຄວາມໝັ້ນຄົງ ຕາມແນວຊາຍແດນ ຂອງແຕ່ລະປະເທດ.
 |
ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ຖ່າຍຮູບທີ່ລະນຶກພ້ອມກັບບັນດາຜູ້ແທນ. (ພາບ: ວັນຮ໋ຽວ)
（ຫັດທະບູນ）
