 |
ທ່ານປະທານປະເທດ ເຈີນດ້າຍກວາງ ມີຄວາມປາດຖະໜາວ່າ ອົດສະຕາລີ ຈະສືບຕໍ່ໜູນຊ່ວຍຫວຽດນາມພັດທະນາແຫຼ່ງຊັບພະຍາກອນມະນຸດມີຄຸນນະພາບສູງ, ເພີ່ມປະລິມານທຶນການສຶກສາຈາກລັດຖະບານ, ໜູນຊ່ວຍການບໍາລຸງສ້າງວິຊາຊີບ ແລະ ພາສາອັງກິດອີກດ້ວຍ. ນອກຈາກນັ້ນ, ທ່ານປະທານປະເທດ ກໍໄດ້ສະເໜີວ່າ ທາງອົດສະຕາລີຈະສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ປະຊາຄົມຊາວຫວຽດນາມດໍາລົງຊີວິດ, ອອກແຮງງານ ແລະ ຮໍ່າຮຽນຢ່າງສອດຄ່ອງກັບກົດໝາຍຂອງປະເທດປະຈໍາຖິ່ນ, ປະກອບສ່ວນເຂົ້າໃນການພັດທະນາຂອງແຕ່ລະປະເທດກໍຄືການພົວພັນສອງຝ່າຍ. ທ່ານປະທານປະເທດ ເຈີນດ້າຍກວາງ ໃຫ້ຮູ້ວ່າ ຫວຽດນາມກໍຈະສ້າງເງື່ອນໄຂໃຫ້ພົນລະເມືອງຂອງອົດສະຕາລີ ເຂົ້າມາຫວຽດນາມ ທ່ອງທ່ຽວ, ຮໍ່າຮຽນ, ລົງທຶນ ແລະ ດໍາເນີນທຸລະກິດ, ປະກອບສ່ວນຊຸກຍູ້ການພົວພັນຮ່ວມມື ແລະ ນໍ້າໃຈມິດຕະພາບລະຫວ່າງສອງປະເທດ.
（ແຫຼ່ງຂໍ້ມູນ： vov5）
