 |
ບັນຍາກາດກ່ອນການເຊັນສັນຍາ.
ໂຄງການ ປະສານງານ ໄດ້ເຊັນສັນຍາເພື່ອແນໃສ່ເພີ່ມທະວີ ການປະສານສົມທົບວຽກງານ ລະຫວ່າງ ຄະນະປະຈຳ ການຕ່າງປະເທດ ສະພາແຫ່ງຊາດ ແລະ ຄະນະປະຈຳ ຄະນະປະທານ ສະຫະພັນອົງການມິດຕະພາບຫວຽດນາມ (ສະຫະພັນມິດຕະພາບ). ຈາກນັ້ນຍົກສູງປະສິດທິຜົນ ການເຄື່ອນໄຫວວຽກງານການຕ່າງປະເທດຂອງແຕ່ລະອົງການ, ປະກອບສ່ວນ ເສີມຂະຫຍາຍກຳລັງແຮງ ສັງລວມຂອງສະພາການຕ່າງປະເທດ ແລະ ການທູດປະຊາຊົນ, ປະກອບສ່ວນໃຫ້ແກ່ການຈັດຕັ້ງປະຕິບັດ ໄຊຊະນະແນວທາງ ພົວພັນການທູດຂອງ ພັກ-ລັດ.
ສາຍພົວພັນປະສານສົມທົບວຽກງານ ລະຫວ່າງ ຄະນະປະຈຳ ການຕ່າງປະເທດ ສະພາແຫ່ງຊາດ ແລະ ສະຫະພັນມິດຕະພາບ ແມ່ນເປັນໄປຕາມ ກົດລະບຽບກົດໝາຍ, ສອດຄ່ອງກັບຄວາມສາມາດ, ໜ້າທີ່ ແລະ ສິດຜົນປະໂຫຍດຂອງທັງສອງຝ່າຍ, ບົນຫຼັກການຕື່ນຕົວ, ຫ້າວຫັນໃນການຮ່ວມມື, ຊ່ວຍເຫຼືອເຊິ່ງການແລະກັນ ເພື່ອເຮັດສຳເລັດບັນດາພາລະກິດການທູດ. ຂໍ້ມູນ-ຂ່າວສານ, ເນື້ອໃນການປະສານສົມທົບ ລະຫວ່າງ ຄະນະປະຈຳ ການຕ່າງປະເທດ ສະພາແຫ່ງຊາດ ແລະ ສະຫະພັນມິດຕະພາບ ປະຕິບັດຕາມບັນດາຫຼັກການ ແລະ ກົດລະບຽບກົດໝາຍກ່ຽວກັບ ການຮັກສາຄວາມລັບຂອງລັດ.
ພິທີເຊັນສັນຍາເປັນຂີດໝາຍ ແລະ ບາດກ້າວໃໝ່ ໃຫ້ແກ່ການປະສານສົມທົບ ອັນແໜ້ນແຟ້ນລະຫວ່າງ ສະຫະພັນອົງການມິດຕະພາບ ຫວຽດນາມ ແລະ ຄະນະກຳມະການ-ການຕ່າງປະເທດ ສະພາແຫ່ງຊາດໃນໄລຍະຕໍ່ໄປ, ໃນນັ້ນຈະສຸມໃສ ບາງເນື້ອໃນຄື: ແລກປ່ຽນຂໍ້ມູນຂ່າວສານ, ຜົນສຳເລັດຂອງການຄົ້ນຄວ້າ, ປະສານສົມທົບການຈັດຕັ້ງປະຕິບັດ ບັນດາການເຄື່ອນໄຫວການທູດຢ່າງແທດເໝາະ, ປະສານສົມທົບລະຫວ່າງ ບັນດາກຸ່ມສະມາຊິກສະພາມິດຕິພາບ ຂອງສະພາແຫ່ຊາດ.
（ຫັດທະບູນ）
