ຕອນບ່າຍຂອງວັນທີ 9 ກໍລະກົດ ທີ່ ຫ້ອງປະຊຸມ ສະພາແຫ່ງຊາດ, ສະຫະພັນ ອົງການມິດຕະພາບຫວຽດນາມ(VUFO) ແລະ ຄະນະກຳມະການ-ການຕ່າງປະເທດ ສະພາແຫ່ງຊາດ ໄດ້ເຊັນສັນຍາ “ໂຄງການປະສານສົມທົບວຽກງານ ລະຫວ່າງ ຄະນະປະຈຳການ-ການຕ່າງປະເທດ ສະພາແຫ່ງຊາດ ແລະ ຄະນະປະຈຳ ຄະນະປະທານ ສະຫະພັນ ອົງການມິດຕະພາບ ຫວຽດນາມ ໄລຍະ 2018-2021”
 |
ບັນຍາກາດກອງປະຊຸມ ເຊັນສັນຍາ. (ພາບ: ທຸ່ຍລິງ)
ໃນຊຸມປີທີ່ຜ່ານມາ, ການເຄື່ອນໄຫວການຕ່າງປະເທດຂອງສະພາແຫ່ງຊາດ ຫວຽດນາມ ໄດ້ກາຍເປັນສ່ວນໜື່ງທີ່ບໍ່ສາມາດແຍກອອກຈາກກັນໃນການເຄື່ອນໄຫວ ການທູດຂອງພັກ ແລະ ລັດ; ຊ່ວຍເຫຼືອໃຫ້ການພົວພັນຕ່າງປະເທດຂອງ ລັດ ຢ່າງຕັ້ງໜ້າ ແລະ ປັບປຸງໃຫ້ການທູດປະຊາຊົນ, ປະກອບສ່ວນຈັດຕັ້ງປະຕິບັດໄຊຊະນະຂອງແນວທາງ ການທູດ ຂອງພັກ ແລະ ລັດ ຫວຽດນາມ… ດ້ວຍບົດບາດໜ້າທີ່ ຄືຈັດຕັ້ງ ການເມືອງ-ສັງຄົມ ຮັບຜິດຊອບກ່ຽວກັບ ການທູດປະຊາຊົນ ໃນຂົງເຂດສັນຕິພາບ, ຄວາມສາມັກຄີ, ມິດຕະພາບ ແລະ ການຮ່ວມມືປະຊາຊົນ ແລະ ເປັນຂົວຕໍ່ປະສານງານ ໃນບາງການເຄື່ອນໄຫວການທູດປະຊາຊົນ, VUFO ໄດ້ປະສານສົມທົບ ແລະ ຊ່ວຍເຫຼືອຢ່າງທັນການ ຄະນະກຳມະການ ການຕ່າງປະເທດໃນບັນດາການເຄື່ອນໄຫວ ການຕ່າງປະເທດຂອງສະພາແຫ່ງຊາດ.
ປາໄສທີ່ກອງປະຊຸມເຊັນສັນຍາ ທ່ານ ຫງວ໋ຽນວັນເຢົ່າ ກຳມະການສູນກາງພັກ, ຫົວໜ້າກຳມະການ-ການຕ່າງປະເທດ ສະພາແຫ່ງຊາດໄດ້ເນັ້ນໜັກວ່າ: ການເຊັນບົດບັນທືກສັນຍາດັ່ງກ່າວນີ້ ຈະພັດທະນາຂຸມກຳລັງສັງລວມຂອງ ສະພາການຕ່າງປະເທດຂື້ນອີກ ແລະ ການທູດປະຊາຊົນ, ປະກອບສ່ວນເຂົ້າໃນການຈັດຕັ້ງປະຕິບັດໄຊຊະນະ ແນວທາງການຕ່າງປະເທດຂອງພັກ ແລະ ລັດ ໃນຂະບວນການຄວາມເປັນເຈົ້າການ, ເຊື່ອມໂຍງສາກົນຢ່າງຕັ້ງໜ້າ. ການປະສານສົມທົບວຽກງານ ລະຫວ່າງ ຄະນະປະຈຳ ກຳມະການ-ການຕ່າງປະເທດ ສະພາແຫ່ງຊາດ ແລະ ຄະນະປະຈຳ ຄະນະປະທານ ສະຫະພັນອົງການມິດຕະພາບ ປະຕິບັດຕາມບັນດາກົດລະບຽບກົດໝາຍ, ສອດຄ່ອງກັບບົດບາດໜ້າທີ່ ແລະ ສິດຜົນປະໂຫຍດຂອງສອງຝ່າຍ, ອີງໃສ່ຫຼັກການຕື່ນຕົວ, ຮ່ວມມືຢ່າງຕັ້ງໜ້າ, ຊ່ວຍເຫຼືອເຊິ່ງກັນແລະກັນ ເພື່ອເຮັດສຳເລັດພາລະກິດດ້ານການທູດຢ່າງສົມບູນ.
 |
ທ່ານ ຫງວ໋ຽນວັນເຢົ່າ ແລະ ທ່ານ ໂດນຕ໋ວນຟອງ ຕ່າງໜ້າສອງອົງການ ເຊັນສັນຍາລົງນາມ.(ພາບ: ທຸ່ຍລິງ)
ທ່ານ ຫງວ໋ຽນວັນເຢົ່າໄດ້ແບ່ງປັນວ່າ: “ຂ້າພະເຈົ້າຫວັງເປັນຢ່າງຍິ່ງວ່າ: ພາຍຫຼັງການເຊັນສັນຍາໂຄງການປະສານວຽກງານ ລະຫວ່າງສອງອົງການ, ຄະນະກຳມະການ ການຕ່າງປະເທດ ແລະ VUFO ຈະຈັດຕັ້ງປະຕິບັດບັນດາເນື້ອໃນຂອງການຮ່ວມມືຢ່າງຫ້າວຫັນ ແລະ ປະສົມປະສານກັນນັບມື້ນັບແໜ້ນແຟ້ນກ່ວາເກົ່າໃນການເຄື່ອນໄຫວຂອງຕົນ”.
VUFO ແມ່ນອົງການຈັດຕັ້ງ ການເມືອງ-ສັງຄົມ ຮັບຜິດຊອບກ່ຽວກັບວຽກງານການທູດປະຊາຊົນ, ການເຊັນສັນຍາດັ່ງກ່າວ ສະແດງເຖິງຄວາມເອົາໃຈໃສ່ຂອງຄະນະກຳມະການ-ການຕ່າງປະເທດ ສະພາແຫ່ງຊາດ ກ່ຽວກັບວຽກງານການທູດປະຊາຊົນ, ມີໜ້າທີ່ສະໜັບສະໜູນ ການທູດຂອງພັກ ແລະ ການພົວພັນຕ່າງປະເທດຂອງລັດ. ໃນຊຸມປີທີ່ຜ່ານມາ ວຽກງານການທູດປະຊາຊົນ ໄດ້ມີບາດກ້າວພັດທະນາອັນເຂັ້ມແຂງ, ປະກອບສ່ວນອັນຕັ້ງໜ້າເຂົ້າໃນການຮັກສາ ສະພາບແວດລ້ອມແຫ່ງສັນຕິພາບ, ເປີດກວ້າງສາຍພົວພັນມິດຕິພາບ, ການຮ່ວມມື, ສ້າງເງື່ອນໄຂສະດວກສາກົນ ໃຫ້ແກ່ຂະບວນການປ່ຽນແປງໃໝ່ ແລະ ຍົກສູງ ຈຸດຢືນຂອງຫວຽດນາມ ບົນເວທີສາກົນ.
ການເຊັນສັນຍາ “ໂຄງການປະສານສົມທົບວຽກງານ ລະຫວ່າງ ຄະນະປະຈຳການ-ການຕ່າງປະເທດ ສະພາແຫ່ງຊາດ ແລະ ຄະນະປະຈຳ ຄະນະປະທານ ສະຫະພັນ ອົງການມິດຕະພາບ ຫວຽດນາມ ໄລຍະ 2018-2021”
ຈະຊ່ວຍພັດທະນາກຳລັງແຮງສັງລວມກວ່າເກົ່າ ຂອງວຽກງານການທູດປະຊາຊົນ, ເພີ່ມທະວີການພົວພັນລະຫວ່າງ ບັນດາອົງການ-ການຕ່າງປະເທດ ປະກອບສ່ວນຢ່າງມີປະສິດທິຜົນໃຫ້ແກ່ວຽກງານການຕ່າງປະເທດລວມ ແລະ ການພັດທະນາປະເທດຊາດ, ປົກປັກຮັກສາປະເທດຊາດ ໃນສະພາບການໃໝ່, ປະກອບສ່ວນຈັດຕັ້ງປະຕິບັດໄຊຊະນະ ມະຕິກອງປະຊຸມໃຫຍ່ຂອງພັກ ທົ່ວປະເທດຄັ້ງທີ XII.
 |
ທ່ານ ໂດນຕ໋ວນຟອງ ປາໄສທີ່ກອງປະຊຸມ.(ພາບ: ທຸ່ຍລິງ)
ທ່ານ ໂດນຕ໋ວນຟອງ ຮອງປະທານ ຄະນະຮັບຜິດຊອບ ເລຂາທິການໃຫຍ່ VUFO ໄດ້ໃຫ້ຮູ້ວ່າ: "ການເຊັນສັນຍາຄັ້ງນີ້ຈະເປັນຂີດໝາຍ ບາດກ້າວເລີ່ມຕົ້ນໃໝ່ແກ່ການປະສານສົມທົບອັນແໜ້ນແຟ້ນ ລະຫວ່າງ ສະຫະພັນ ອົງການມິດຕະພາບ ຫວຽດນາມ ແລະ ຄະນກຳມະການ-ການຕ່າງປະເທດສະພາແຫ່ງຊາດ ໃນໄລຍະຕໍ່ໄປ. ພິເສດ ແມ່ນການສຸມໃສ່ເນື້ອໃນຄື: ການແລກປ່ຽນຂໍ້ມູນຂ່າວສານ, ຜົນສຳເລັດຂອງການຄົ້ນຄວ້າຕ່າງໆ, ປະສານສົມທົບຈັດຕັ້ງປະຕິບັດບັນດາການເຄື່ອນໄຫວການຕ່າງປະເທດຢ່າງສອດຂ່ອງ, ປະສານສົມທົບກັບບັນດາກຸ່ມສະພາມິດຕະພາບຂອງສະພາແຫ່ງຊາດ".
ຈາກນັ້ນທັງສອງຝ່າຍ ພິຈາລະນາແລກປ່ຽນ ບັນດາເອກສານ, ຜົນສຳເລັດຂອງການຄົ້ນຄວ້າ ກ່ຽວກັບສະພາບການຂອງໂລກ, ພາກພື້ນ, ວຽກງານຂອງສະພາການຕ່າງປະເທດ ແລະ ການທູດປະຊາຊົນ, ສະເພາະແມ່ນບັນຫາກ່ຽວກັບສັນຕິພາບ ແລະ ຄວາມສະຫງົບໂລກ, ນະໂຍບາຍເຊື່ອມໂຍງສາກົນ, ບັນຫາກ່ຽວກັບການຕ່າງປະເທດຕົວຈິງອື່ນໆ , ການປະສານສົມທົບຮັດແໜ້ນຢ່າງຕໍ່ເນື່ອງລະຫວ່າງ ສະພາການຕ່າງປະເທດ ແລະ ການທູດປະຊາຊົນ ຄື: ປະຊາທິປະໄຕ, ສິດທິມະນຸດ, ປົກປ້ອງສິດຜົນປະໂຫຍດອັນຄົບຖ້ວນຂອງຊາດ.
ຄຽງຄູ່ກັນນັ້ນ ທັງສອງອົງການຍັງເພີ່ມທະວີປະສາສົມທົບ ແລະ ຈັດຕັ້ງປະຕິບັດ ບັນດາໂຄງການ, ການເຄື່ອນໄຫວການຕ່າງປະເທດ ຂອງສະພາແຫ່ງຊາດ ກໍ່ຄືການທູດປະຊາຊົນ; ພິເສດເຊື່ອມຕໍ່ການເຄື່ອນໄຫວຂອງບັນດາກຸ່ມສະພາມິດຕະພາບຂອງສະພາແຫ່ງຊາດ ກັບ ບັນດາອົງການ ມິດຕະພາບຂອງຫວຽດນາມກັບບັນດາປະເທດໃນໂລກ.
（ຫັດທະບູນ）
