 |
ການຕ້ອນຮັບໃນຕອນບ່າຍວັນທີ 17 ພຶດສະພາ
ຕອນບ່າຍວັນທີ 17 ພຶດສະພາ, ທີ່ສຳນັກງານປະທານປະເທດ, ທ່ານປະທານປະເທດ ເຈີ່ນດ້າຍກວາງ ໄດ້ຕ້ອນຮັບທ່ານ Prak Sokhonn, ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນ ກຳປູເຈຍ ເນື່ອງໃນໂອກາດໄປຢ້ຽມຢາມ ຫວຽດນາມ ເຂົ້າຮ່ວມກອງປະຊຸມຄັ້ງທີ 16 ຄະນະກຳມະການປະສົມ ຫວຽດນາມ - ກຳປູເຈຍ ກ່ຽວກັບການຮ່ວມມືເສດຖະກິດ, ວັດທະນະທຳ, ວິທະຍາສາດເຕັກນິກ. ທີ່ການຕ້ອນຮັບ, ຜ່ານທ່ານລັດຖະມົນຕີ Prak Sokhonn, ທ່ານປະທານປະເທດ ເຈີ່ນດ້າຍກວາງ ໄດ້ຝາກຄຳຢື້ຢາມຖາມຂ່າວເຖິງພະບາດສົມເດັດ Norodom Sihamoni, ສະແດງຄວາມປາດຖະໜາຢາກຕ້ອນຮັບພະບາດສົມເດັດ ມາຢ້ຽມຢາມ ຫວຽດນາມ ໃນທ້າຍປີນີ້. ເມື່ອແລກປ່ຽນກ່ຽວກັບບັນດາບັນຫາຮ່ວມມືລະຫວ່າງ 2 ປະເທດ, ທ່ານປະທານປະເທດ ເຈີ່ນດ້າຍກວາງ ຊົມເຊີຍບັນດາຄວາມມານະພະຍາຍາມຂອງອົງການກ່ຽວຂ້ອງຂອງ 2 ປະເທດໃນໄລຍະຜ່ານມາໄດ້ປະຕິບັດສຳເລັດວຽກງານປັກຫຼັກໝາຍຊາຍແດນ.
ສ່ວນທ່ານລັດຖະມົນຕີ Prak Sokhonn ອວຍພອນບັນດາຜົນງານໃຫຍ່ຫຼວງຂອງລັດ ແລະ ປະຊາຊົນ ຫວຽດນາມ ບັນລຸໄດ້ໃນພາລະກິດແຫ່ງການພັດທະນາເສດຖະກິດ - ສັງຄົມ, ສະແດງຄວາມເຊື່ອໝັ້ນວ່າ ຫວຽດນາມ ຈະປະຕິບັດສຳເລັດຄາດໝາຍຫັນປະເທດຊາດເປັນປະເທດອຸດສາຫະກຳ, ທັນສະໄໝໃນປີ 2030.
（ແຫຼ່ງຂໍ້ມູນ： vov5）
