| ຟື້ນຟູ, ອະນຸລັກ ແລະເສີມຂະຫຍາຍວັດທະນະທຳທີ່ບໍ່ເປັນວັດຖຸຂອງບັນດາຊົນເຜົ່າສ່ວນໜ້ອຍທີ່ມີຄວາມສ່ຽງຕໍ່ການຄ່ອຍໆເສື່ອມເສຍໄປ | |
| ເສີມຂະຫຍາຍນໍ້າໃຈອາສາສະໝັກ, ປະຈັນບານຂອງ ປັນຍາຊົນວິທະຍາສາດໜຸ່ມຢູ່ເຂດຫ່າງໄກຊອກຫຼີກ |
ເຂົ້າຮ່ວມພິທີສະເຫຼີມສະຫຼອງມີຜູ້ແທນ 360 ທ່ານ, ໃນນັ້ນມີການນຳຂອງບັນດາພະແນກ, ຄະນະ, ຂະແໜງການ, ກົມກອງຢູ່ທ້ອງຖິ່ນ; ສະມາຊິກສະມາຄົມມິດຕະພາບຂອງ ຫວຽດນາມ ກັບໄທ, ລາວ, ກຳປູເຈຍ, ຣັດເຊຍ, ຢູ່ແຂວງກວາງບິ່ງ, ເງ້ອານ, ຮ່າຕິ້ງ; ສະມາຄົມ ໄທ - ຫວຽດນາມ ແຂວງ ນະຄອນພະນົມ ແລະ ສະມາຄົມຄົນໄທເຊື້ອສາຍຫວຽດນາມ ແຂວງສະກົນນະຄອນ.
 |
| ລາຍການສະແດງທີ່ໄດ້ດໍາເນີນຢູ່ໃນພິທີ. (ພາບ: ປະຕູຖານຂໍ້ມູນເອເລັກໂຕນິກແຂວງກວາງບິ່ງ) |
ທ່ານ ດິງຫວຽດເຮີ້ຍ ປະທານສະມາຄົມມິດຕະພາບ ຫວຽດນາມ - ໄທ ແຂວງກວາງບິ່ງ ໄດ້ປະກອບຄຳເຫັນໃນພິທີວ່າ: ການສ້າງຕັ້ງສາຍພົວພັນທາງການທູດລະຫວ່າງ ຫວຽດນາມ - ໄທ ຫ່າງຈາກນນີ້ 48 ປີໄດ້ເປີດປະຕູສູ່ໄລຍະໃໝ່ໃນການພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ 2 ປະເທດ, ໂດຍສະເພາະແມ່ນໃນຂົງເຂດການເມືອງ - ການທູດ, ການຄ້າ - ການລົງທຶນ, ການທ່ອງທ່ຽວ ແລະ ວັດທະນະທຳ - ສັງຄົມ.
ໂດຍເຫັນໄດ້ເຖິງຄວາມສຳຄັນຂອງການແລກປ່ຽນປະຊາຊົນທີ່ວາງເທົ່າທຽມກັນກັບວຽກງານການຕ່າງປະເທດຂອງພັກ ແລະ ການທູດແຫ່ງລັດ, ສະມາຄົມມິດຕະພາບ ຫວຽດນາມ - ໄທ ແຂວງ ກວາງບິ່ງ ໄດ້ດຳເນີນບັນດາການເຄື່ອນໄຫວມິດຕະພາບຂອງສະມາຄົມໃນ 2 ອາຍຸການຜ່ານມາໄດ້ມີຫຼາຍຄວາມໝາຍທີ່ເລິກເຊິ່ງ, ແທດຈິງ ແລະ ແຜ່ກະຈາຍ.
“ສັນຕິພາບ-ຄວາມສາມັກຄີ-ມິດຕະພາບການຮ່ວມມືຮອບດ້ານ” ແມ່ນການເຄື່ອນໄຫວຈຸດສຸມ ແລະ ເປັນປົກກະຕິຂອງສະມາຄົມ. ແຕ່ລະປີ, ໃນໂອກາດວັນບຸນສຳຄັນຂອງ 2 ປະເທດ ຫວຽດນາມ - ໄທ, ສະມາຄົມໄດ້ຈັດຕັ້ງການພົບປະ, ແລກປ່ຽນໃນໂອກາດບຸນປີໃໝ່ປະຈຳຊາດຂອງໄທ (ບຸນສົງການ); ພົບປະກັບສະມາຄົມຄົນຫວຽດນາມ ຢູ່ 2 ແຂວງ ນະຄອນພະນົມ ແລະ ສະກົນນະຄອນ ຂອງລາຊະອານາຈັກໄທ ໂດຍມີການເຂົ້າຮ່ວມຂອງ 9 ແຂວງພາກກາງເໜືອ ເຊິ່ງມີສະມາຊິກ 500 ຄົນ.
ສະມາຄົມມິດຕະພາບ ຫວຽດນາມ - ໄທ ແຂວງກວາງບິ່ງ ກໍ່ແມ່ນຂົວຕໍ່, ລະດົມຊາວຫວຽດນາມ ທີ່ອາໄສຢູ່ຕ່າງປະເທດມຸ່ງໄປເຖິງການສ້າງສາບ້ານເກີດເມືອງນອນ, ປະເທດຊາດ, ໂດຍສະເພາະແມ່ນພໍ່ແມ່ປະຊາຊົນຫວຽດນາມ ແລະ ລູກຫຼານທີ່ດຳລົງຊີວິດ, ຮໍ່າຮຽນ ແລະ ເຮັດວຽກຢູ່ໄທ.
 |
| ທ່ານ ດິງຫວຽດເຮີ້ຍ, ປະທານສະມາຄົມມິດຕະພາບ ຫວຽດນາມ - ໄທ ແຂວງກວາງບິ່ງ. (ຮູບພາບ: ປະຕູຖານຂໍ້ມູນເອເລັກໂຕນິກແຂວງກວາງບິ່ງ) |
ທ່ານ ດິງຫວຽດເຮີ້ຍ ກ່າວວ່າ: ໃນໄລຍະຈະມາເຖິງນີ້ ສະມາຄົມຈະສືບຕໍ່ຮັກສາ ແລະ ພັດທະນາບັນດາການເຄື່ອນໄຫວໃຫ້ນັບມື້ນັບເລິກເຊິ່ງກວ້າງຂວາງ, ມີຄວາມໝາຍເພື່ອແນໃສ່ການເຊື່ອມໂຍງປະຊາຊົນຂອງ 2 ປະເທດ ຫວຽດນາມ - ໄທ. ທ່ານຫວັງວ່າ ປະຊາຄົມຄົນຫວຽດນາມຢູ່ໄທ, ຊາວໄທເຊື້ອສາຍຫວຽດນາມ ຍາມໃດກໍ່ມີນ້ຳໃຈມຸ່ງໄປເຖິງບ້ານເກີດເມືອງນອນ, ປະກອບສ່ວນສ້າງສາ, ປົກປັກຮັກສາປະເທດຊາດ ແລະ ເຂົ້າຮ່ວມໃນພາລະກິດແຫ່ງປ່ຽນແປງໃໝ່ຂອງປະເທດຊາດ.
ທອງມີ ສີຫາວົງ
