ແຜ່ກະຈາຍສິ່ງຍອດຍິ່ງມວຍ ຫວຽດນາມ

ຍສໝ - ນະຄອນ ໂຮ່ຈີມິນ ແມ່ນ "ຖິ່ນກຳເນີດ" ຂອງ Vovinam ຫວຽດນາມ ແລະ ສະຖານທີ່ແຫ່ງນີ້ ຍັງເປັນຈຸດໝາຍປາຍທາງຂອງຜູ້ທີ່ນິຍົມ Vovinam, ນັກກີລາ, ຄູຝຶກມາຈາກຫຼາຍປະເທດທົ່ວໂລກ ມາແຂ່ງຂັນ Vovinam World Championship ຄັ້ງທີ 7 ປີ 2023 (ໃນລະຫວ່າງວັນທີ 24 – 30 ພະຈິກ). ນີ້ ໄດ້ຮັບຖືວ່າແມ່ນ “ວັນບຸນ" Vovinam ໂລກ, ເຊິ່ງສິ່ງຍອດຍິ່ງມວຍ ຫວຽດນາມ ແລະ ຈິດໃຈມວຍ ຫວຽດນາມ ໄດ້ແຜ່ກະຈາຍ, ໂຄສະນາເຖິງເພື່ອນມິດສາກົນທັງໃກ້ ແລະ ໄກ.

	ນັກມວຍ ເລຮຶວຕວານ ຊະນະເລີດ WBA Asia ລະດັບ minimum
	ນັກມວຍ ຮວ່າງທິໝີ້ເຕິມ ຍາດໄດ້ຫຼຽນຄໍາ ຄາຣາເຕ ອາຊີ

ທູດວັດທະນະທຳ

ນີ້ແມ່ນຄັ້ງທີ 2 ທີ່ງານແຂ່ງຂັນ Vovinam World Championship ໄດ້ຈັດຂຶ້ນຢູ່ ຫວຽດນາມ ພາຍຫຼັງຄັ້ງທຳອິດໃນປີ 2011. ການແຂ່ງຂັນປີນີ້ມີຄວາມພິເສດຫຼາຍຍ້ອນໄດ້ຢັ້ງຢືນການເຂົ້າຮ່ວມຂອງປະເທດ ແລະ ສະມາຊິກຫຼາຍທີ່ສຸດໃນປະຫວັດສາດ ໂດຍມີເຈົ້າໜ້າທີ່, ກຳມະການ, ຄູເຝິກ, ນັກກິລາ 650 ຄົນທີ່ມາຈາກ 35 ປະເທດ ທີ່ມີຂະບວນການ Vovinam ພັດທະນາຢູ່ 4 ທະວີບຄື: ອາຊີ, ເອີລົບ, ອາຟຣິກາ ແລະ ອົດສະຕາລີ. ເພື່ອຊ່ວຍໃຫ້ງານແຂ່ງຂັນນັບມື້ນັບມີຄວາມພິເສດ ແລະ ໄດ້ຄະແນນໃນສາຍຕາຂອງເພື່ອນມິດສາກົນ, ປະເທດເຈົ້າພາບໄດ້ຈັດອາຫານ, ທີ່ພັກ, ແລະ ການໂດຍສານພາຍໃນໃຫ້ຄະນະຜູ້ແທນທີ່ເຂົ້າຮ່ວມໂດຍບໍ່ເສຍຄ່າ. ຍິ່ງໄປກວ່ານັ້ນ, ປະເທດເຈົ້າພາບຍັງໄດ້ ແລະ ສືບຕໍ່ມານະພະຍາຍາມຈັດຕັ້ງງານຄັ້ງນີ້ໃຫ້ສຳເລັດຜົນ ເພື່ອສ້າງຄວາມປະທັບໃຈໃຫ້ແກ່ເພື່ອນມິດສາກົນ, ຜ່ານນັ້ນ ກໍ່ແນະນຳວັດທະນະທຳ, ຮູບພາບ, ປະເທດຊາດ ແລະ ປະຊາຊົນ ຫວຽດນາມ ຜ່ານມວຍ Vovinam - ມວຍຫວຽດ.

Vovinam 85 ປີແຫ່ງການສ້າງຕັ້ງ ແລະ ພັດທະນາ ແລະ ອະນາຄົດຈະໄປກວ່າອີກ.

ໃນຊຸມມື້ທີ່ນັກຮຽນມວຍ Vovinam ໃນທົ່ວໂລກມີໂອກາດກັບຄືນບ່ອນກຳເນີດ - ປະເທດຫວຽດນາມ, ນີ້ກໍ່ແມ່ນກາລະໂອກາດ“ຄຳ” ເພື່ອໃຫ້ Vovinam ຢືນຢັນບັນດາບາດກ້າວພັດທະນາຢ່າງແຮງ ແລະ ເຊື່ອມໂຍງເຂົ້າກັບຄອບຄົວໃຫຍ່ກິລາສາກົນ. Vovinam ໄດ້ເປັນທູດ, ເປັນພາຫະນະການທູດວັດທະນະທຳຂອງ ຫວຽດນາມ ຢ່າງມີປະສິດທິຜົນ ເພື່ອແນໃສ່ໂຄສະນາວັດທະນະທຳ, ຮູບພາບປະຊາຊົນ, ປະເທດຮູບຕົວອັກສອນ S ທີ່ເຕັມໄປດ້ວຍຄວາມເປັນເອກະລັກສະເພາະຂອງຊາດໄປເຖິງເພື່ອນມິດສາກົນ ຜ່ານບັນດາງານບຸນ, ບັນດາເຫດການການເມືອງ - ວັດທະນະທຳ - ສັງຄົມ ທີ່ໄດ້ຈັດຂຶ້ນຢູ່ ຫວຽດນາມ ແລະ ສາກົນ, ແມ່ນຄວາມພາກພູມໃຈອັນໃຫຍ່ຫຼວງຂອງຊາວ ຫວຽດນາມ ເວົ້າສະເພາະ ແລະ ຂອງບັນດາຜູ້ນິຍົມກິລາມວຍໃນທົ່ວໂລກ ເວົ້າລວມ. ຜ່ານນັ້ນກໍ່ຢືນຢັນລະດັບ ແລະ ຄວາມສາມາດຂອງການຈັດຕັ້ງ ແລະ ດຳເນີນງານມະຫະກຳກິລາຂະໜາດໃຫຍ່ ແລະ Vovinam ຫວຽດນາມ.

ກ່າວຄຳປາໄສທີ່ພິທີຕ້ອນຮັບຄະນະຜູ້ແທນທີ່ເຂົ້າຮ່ວມງານ, ທ່ານປະທານຄະນະກຳມະການປະຊາຊົນນະຄອນ ໂຮ່ຈິມິນ ຟ່ານວັນໝ໊າຍ, ຢືນຢັນວ່າ: “ເຫດການນີ້ໄດ້ຕ້ອນຮັບເພື່ອນມິດສາກົນມາເຕົ້າໂຮມກັນຢູ່ທີ່ນີ້ບໍ່ພຽງແຕ່ເພື່ອແຂ່ງຂັນເທົ່ານັ້ນ, ຫາກຍັງແມ່ນໂອກາດເພື່ອຮໍ່າຮຽນ ແລະ ແບ່ງປັນນຳກັນ, ເພື່ອເຂົ້າໃຈເຊິ່ງກັນ ແລະ ກັນກ່ຽວກັບດິນແດນ ແລະ ປະຊາຊົນບ້ານເກີດເມືອງນອນຂອງມວຍຫວຽດ, ເພື່ອເຮັດໃຫ້ຈິດໃຈຮັກມັກມວຍ - ຈິດໃຈ ມວຍຫວຽດ, ເພື່ອໃຫ້ພວກເຮົາຮັກແພງ, ອະນຸລັກຮັກສາ ແລະ ພັດທະນາຍິ່ງກວ່າອີກໃນທົ່ວໂລກ. ນັບແຕ່ເຫດການເປັນເຈົ້າພາບ ຄັ້ງຫຼ້າສຸດໃນປີ 2011, ນະຄອນ ໂຮ່ຈິມິນ ເວົ້າລວມ ແລະ ກິລານະຄອນ ໄດ້ມີການປ່ຽນແປງຫຼາຍຢ່າງ, ພິເສດແມ່ນພວກຂ້າພະເຈົ້າເຫັນໄດ້ເຖິງການພັດທະນາຢ່າງເຂັ້ມແຂງຂອງ Vovinam ຢູ່ກວ່າ 70 ປະເທດ ແລະ ເຂດແຄວ້ນ. Vovinam ໄດ້ ແລະ ພວມເປັນທູດວັດທະນະທຳທີ່ເຊື່ອມໂຍງເຂົ້າກັບສາກົນບົນຈິດໃຈຮັກມັກມວຍ, ຈິດໃຈມວຍຫວຽດຢ.

ບາດກ້າວປະຫວັດສາດ

ປີ 2023 ໄດ້ຮັບຖືວ່າແມ່ນປີທີ່ພິເສດສຳລັບ Vovinam ຫວຽດນາມ. ກ່ອນຈັດຕັ້ງການແຂ່ງຂັນໂລກ, Vovinam ໄດ້ຈັດພິທີສະເຫຼີມສະຫຼອງ 111 ປີແຫ່ງວັນຄ້າຍວັນເກີດຂອງຜູ້ກໍ່ຕັ້ງ ຫງວຽນລົກ, ຄົບຮອບ 85 ປີແຫ່ງວັນສ້າງຕັ້ງມວຍຫວຽດ ແລະ ຊົມເຊີຍກອງປະຊຸມໃຫຍ່ຜູ້ແທນສະຫະພັນ WVVF World Vovinam ຄັ້ງທີ 3 (2023-2027) ເຊິ່ງໄດ້ປະສົບຜົນສຳເລັດຢ່າງຈົບງາມ. ເຫດການພິເສດອີກ ແມ່ນ Vovinam - ມວຍຫວຽດ ໄດ້ຮັບການຮັບຮອງແມ່ນມໍລະດົກວັດທະນະທຳບໍ່ເປນວັດຖຸແຫ່ງຊາດ. ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ ທີ່ລົງນາມເມື່ອວັນທີ 10 ພະຈິກ 2023, Vovinam - ມວຍຫວຽດ ໄດ້ຖືກຈັດເຂົ້າໃນບັນຊີລາຍຊື່ມໍລະດົກວັດທະນະທຳບໍ່ເປນວັດຖຸແຫ່ງຊາດ (ປະເພດສິລະປະພື້ນເມືອງ,ພູມປັນຍາພື້ນເມືອງ). ນີ້ແມ່ນໝາກຜົນແຫ່ງຄວາມມານະພະຍາຍາມຂອງນັກຮຽນມວຍ Vovinam ຫຼາຍລຸ້ນຄົນໃນຕະຫຼອດ 85 ປີແຫ່ງການສ້າງສາ ແລະ ພັດທະນາ, ທັງແມ່ນບາດກ້າວປະຫວັດສາດເພື່ອເຮັດໃຫ້ Vovinam ເປັນມໍລະດົກວັດທະນະທຳບໍ່ເປນວັດຖຸຂອງໂລກ.

ທ່ານ ປອ ມາຍຫິວຕິ໋ນ , ປະທານສະຫະພັນ Vovinam ໂລກ, ປະທານສະຫະພັນ Vovinam ຫວຽດນາມ ໃຫ້ຮູ້ວ່າ: “Vovinam ພວມປະຕິບັດຢູ່ 70 ປະເທດ ແລະ ເຂດແຄວ້ນໃນ 5 ທະວີບ, ດ້ວຍນັກຮຽນນັບລ້ານຄົນ. ໃນນັ້ນ, ຫຼາຍປະເທດມີການເຄື່ອນໄຫວຢ່າງແຮງ ແລະ ສາມາດແກ່ງແຍ້ງກັບ ຫວຽດນາມ ໄດ້ຢ່າງສິ້ນເຊີງຄື: ອານເຊຣີ, ກຳປູເຈຍ... ການແຂ່ງຂັນ Vovinam ໂລກ, ແຊ້ມປ້ຽນ ເອີຣົບ, ແຊ້ມປ້ຽນ ອາຊີ, ແຊ້ມປ້ຽນ ອາຊີຕາເວັນອອກສ່ຽງໃຕ້ ກໍໄດ້ຈັດຂຶ້ນປະຈໍາປີ. ການຮັບຮູ້ Vovinam ເປັນມໍລະດົກວັດທະນະທຳບໍ່ເປນວັດຖຸແຫ່ງຊາດແມ່ນໝາກຜົນຂອງຫຼາຍລຸ້ນຄົນໃນໄລຍະ 85 ປີແຫ່ງການສ້າງສາ ແລະ ພັດທະນາຂອງນັກກິລາ. ນີ້ແມ່ນບາດກ້າວເດີນທີ່ຕ້ອງມີເພື່ອມຸ່ງໄປສູ່ການນຳ Vovinam ໃຫ້ກາຍເປັນມໍລະດົກວັດທະນະທຳບໍ່ເປັນວັດຖຸຂອງໂລກ.

ພາຍຫຼັງ 85 ປີແຫ່ງການສ້າງຕັ້ງ ແລະ ພັດທະນາ, Vovinam ໄດ້ມີການປະກອບສ່ວນອັນໃຫຍ່ຫຼວງເຂົ້າໃນພື້ນຖານການຕີມວຍຂອງ ຫວຽດນາມ ແລະ ໃນໂລກ. ດ້ວຍລະບົບເຕັກນິກທີ່ມີລັກສະນະຊາດ, ມີວິທະຍາສາດ, ແທດຈິງ, ມີຫົວຄິດປະດິດສ້າງ ພ້ອມກັບປັດຊະຍາຂອງຊີວິດມະນຸດທີ່ຮັກມັກມວຍ, Vovinam ໄດ້ປະກອບສ່ວນແນະນຳວັດທະນະທຳ, ປະເທດຊາດ ແລະ ປະຊາຊົນ ຫວຽດນາມ ສູ່ປະຊາຄົມສາກົນ. Vovinam ໄດ້ປະກອບສ່ວນສ້າງມະນຸດທີ່ຮອບດ້ານ, ປູກຝັງໃຫ້ແກ່ຊີວິດທີ່ດີງາມກວ່າ, ຝຶກຝົນກາຍຂະໜານກັບການປູກຝັງຈິດໃຈໃຫ້ກາຍເປັນຄົນມີນ້ຳໃຈ, ມີພະລັງ, ມີຄວາມອົດທົນ, ມີຄຸນນະພາບ, ດຳລົງຊີວິດເພື່ອທຸກຄົນ,ພາລະນາຂໍຄວາມຜາສຸກໃຫ້ຄອບຄົວ ແລະ ສັງຄົມ.

ຫວ່າງມໍ່ໆມານີ້, Vovinam ແມ່ນມີຢູ່ໃນຫຼາຍກວ່າ 70 ປະເທດ ແລະ ເຂດແຄ້ວນ. ບາງອົງການຈັດຕັ້ງ Vovinam ຂອງທະວີບ ແລະ ພາກພື້ນ ໄດ້ຮັບການສ້າງຕັ້ງຂຶ້ນໃນອາຊີ, ເອີຣົບ, ອາຟຣິກາ, ອາຊີຕາເວັນອອກສຽງໃຕ້, ອາຊີໃຕ້ ແລະ ກຸ່ມ ອາລັບ. ການແຂ່ງຂັນຊິງແຊ້ມໂລກ ແລະ ການແຂ່ງຂັນຊິງແຊ້ມ, ຂັນທະວີບ, ພາກພື້ນ ແລະ ແຫ່ງຊາດ ໄດ້ຈັດຂຶ້ນເປັນປະຈຳໄລຍະ ໂດຍມີການປະກອບເຫື່ອແຮງຄວາມພະຍາຍາມຫຼາຍຢ່າງຈາກຜູ້ຮຽນມວຍຫວຽດທີ່ເປັນຊາວຕ່າງປະເທດ. ຢູ່ ຫວຽດນາມ, ສະຫະພັນ Vovinam ພວມຢູ່ໃນຍຸດທະສາດການຮັກສາ, ປ້ອງກັນ ແລະ ພັດທະນາ Vovinam ທັງພາຍໃນ ແລະ ຕ່າງປະເທດ. ສະຫະພັນຈະພັດທະນາ Vovinam ຢູ່ທັງ 63 ແຂວງ, ນະຄອນ ແລະ ເພີ່ມທະວີການເຄື່ອນໄຫວ Vovinam ຢູ່ບັນດາໂຮງຮຽນພ້ອມທັງຍົກສູງຈຳນວນ ແລະ ຄຸນນະພາບຂອງນັກຮຽນມວຍ.

ມິງດຶກ