 |
ຜັນຂະຫຍາຍຈິດໃຈປະຊາຄົມອາຊຽນ (ພາບປະກອບ)
ກຳນົດບັນດາຄຸນຄ່າລວມ, ບັນດາມາດຕະຖານລວມຂອງປະຊາຄົມ, ສ້າງສີສັນລວມອາຊຽນ ຊຶ່ງ 10 ປະເທດສະມາຊິກອາຊຽນພວມພະຍາຍາມສ້າງສາ, ແນໃສ່ສ້າງຄວາມຜູກພັນທີ່ ຍາວນານ ລະຫວ່າງ ປະຊາຊົນ ບັນດາປະເທດສະມາຊິກ. ທຸງອາຊຽນ, ດ້ວຍສັນຍາ ລັກ “ຕົ້ນເຂົ້າສຸກເຫຼືອງ 10 ຕົ້ນ ມັດລວມກັນໄວ້”, ເປັນສັນຍາ ລັກໃຫ້ແກ່ສັນຕິພາບ, ຄວາມ ສາມັກຄີແລະ ຂະຫຍັນຂັນ ເຄື່ອນຂອງອາຊຽນ. ໃນຫຼາຍປີມານີ້, ພາບ ພົດພິທີເຊີນທຸງ ອາຊຽນ ຂຶ້ນ ຄຽງຂ້າງທຸງຊາດຂອງປະເທດ ຕົນ ກໍ່ບໍ່ແມ່ນສິ່ງທີ່ໃໝ່ອ່ຽມ ສຳລັບປະຊາຊົນບັນດາປະເທດ ສະມາຊິກອາຊຽນແຕ່ລະຊາດ.
ການເຄື່ອນໄຫວປະຈຳ ປີ, ໄດ້ດຳເນີນໃນວັນທີ8 ສິງ ຫາ, ວັນສ້າງຕັ້ງສະມາຄົມ ປະ ຊາຊາດອາຊີຕາເວັນອອກ ສ່ຽງໃຕ້(ອາຊຽນ) ຢູ່ບັນດາ ປະເທດອາຊຽນ. ທຸງ ອາຊຽນ, ດ້ວຍສັນຍາລັກ “ຕົ້ນເຂົ້າສຸກ ເຫຼືອງ 10 ຕົ້ນ ມັດລວມກັນ ໄວ້”, ເປັນສັນຍາລັກໃຫ້ແກ່ ສັນຕິພາບ, ຄວາມສາມັກຄີ ແລະ ຂະຫຍັນຂັນເຄື່ອນຂອງ ອາຊຽນ, ທຸງ ອາຊຽນ ໄດ້ຊັກ ຂຶ້ນສູ່ຍອດເສົາ ດ້ວຍບົດເພງ ອາຊຽນ ການເຄື່ອນໄຫວນີ້ ນອກຈາກຄວາມໝາຍເພີ່ມ ທະວີຄວາມສາມັກຄີລະຫວ່າງ ບັນດາປະເທດອາຊຽນແລ້ວ, ຍັງສະແດງໃຫ້ເຫັນຄຳໝັ້ນ ສັນຍາຂອງບັນດາປະເທດອາ ຊຽນ, ໃນການຜັນຂະຫຍາຍ ວິໄສທັດປະຊາຄົມອາຊຽນ 2025 ເຊື່ອມໂຍງເຂົ້າກັບສາ ກົນ, ສັນຕິພາບ ແລະ ສະຖຽນ ລະພາບ. ນອກຈາກບັນດາ ການເຄື່ອນໄຫວສະເຫຼີມສະ ຫຼອງວັນສ້າງຕັ້ງ (8/8) ໃນແຕ່ ລະປີແລ້ວ,ໃນຫຼາຍປີມານີ້,ລັດ ຖະບານ ແລະ ບັນດາອົງການ ທູຕານຸທູດຂອງບັນດາປະເທດ ສະມາຊິກອາຊຽນ ຍັງຈັດຕັ້ງ ບັນດາການເຄື່ອນໄຫວເພີ່ມ ທະວີການແລກປ່ຽນ,ໂຄສະນາ ຊ່ວຍໃຫ້ປະຊາຊົນມີຄວາມ ເຂົ້າໃຈກ່ຽວກັບປະຊາຄົມອາ ຊຽນ ຫຼາຍກວ່າເກົ່າ.
ໃນລະດັບປະຊ າຄົມ, ບັນດາປະເທດອາຊຽນໄດ້ເຫັນ ດີເປັນເອກະພາບເຄື່ອນໄຫວ ເຊີດຊູຜູ້ລິເລີ່ມສ້າງຕັ້ງອາຊຽນ, ເຊີດຊູບັນດາວິສາຫະກິດໜຸ່ມ ທີ່ມີການປະກອບສ່ວນໃຫ້ແກ່ ສັງຄົມ, ເຊີດຊູບັນດາບຸກຄົນ ທີ່ມີຜົນງານໃນການອະນຸລັກ ຮັກສາຊີວະນາໆພັນ. ໃນລະ ດັບຊາດ, ບັນດາປະເທດລ້ວນ ແຕ່ມີແຜນການຈັດຕັ້ງພິທີສະ ເຫຼີມສະຫຼອງສະເພາະ, ສ້າງ ເງື່ອນໄຂເພື່ອໃຫ້ປະຊາຊົນ ຊອກຮູ້ເພື່ອຍົກສູງສະຕິຄວາມ ຮັບຮູ້ກ່ຽວກັບ ອາຊຽນ. ຕາມແຫຼ່ງຂ່າວຈາກວິທະ ຍຸກະຈາຍສຽງຫວຽດນາມ,ກອງ ປະຊຸມສຳມະນາຊຶ່ງຖືກຈັດຕັ້ງ ຢູ່ນະຄອນຫຼວງຮ່າໂນ້ຍ ສສ ຫວຽດນາມ ໃນມໍ່ໆມານີ້, ທ່ານ ເລເລືອງມິງອະດີດເລຂາທິການ ໃຫຍ່ ອາຊຽນ ໄດ້ເນັ້ນໜັກເຖິງ ການເພີ່ມທະວີສະຕິຄວາມຮັບ ຮູ້ຂອງປະຊາຊົນກ່ຽວກັບປະຊາ ຄົມ ອາຊຽນ ແມ່ນໜ້າທີ່ສຳຄັນ ໃນປັດຈຸບັນ.ປະຊາຄົມອາຊຽນ ປະສົບຜົນສຳເລັດ ແມ່ນປະຊາ ຄົມນຳເອົາຜົນປະໂຫຍດອັນ ແທ້ຈິງໃຫ້ແກ່ປະຊາຊົນ.
ຢາກເຮັດໄດ້ຄືແນວນັ້ນ, ກ່ອນອື່ນໝົດ, ປະຊາຊົນຕ້ອງມີຄວາມເຂົ້າໃຈແຈ້ງກ່ຽວກັບປະຊາຄົມນັ້ນ. ທ່ານເລເລືອງມິງກ່າວຕື່ມວ່າ: ແຕ່ລະປະເທດສະມາຊິກອາຊຽນມີລະບອບການເມືອງແຕກຕ່າງກັນ, ລະດັບການ ພັດທະນາເສດຖະກິດແຕກຕ່າງ ກັນ, ແຕ່ກ່ຽວກັບພື້ນຖານພວກເຮົາແມ່ນກຸ່ມກ້ອນສັງລວມ. ສະນັ້ນ, ພວກເຮົາຄວນສ້າງ ສີສັນສະເພາະອາຊຽນ ແລະ ປະເທດສະມາຊິກທັງໝົດຕ້ອງ ພ້ອມກັນມີຄວາມຮັບຜິດຊອບ ປະກອບສ່ວນເຂົ້າໃນອາຊຽນ. ທ່ານ ເລເລືອງມິງ ກ່າວຢໍ້າວ່າ: ພວກເຮົາບໍ່ຄວນຄິດ ວ່າຕົນເອງແມ່ນພົນລະເມືອງ ຂອງປະເທດໃດໜຶ່ງ ຫຼືຂອງ ແຂວງ, ນະຄອນໃດໜຶ່ງຄືເມື່ອກ່ອນ, ພວກເຮົາຈົ່ງຄິດວ່າ; ຕົນ ເອງເປັນພົນລະເມືອງອາຊຽນ. ບົນຈິດໃຈນັ້ນ, ປັດຈຸບັນຫຼາຍປະເທດອາຊຽນພວມຜັນຂະຫຍາຍບັນດາມາດຕະການເພື່ອ ສ້າງທັກສະ, ຄວາມຮູ້ໃຫ້ແກ່ ປະຊາຊົນກ່ຽວກັບປະຊາຄົມອາ ຊຽນ ເພື່ອໃຫ້ເຂົາເຈົ້າມີຄວາມ ເຂົ້າໃຈແຈ້ງກ່ຽວກັບປະຊາຄົມຂອງເຂົາເຈົ້າ ແຕ່ຫາກບໍ່ແມ່ນ ຂອງຜູ້ໃດຜູ້ໜຶ່ງເທົ່ານັ້ນ.
 |
ພາບປະກອບ
ບັນດາລາຍການພົບປະແລກປ່ຽນຊາວໜຸ່ມ, ນັກສຶກສາອາຊຽນ, ການແຂ່ງຂັນສີມືອາຊຽນ, ງານ ມະໂຫລານສຽງເພງອາຊຽນ, ງານວາງສະແດງຮູບຖ່າຍ, ບັນດາການສອບເສັງຊອກຮູ້ ກ່ຽວກັບວັດທະນະທຳອາຊຽນ, ໄດ້ປະກອບສ່ວນໂດຍກົງເຂົ້າ ໃນການເພີ່ມທະວີສະຕິຄວາມ ຮັບຮູ້ຂອງປະຊາຊົນອາຊຽນ ແຕ່ລະຄົນກ່ຽວກັບປະຊາຄົມ. ປັດຈຸບັນ, ອາຊຽນ ແມ່ນ ຕະຫຼາດໃຫຍ່ ທີ່ມີປະຊາກອນ ຫຼາຍກວ່າ 630 ລ້ານຄົນ, ປະ ກອບດ້ວຍບັນດາປັດໄຈສໍາຄັນ ຄື: ຊັບພະຍາກອນທຳມະ ຊາດ, ເຕັກໂນໂລຊີເພື່ອຫັນ ອາຊຽນ ກາຍເປັນກຸ່ມກ້ອນ ເອກະພາບພັດທະນາຢ່າງແຮງ. ໄວໜຸ່ມແມ່ນອະນາຄົດຂອງອາຊຽນ ແລະ ແມ່ນບຸກຄົນ ຕັດສິນຊາຕາກຳຂອງປະຊາ ຄົມ. ເພື່ອຍາດແຍ່ງໄດ້ບັນດາ ກາລະໂອກາດ ຊຶ່ງປະຊາຄົມ ນຳມາໃຫ້ນັ້ນ, ປັດຈຸບັນ ບັນດາ ປະຊາກອນໜຸ່ມອາຊຽນ ພວມ ຕັ້ງໜ້າປ່ຽນແປງຄວາມນຶກຄິດ ຂອງຕົນເຊັ່ນ: ປັບປຸງຄວາມຮູ້, ສ້າງສະມັດຖະພາບແຮງງານ ແລະ ທັກສະການເຊື່ອມໂຍງ ເຂົ້າກັບສາກົນທີ່ຈຳເປັນຕ່າງໆ. ບັນດາປະຊາກອນໜຸ່ມອາຊຽນ ພວມມີການປ່ຽນແປງກ່ຽວກັບ ຄວາມນຶກຄິດ.
ເຂົາເຈົ້າບໍ່ພຽງ ແຕ່ນຶກຄິດເຖິງການພັດທະນາ ໃນຂອບເຂດຂອງປະເທດເຂົາ ເຈົ້າເທົ່ານັ້ນ ແຕ່ຫາກຍັງແມ່ນ ຂອງປະຊາຄົມອັນກ້ວາງໃຫຍ່ ອາຊຽນ ອີກດ້ວຍ, ມີລັກສະນະ ເຊື່ອມຕໍ່ຫຼາຍກວ່າ. ທ່ານ ນາງ ຫງວຽນທິ ມິງ ເຫວ້, ໄວໜຸ່ມ ຫວຽດນາມ ກ່າວວ່າ: ປັດຈຸບັນ ອາຊຽນ ມີທ່າແຮງແມ່ນປະຊາກອນ ໜຸ່ມ, ເພື່ອນໜຸ່ມຫຼາຍຄົນໄດ້ມີ ໂອກາດນຳໃຊ້ບັນດາເຕັກໂນໂລຊີ ແລະ ຄວາມຮູ້ໃໝ່ໆ, ມີຄວາມຂະຫຍັນຂັນເຄື່ອນທີ່ສຸດ ແລະເອົາໃຈໃສ່ເຖິງນະໂຍບາຍ ຫຼາຍກ່ວາ.ນະໂຍບາຍໄດ້ສວມ ບົດບາດສຳຄັນທີ່ສຸດເຖິງອາຊຽນ ເວົ້າລວມ ແລະ ແຕ່ລະ ປະເທດອາຊຽນ ເວົ້າສະເພາະ. ຊຸກຍູ້ການເຊື່ອມໂຍງເຂົ້າກັບເສດຖະກິດຢ່າງເລິກເຊິ່ງ ກ່ວາແມ່ນຂອດຕົ້ນຕໍໃນຍຸດ ທະສາດຂອງອາຊຽນກ້າວໄປ ເຖິງບົດບາດທົ່ວໂລກ.
ເຖິງຢ່າງໃດກໍ່ຕາມ, ທຸກເປົ້າໝາຍຂອງອາຊຽນຈະປະສົບຜົນສຳ ເລັດຖ້າຫາກເພື່ອຮັບໃຊ້ມະນຸດ. ເມື່ອຄວາມຮັບຮູ້ກ່ຽວກັບ ປະຊາຄົມ ອາຊຽນ ຂອງປະຊາ ຊົນໄດ້ຍົກລະດັບຂຶ້ນ, ປະຊາຊົນ ຈະກາຍ ເປັນສ່ວນໜຶ່ ງ ຂອງ ຂະບວນວິວັດການອອກ ນະໂຍບາຍ, ກໍ່ຄືຊ່ວຍເຂົາເຈົ້າ ໄດ້ຊົມໃຊ້ບັນດາຜົນປະໂຫຍດ ຊຶ່ງປະຊາຄົມນຳມາ, ຈາກນັ້ນ ຈຶ່ງກາຍເປັນປັດໄຈຕົ້ນຕໍ່ໃນຂະບວນວິວັດການສ້າງສາ ແລະ ພັດທະນາອາຊຽນ. ນີ້ແມ່ນທິດທາງກ້າວເດີນ ຊຶ່ງອາຊຽນ ໄດ້ ພະຍາຍາມສືບຕໍ່ຜັນຂະຫຍາຍ ໃນໄລຍະຈະມາເຖິງ.
（ແຫຼ່ງຂໍ້ມູນ： pasaxon.org.la）
