ປີນີ້ ຂ້າພະເຈົ້າ ຈະ….

ຍສໝ - ປີ 2023 ເປັນຂີດໝາຍ 10 ປີແຫ່ງວັນສ້າງຕັ້ງສະຫະພັນບັນດາອົງການຈັດຕັ້ງມິດຕະພາບ ແຂວງ ດົ່ງນາຍ (2013 - 2023).

	ພິທີໄຫວ້ບູຊາເຈົ້າຊີວິດຮຸ່ງ ປີ 2022: ພິທີໄຫວ້ບູຊາ ເຈົ້າຊີວິດ ລາກລອງກວນ ແລະ ຖະຫວາຍຈູດທູບໃຕ້ທຽນຈາລຶກຄຸນງາມຄວາມດີຂອງພະແມ່ເອົາເກີ
	ບຸນເຕັດປີນີ້ຂ້າພະເຈົ້າຈະຊື້ດອກຄາຍ

ປີນີ້ ຂ້າພະເຈົ້າ ຈະ….

ມີສະຫະພັນອົງການຈັດຕັ້ງມິດຕະພາບ ແຂວງ, ນະຄອນຫຼາຍແຫ່ງພວມມີຍຸດທະສາດແຜນການລະອຽດໃນປີ 2023. ວາລະສານຍຸກສະໄໝໄດ້ຮັບຮູ້ເປົ້າໝາຍຫຼັກຂອງບາງທ້ອງຖິ່ນກ່ຽວກັບວຽກງານການທູດປະຊາຊົນ.

ການນຳສະຫະພັນບັນດາອົງການມິດຕະພາບແຂວງ ບິ່ງດິ້ງ ມອບຂອງຂວັນໃຫ້ນັກສຶກສາລາວ ເນື່ອງໃນໂອກາດວັນບຸນກຸດ ປີ 2022 (ທີ່ມາ: ສະຫະພັນບັນດາອົງການມິດຕະພາບບິ່ງດິ້ງ).

ທ່ານ ມາຍແທງທັ້ງ, ປະທານສະຫະພັນບັນດາອົງການຈັດຕັ້ງມິດຕະພາບແຂວງ ບິ່ງດິ້ງ:

ວັນບຸນຂອງວຽກງານການທູດປະຊາຊົນ:

ປີ 2023, ສະຫະພັນບັນດາອົງການຈັດຕັ້ງມິດຕະພາບ ແຂວງ ບິ່ງດິງ ແມ່ນຫົວໜ່ວຍໄດ້ຮັບການເລືອກຕັ້ງເປັນເຈົ້າພາບຈັດຕັ້ງກອງປະຊຸມທົ່ວປະເທດວຽກງານການທູດປະຊາຊົນ. ຄາດວ່າ, ເຫດການນີ້ຈະມີການເຂົ້າຮ່ວມຂອງຜູ້ຕາງໜ້າຄະນະການຕ່າງປະເທດສູນກາງ, ບັນດາຜູ້ແທນທີ່ມາຈາກສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ການນຳແຂວງ ແລະ ພະແນກ, ຂະແໜງແຂວງບິ່ງດິ້ງ, ສະຫະພັນບັນດາອົງການຈັດຕັ້ງມິດຕະພາບທ້ອງຖິ່ນ 49 ແຫ່ງ ແລະ ອົງການຈັດຕັ້ງສະມາຊິກສູນກາງ 51 ແຫ່ງ.

ກອງປະຊຸມແມ່ນເວທີປາໄສສ່ອງແສງສຽງເວົ້າລວມຂອງທົ່ວລະບົບສະຫະພັນບັນດາອົງການຈັດຕັ້ງມິດຕະພາບໃນທົ່ວປະເທດ. ພ້ອມທັງແມ່ນກາລະໂອກາດເພື່ອໃຫ້ສະຫະພັນບັນດາອົງການຈັດຕັ້ງມິດຕະພາບທ້ອງຖິ່ນ, ບັນດາອົງການຈັດຕັ້ງສະມາຊິກແບ່ງປັນຂໍ້ມູນ,ບົດຮຽນປະສົບການ, ພຶດຕິກຳຕົວຈິງ ຢູ່ທ້ອງຖິ່ນ, ແລກປ່ຽນ, ສະເໜີວິທີການແກ້ໄຂ, ຂໍ້ລິເລີ່ມ ກ່ຽວກັບເນື້ອໃນ, ວິທີການຜັນຂະຫຍາຍການເຄື່ອນໄຫວບົນບັນດາຂົງເຂດສັນຕິພາບ, ສາມັກຄີ, ມິດຕະພາບ, ການຮ່ວມມືພັດທະນາ, ບໍ່ຂຶ້ນກັບລັດຖະບານ, ການຖະແຫຼງຂ່າວການຕ່າງປະເທດ.

ທ່ານ ຫງວຽນແທງຈີ໋, ປະທານສະຫະພັນບັນດາອົງການມິດຕະພາບ ດົ່ງນາຍ.

ທ່ານ ຫງວຽນແທັ້ງຈີ - ປະທານສະຫະພັນບັນດາອົງການຈັດຕັ້ງມິດຕະພາບ ແຂວງ ດົ່ງນາຍ:

10 ປີແຫ່ງວັນສ້າງຕັ້ງ

ປີ 2023 ເປັນຂີດໝາຍ 10 ປີແຫ່ງວັນສ້າງຕັ້ງສະຫະພັນບັນດາອົງການຈັດຕັ້ງມິດຕະພາບ ແຂວງ ດົ່ງນາຍ (2013 - 2023). ສະຫະພັນບັນດາອົງການຈັດຕັ້ງມິດຕະພາບ ແຂວງ ຈະຈັດຕັ້ງ: ການສອບເສັງຊອກຮູ້ກ່ຽວກັບວຽກງານການທູດປະຊາຊົນ, ການສອບເສັງອອກແບບຂອງຂວັນທາງດ້ານວັດນະທະທຳມິດຕະພາບເພື່ອຮັບໃຊ້ວຽກງານການທູດປະຊາຊົນແຂວງດົ່ງນາຍ, ກອງປະຊຸມແນໃສ່ຍ້ອງຍໍເຊີດຊູຮູບແບບທີ່ກ້າວໜ້າທາງການທູດປະຊາຊົນຢູ່ເຂດພາກໃຕ້ທາງທິດຕາເວັນອອກເປີດກ້ວາງ, ການສອງເສັບອອກແບບຜະລິດຕະພັນທີ່ເປັນມູນເຊື້ອສອງພາສາກ່ຽວກັບການຊອກຮູ້ປະຫວັດສາດ, ວັດທະນະທຳເຂດດິນແດນຊາວດົ່ງນາຍໃຫ້ແກ່ພະນັກງານ,ສະມາຊິກຂອງສະມາຄົມມິດຕະພາບ.

ທ່ານ ເຈິ່ນວັນແອມ, ຫົວໜ້າຫ້ອງວ່າການສະຫະພັນບັນດາອົງການຈັດຕັ້ງແຂວງກ໋ວາງນາມ

ມານະພະຍາມບັນລຸໄດ້ເງິນອຸປະຖຳ 15 ຕື້ດົ່ງ

ເປົ້າໝາຍຂອງສະຫະພັນບັນດາອົງການຈັດຕັ້ງມິດຕະພາບ ແຂວງກ໋ວາງນາມ ໃນປີ 2023 ແມ່ນຂົນຂວາຍບັນດາແຫຼ່ງກຳລັງອຸປະຖຳຈາກບັນດາອົງການບໍ່ຂຶ້ນກັບລັດຖະບານຕ່າງປະເທດໃຫ້ແກ່ແຂວງ ແຕ່ 13 – 15 ຕື້ດົ່ງ.

ວິທີການຫຼັກແມ່ນສົ່ງເສີມ ແລະ ສ້າງທຸກເງືອນໄຂສະດວກເພື່ອໃຫ້ບັນດາອົງການຈັດຕັ້ງບໍ່ຂຶ້ນກັບລັດຖະບານຕ່າງປະເທດມາເຄື່ອນໄຫວຢູ່ທ້ອງຖິ່ນຢ່າງຖືກຕ້ອງຕາມຂັ້ນຕອນຂອງກົດໝາຍ. ສົມທົບກັບບັນດາອົງການຈັດຕັ້ງບໍ່ຂຶ້ນກັບລັດຖະບານຕ່າງປະເທດຢ່າງແໜ້ນແຟ້ນ ປະຕິບັດບັນດາການເຄື່ອນໄຫວອຸປະຖຳເພື່ອເປົ້າໝາຍພັດທະນາເສດຖະກິດ - ສັງຄົມແບບຍືນຍົງເປັນຢ່າງດີ ໃຫ້ແກ່ປະຊາຄົມຊາວທ້ອງຖິ່ນ.

ທ່ານ ຮ່ວາງດຶກເກືອງ, ເລຂາທິການສະຫະພັນບັນດາອົງການຈັດຕັ້ງມິດຕະພາບແຂວງເງະອານ

ສະເຫຼີມສະຫຼອງ50 ປີແຫ່ງວັນການທູດຫວຽດນາມ ກັບບັນດາປະເທດ

ປີ 2023, ສະຫະພັນບັນດາອົງການຈັດຕັ້ງມິດຕະພາບແຂວງ ໄດ້ສຸມໃສ່ບັນດາການເຄື່ອນໄຫວທາງການທູດປະຊາຊົນເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ກັບບັນດາປະເທດຄື: ຫວຽດນາມ - ຍີ່ປຸ່ນ (21/9/1973-21/9/2023); ຫວຽດນາມ - ສະຫະພັນລາຊະອານາຈັກອັງກິດ ແລະ ອຽນລັງເໜືອ (11/9/1973-11/9/2023), ຫວຽດນາມ - ຝລັ່ງ (12/4/1973-12/4/2023).

ທ່ານ ຫງວຽນແຄ໊ງຕວນ, ຮອງປະທານສະຫະພັນບັນດາອົງການຈັດຕັ້ງມິດຕະພາບແຂວງ ລາວກາຍ

ມີກອງປະຊຸມໃຫຍ່ໃນຫຼາຍຂົງເຂດການທູດປະຊາຊົນໄດ້ຮັບການຈັດຂຶ້ນ

ປີ 2023, ສະຫະພັນບັນດາອົງການຈັດຕັ້ງມິດຕະພາບແຂວງ ລາວກາຍ ຈະຈັດຕັ້ງກອງປະຊຸມໃຫຍ່ສະມາຄົມມິດຕະພາບ ຫວຽດນາມ - ລາວ ແຂວງລາວກາຍ ຄັ້ງທີ 1 (ຄາດວ່າໃນໄຕມາດທີ 2/2023), ກອງປະຊຸມໃຫຍ່ມິດຕະພາບ ຫວຽດນາມ - ຈີນ ແຂວງລາວກາຍ ຄັ້ງທີ 5 (ຄາດວ່າໃນໄຕມາດທີ 3/2023)

ພິທີລົງນາມໃນສັນຍາຮ່ວມມືລະຫວ່າງແຂວງ ກວາງນາມ ກັບອົງການ World Vision International

ກອງປະຊຸມໃຫຍ່ສະຫະພັນບັນດາອົງການຈັດຕັ້ງມິດຕະພາບແຂວງລາວກາຍ ຄັ້ງທີ 5 (ຄາດວ່າໃນໄຕມາດທີ 3/2023). ປີ 2023, ສະຫະພັນບັນດາອົງການຈັດຕັ້ງມິດຕະພາບແຂວງລາວກາຍ ຈະສົມທົບກັບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ເພື່ອຈັດຕັ້ງລາຍການພົບປະແລກປ່ຽນມິດຕະພາບສາກົນ ລະດູບານໃໝ່ປີ 2023 ຢູ່ແຂວງລາວກາຍ.

ທ່ານນາງ ເລທິແທງຢາງ, ປະທານສະຫະພັນບັນດາອົງການຈັດຕັ້ງມິດຕະພາບ ນະຄອນເກິ່ນເທີ

ຈັດຕັ້ງບັນດາເຫດການສະເຫຼີມສະຫຼອງ 50 ປີແຫ່ງປີສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ

ປີ 2023 ສະຫະພັນບັນດາອົງການຈັດຕັ້ງມິດຕະພາບນະຄອນຈະສົມທົບກັບສະຖານທູດ, ສະຖານກົງສູນໃຫຍ່ ຍີ່ປຸ່ນ ປະຈຳ ນະຄອນໂຮ່ຈີມິນ ຈັດຕັ້ງບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ (21/9/1973 – 21/9/2023) ຢູ່ນະຄອນເກິ່ນເທີ ບັນດາການເຄື່ອນໄຫວຫຼັກຈະແມ່ນ: ຈັດຕັ້ງວັນບຸນວັດທະນະທຳ - ການຄ້າ ຫວຽດນາມ - ຍີ່ປຸ່ນ ຄັ້ງທີ 5, ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ… ຜ່ານນັ້ນ, ກໍ່ປະກອບສ່ວນເພີ່ມທະວີຄວາມສາມັກຄີມິດຕະພາບ, ພົບປະແລກປ່ຽນວັດທະນະທຳລະຫວ່າງສອງປະເທດ…

ທ່ານ ຫງວຽນຮຸຍກວາງ, ຮອງປະທານສະຫະພັນບັນດາອົງການຈັຕດັ້ງມິດຕະພາບແຂວງວິງຝຸກ:

ກໍ່ສ້າງຍຸດທະສາດພັດທະນາການທູດປະຊາຊົນຂອງແຂວງ

ການຜັນຂະຫຍາຍວຽກງານການທູດປະຊາຊົນຈະຮັບປະກັນຄວາມເປັນເອກະພາບ, ການຈັດຕັ້ງຄຸ້ມຄອງ, ການຈັດຕັ້ງກົນໄກ, ລະບຽບການປະສານງານເພື່ອຜັນຂະຫຍາຍວຽກງານທາງການທູດປະຊາຊົນ ຈະນຳມາເຊິ່ງປະສິດທິຜົນສູງ, ເຂົ້າສູ່ລວງເລິກ ແລະ ແທດຈິງ, ຕອບສະໜອງຄວາມຮຽກຮ້ອງຕ້ອງການໃນສະພາບການໃໝ່. ພ້ອມກັນນັ້ນ, ກໍ່ຮັບປະກັນການຊີ້ນຳນຳພາ ແລະ ຊີ້ນຳຂອງຄະນະພັກທຸກຂັ້ນ, ສົມທົບກັນຢ່າງແໜ້ນແຟ້ນລະຫວ່າງບັນດາຂັ້ນ, ກຂະແໜງການ, ອົງການ, ຫົວໜ່ວຍ, ທ້ອງຖິ່ນ; ປະກອບສ່ວນຍົກສູງຄວາມຮັບຮູ້ຂອງທຸກຂັ້ນ, ທຸກຂະແໜງ, ອົງການຈັດຕັ້ງມະຫາຊົນ ແລະ ປະຊາຊົນກ່ຽວກັບບົດບາດ, ທີ່ຕັ້ງ, ຄວາມສຳຄັນຂອງການທູດປະຊາຊົນໃນສະພາບການໃໝ່.

ທ່ານ ຝຸກວາງກິກ, ຫົວໜ້າຫ້ອງວ່າການສະຫະພັນບັນດາອົງການຈັດຕັ້ງມິດຕະພາບແຂວງກ່າເມົາ

ສ້າງຂັ້ນຕອນ, ລະບອບລະບຽບການໃຫ້ສົມບູນແບບ ເພື່ອດຶງດູດ ແລະ ນຳໃຊ້ການລົງທຶນຕ່າງປະເທດທີ່ມີປະສິດທິຜົນ

ປີ 2023, ສະຫະພັນບັນດາອົງການມິດຕະພາບ ກ່າເມົາ ຈະຍາດແຍ່ງເອົາການແນະນຳ ແລະ ໜູນຊ່ວຍຂອງຄະນະປະສານງານອຸປະຖຳປະຊາຊົນ (PACCOM ຂອງ VUFO), ສະຖານກົງສຸນໃຫຍ່ນະຄອນ ໂຮ່ຈີມິນ ເພື່ອເຊື່ອມຕໍ່ກັບບັນດາອົງການຈັດຕັ້ງໃໝ່. ສືບຕໍ່ຊີ້ນຳ ແລະ ສົມທົບກັນຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງຢູ່ຂັ້ນແຂວງ ແລະ ທ້ອງຖິ່ນ ເພື່ອຄັດເລືອກ ແລະ ພັດທະນາບັນດາໂຄງການທີ່ເໝາະສົມກັບສະພາບຕົວຈິງຂອງຂະແໜງການ, ທ້ອງຖິ່ນ ແລະ ມາດຖານ, ຄວາມສາມາດດ້ານການເງິນຂອງຄູ່ຮ່ວມມື.

ບຸນຄົງ