ຫວ່າງແລ້ວນີ້, ທີ່ຮ່າໂນ້ຍ, ຫໍສະໝຸດແຫ່ງຊາດຫວຽດນາມ ແລະ ອົງການຝຣັ່ງໂກໂຟນີສາກົນ (OIF) ໄດ້ເປີດນໍາໃຊ້ “ພື້ນທີ່ວາງສະແດງ ປື້ມພາສາຝຣັ່ງ”, ແນໃສ່ຕອບສະໜອງຄວາມຕ້ອງການຮໍ່າຮຽນ ແລະ ຄົ້ນຄວ້າເອກະສານທີ່ເປັນພາສາຝຣັ່ງ ຂອງເພື່ອນຜູ້ອ່ານນະຄອນຫຼວງ.
“ພື້ນທີ່ວາງສະແດງປື້ມພາສາຝຣັ່ງ” ຢູ່ຫໍສະໝຸດແຫ່ງຊາດຫວຽດນາມ ໄດ້ສ້າງຂຶ້ນດ້ວຍການໜູນຊ່ວຍຂອງອົງການຝຣັ່ງໂກໂຟນີສາກົນ ດ້ວຍເອກະສານ ເບື້ອງຕົ້ນແມ່ນມີປື້ມພາສາຝຣັ່ງກວ່າ 600 ເຫຼັ້ມ.
 |
| “ພື້ນທີ່ວາງສະແດງປື້ມພາສາຝຣັ່ງ” ວາງສະແດງປື້ມທີ່ເປັນພາສາຝຮັ່ງໃນຫຼາຍຂົງເຂດ ປະມານ 600 ເຫຼັ້ມ. |
 |
 |
 |
 |
 |
 |
ໃນໄລຍະຈະມາເຖິງ, ຫໍສະໝຸດແຫ່ງຊາດຫວຽດນາມ ແລະ ອົງການຝຣັ່ງໂກໂຟນີ ສາກົນ ຈະສືບຕໍ່ສົມທົບກັນເພື່ອສ້າງຕັ້ງ “ພື້ນທີ່ວາງສະແດງປື້ມພາສາຝຣັ່ງ” ຢູ່ 8 ແຂວງ, ນະຄອນ ປະກອບມີ ຫາຍຟ່ອງ, ກວ໋າງນິງ, ເງະອານ, ແຄ໊ງຮວ່າ, ເລິມດົ່ງ, ເກິນເທີ, ເບ໊ນແຈ ແລະ ບິ່ງເຢືອງ.
ຜ່ານລະບົບຫໍສະໝຸດແຂວງ, ນະຄອນຢູ່ບັນດາທ້ອງຖິ່ນນີ້, “ພື້ນທີ່ວາງສະແດງ ປື້ມພາສາຝຣັ່ງ” ຈະນໍາເອົາກາລະໂອກາດສໍາຜັດກັບພື້ນຖານວັດທະນະທໍາ, ປະເທດຊາດ, ຊາວວົງຄະນາຍາດຝຣັ່ງໂກໂຟນີ ຜ່ານບັນດາຊຸດສະສົມປື້ມທີ່ໄດ້ເລືອກເຟັ້ນ.
ກ່າວຄໍາເຫັນທີ່ພິທີ, ທ່ານນາງ ເຈິ່ນທິມາຍອ໊ຽນ, ຮັກສາການຫົວໜ້າຜູ້ຕາງໜ້າອົງການຝຣັ່ງໂກໂຟນີສາກົນ ປະຈໍາພາກພື້ນອາຊີ-ປາຊີຟິກ, ເຊື່ອໝັ້ນວ່າ ບັນດາ “ພື້ນທີ່ວາງສະແດງປື້ມພາສາຝຣັ່ງ” ຈະປະກອບສ່ວນເຜີຍແຜ່ພາສາຝຣັ່ງ ແລະອົ ງການຝຣັ່ງໂກໂຟນີສາກົນ ປະຈໍາ ຫວຽດນາມ, ເພື່ອຜົນປະໂຫຍດຂອງປະຊາຊົນ, ຜູ້ຮຽນ, ຄູອາຈານ ແລະ ຜູ້ຮັກມັກພາສາຝຣັ່ງ.
ດ້ວຍເກືອບ 6.000 ບົດປະພັນຂອງບັນດາຜູ້ຂຽນທີ່ມາຈາກຫຼາຍປະເທດທີ່ນຳໃຊ້ພາສາ ຝຣັ່ງ, ມີຄຸນນະພາບທາງດ້ານວັນນະຄະດີສູງ ໄດ້ແຈກຢາຍໃຫ້ແກ່ບັນດາຫໍສະໝຸດ, “ພື້ນທີ່ວາງສະແດງປື້ມພາສາຝຣັ່ງ” ຈະປະກອບສ່ວນເຮັດໃຫ້ບັນດາຊຸດປື້ມທີ່ມີຢູ່ ແລ້ວຂອງບັນດາຫໍສະໝຸດນີ້ ມີຄວາມອຸດົມສົມບູນຕື່ມອີກ.
ບູນມີ
