ຫວ່າງແລ້ວນີ້, ກອງປະຊຸມປຶກສາຫາລືຮ່ວມຂອງຄະນະກຳມະການຫຼຸດຜ່ອນອາວຸດການທະຫານ ແລະ ຄວາມໝັ້ນຄົງສາກົນຂອງສະຫະປະຊາຊາດ (ສປຊ) ໂດຍມີການເຂົ້າຮ່ວມຂອງເກືອບ 140 ປະເທດສະມາຊິກ ແລະ ນັກສັງເກດການ.
 |
| ທ່ານເອກອັກຄະລັດຖະທູດ ດັ້ງຮ່ວາງຢາງ. |
 |
 |
ກ່າວຄຳເຫັນທີ່ນີ້, ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ເນັ້ນໜັກວ່າ: ໃນສະພາບແວດລ້ອມຄວາມໝັ້ນຄົງສາກົນທີ່ສັບສົນທີ່ສຸດໃນຫຼາຍທົດສະວັດ, ບັນດາປະເທດຄວນເພີ່ມທະວີບັນດາຄວາມມານະພະຍາຍາມຂອງສາກົນໃນການຫຼຸດຜ່ອນອາວຸດ ແລະ ຕ້ານການແຜ່ຂະຫຍາຍອາວຸດນິວເຄຼຍ ເພື່ອແນໃສ່ປົກປ້ອງບັນດາຜົນງານທີ່ປະຊາຄົມສາກົນຍາດມາໄດ້ຢ່າງຫຍຸ້ງຍາກ.
ຫົວໜ້າຄະນະຜູ້ຕາງໜ້າຫວຽດນາມ ກໍ່ໃຫ້ຮູ້ວ່າ: ສາກົນຄວນສົມທົບກັນຊຸກຍູ້ຂອບເຂດເພື່ອຮັບມືກັບບັນດາສິ່ງທ້າທາຍ, ຂົງເຂດໃໝ່ຢ່າງມີປະສິດທິຜົນ ຄື: ຄວາມໝັ້ນຄົງທາງອິນເຕີເນັດ ແລະ ບັນດາບັນຫາກ່ຽວຂ້ອງເຖິງອະວະກາດ. ທ່ານເອກອັກຄະລັດຖະທູດຫວຽດນາມ ຢືນຢັນວ່າ ໃນຂະບວນການນັ້ນ, ຕ້ອງສືບຕໍ່ປະຕິບັດບັນດາຫຼັກການພື້ນຖານຂອງກົດໝາຍສາກົນ ແລະ ກົດບັດ ສປຊ, ຊຸກຍູ້ການແກ້ໄຂຂໍ້ຂັດແຍ່ງສາກົນໂດຍສັນຕິວິທີ, ຮັກສາບົດບາດໃຈກາງຂອງລັດທິຫຼາຍຝ່າຍ, ພ້ອມກັນນັ້ນ ກໍຄວນເພີ່ມທະວີກົນໄກຫຼຸດຜ່ອນອາວຸດການທະຫານທົ່ວໂລກ.
ທ່ານເອກອັກຄະລັດຖະທູດ ດັ້ງຮ່ວາງຢາງ ກໍ່ສືບຕໍ່ຢືນຢັນຄຳໝັ້ນສັນຍາຂອງຫວຽດນາມ ພ້ອມແລ້ວທີ່ຈະເຂົ້າຮ່ວມວຽກງານລວມຂອງຄະນະກຳມະການຢ່າງ ຕັ້ງໜ້າ, ພ້ອມກັນນັ້ນ ກໍ່ສະໜັບສະໜູນບັນດາຄວາມມານະພະຍາຍາມເພື່ອໃຫ້ໂລກມີສັນຕິພາບ, ໝັ້ນຄົງ ແລະ ພັດທະນາ.
ບູນມີ
