| ທີມຫວຽດນາມ ຍາດໄດ້ 3 ຫຼຽນກາໝາກຮຸກໜຸ່ມໂລກ | |
| ຟື້ນຟູ, ພັດທະນາຂະແໜງທ່ອງທ່ຽວ ຫວຽດນາມ ໃນສະພາບການໃໝ່ |
 |
| ພາບປະກອບ: tapchitaichinh.vn |
ກ່າວຄຳເຫັນທີ່ກອງປະຊຸມສຳມະນາ,ທ່ານ ຫົວໜ້າສະຖາບັນລັດ ແລະ ກົດໝາຍ, ຮສ. ປອ. ເຈືອງໂຮ່ຫາຍ ໃຫ້ຮູ້ວ່າ: ການປ້ອງກັນ ແລະ ຕ້ານການຟອກເງິນແມ່ນໜຶ່ງໃນບັນດາຂົງເຂດມີຄວາມສໍາຄັນຫຼາຍທີ່ກ່ຽວຂ້ອງຢ່າງແໜ້ນແຟ້ນກັບການປ້ອງກັນ, ຕ້ານການສໍ້ລາດບັງຫຼວງ. ຫວຽດນາມ ຍາມໃດກໍ່ມີຄວາມສົນໃຈ ແລະ ປາດຖະໜາຢາກຮຽນຮູ້ປະສົບການສາກົນໃນການປ້ອງກັນ ແລະ ຕ້ານການຟອກເງິນ ເພື່ອສ້າງລະບົບກົດໝາຍໃຫ້ສຳເລັດ, ປັບປຸງ ແລະ ເພີ່ມທະວີການເຄື່ອນໄຫວໃນການປ້ອງກັນ, ຕ້ານການຟອກເງິນທີ່ຕອບສະໜອງໄດ້ຕາມບັນດາມາດຕະຖານສາກົນ.
ທີ່ກອງປະຊຸມສໍາມະນາ, ບັນດານັກຊ່ຽວຊານສາກົນຂອງສະມາຄົມທະນາຍຄວາມອາເມລິກາ ໄດ້ແບ່ງປັນບັນດາຄວາມເຂົ້າໃຈທົ່ວໄປກ່ຽວກັບຜົນກະທົບຂອງການຟອກເງິນທີ່ອາດເກີດຂຶ້ນຕໍ່ຂະແໜງການເງິນ, ສະຖຽນລະພາບຂອງບັນດາປະເທດ ກໍ່ຄືບັນດາຜົນສະທ້ອນຈາກການປ້ອງກັນ ແລະ ຕ້ານການຟອກເງິນຕໍ່ສັງຄົມ ແລະ ລະບົບເສດຖະກິດທົ່ວໄປ. ບັນດາຜູ້ຊ່ຽວຊານຍັງໃຫ້ຂໍ້ມູນກ່ຽວກັບວິທີການ, ເລ່ລ່ຽມ ກໍ່ໂທດກຳ; ປະສົບການດ້ານການຄຸ້ມຄອງ - ຕ້ານການຟອກເງິນໃນຂົງເຂດຄາຊີໂນ ແລະ ເກມໂບນັດໃນສະຫະລັດ; ຖອດຖອນບົດຮຽນ ແລະ ຂໍ້ສະເໜີແນະໃນການສ້າງກົດບັນຢັດ, ນະໂຍບາຍກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ແລະ ການຟອກເງິນຢູ່ ຫວຽດນາມ ໃຫ້ສຳເລັດ.
ໄຊພອນ
