ຫວຽດນາມ ໄດ້ຮຽກຮ້ອງໃຫ້ປະຊາຄົມສາກົນ ຊ່ວຍເຫຼືອປະເທດຊີຣີ ໃນການຕອບໂຕ້ກັບພະຍາດ COVID-19

	ທົ່ວໂລກມີຈຳນວນຜູ້ຕິດເຊື້ອພະຍາດ Covid – 19 ສະສົມທັງໝົດ 40.264.218 ຄົນ, ໃນນັ້ນມີຜູ້ເສຍຊີວິດ 1.118.167 ຄົນ
	ໂລກ​ລະ​ບາ​ດ Covid – 19​ ກໍ່​ຜົນ​ສະ​ທ້ອນ​ເຖິງຫຼາຍ​ເປົ້າ​ໝາຍ​ຂອງ​ລາວ

ໃນວັນທີ 28 ຕຸລາ, ສະພາຄວາມໝັ້ນຄົງສະຫະປະຊາຊາດ ໄດ້ຈັດກອງປະຊຸມປະຈຳເດືອນ ກ່ຽວກັບສະຖານະການໃນປະເທດຊີຣີ. ທີ່ກອງປະຊຸມປະຈຳເດືອນຂອງສະພາຄວາມໝັ້ນຄົງ, ຫວຽດນາມ ໄດ້ຮຽກຮ້ອງໃຫ້ປະຊາຄົມສາກົນ ເພີ່ມທະວີການສະໜັບສະໜູນສຳລັບ ປະເທດຊີຣີ ໃນການຕອບໂຕ້ກັບພະຍາດ COVID-19 ແລະ ແກ້ໄຂບັນຫາຄວາມໝັ້ນຄົງດ້ານສະບຽງອາຫານ.

ນັກຮຽນໃສ່ຜ້າບັງປາກປ້ອງກັນການຕິດເຊື້ອ COVID-19 ຢູ່ໂຮງຮຽນແຫ່ງໜຶ່ງ ໃນນະຄອນຫຼວງດາມາສ, ປະເທດຊີເຣຍ, ວັນທີ 13 ກັນຍາ 2020. (ພາບ: THX / TTXVN)

ກ່ຽວກັບສະພາບການມະນຸດສະທຳ, ທ່ານຮອງເລຂາທິການໃຫຍ່ສະຫະປະຊາຊາດ Lowcock ໄດ້ແຈ້ງໃຫ້ຮູ້ວ່າເຖິງທ່າອ່ຽງທີ່ບໍ່ດີໃນຫຼາຍພື້ນທີ່ຂອງປະເທດຊີຣີ, ໂດຍສະເພາະ ແມ່ນການລະບາດຂອງພະຍາດ COVID-19 ແມ່ນມີຄວາມຜັນແປຫຼາຍຢ່າງທີ່ສັບສົນ. ເຖິງແມ່ນວ່າໃນປະຈຸບັນມີພຽງແຕ່ 5,000 ກໍລະນີຕິດພະຍາດ ທີ່ໄດ້ຮັບການຢັ້ງຢືນຈາກກະຊວງສາທາລະນະສຸກຂອງປະເທດຊີເຣຍ, ແຕ່ຕົວເລກທີ່ຕົວຈິງອາດຈະສູງກວ່ານັ້ນຫຼາຍ ຍ້ອນຄວາມສາມາດໃນສະພາບການທົດສອບວິເຄາະຢ່າງບໍ່ດີ ແລະ ລະດັບການຕິດເຊື້ອໃນຊຸມຊົນຢ່າງຮ້າຍແຮງດ້ວຍ 92% ກໍລະນີບໍ່ສາມາດຕິດຕາມຕົ້ນກຳເນີດໄດ້.

ກ່າວຄຳເຫັນທີ່ກອງປະຊຸມ, ທ່ານເອກອັກຄະລັດຖະທູດ ດັ້ງດິ່ງກຸຍ, ຫົວໜ້າຄະນະຜູ້ແທນຫວຽດນາມປະຈຳສະຫະປະຊາຊາດ ໄດ້ສະແດງຄວາມວິຕົກກັງວົນຕໍ່ບັນດາສິ່ງທ້າທາຍ ທີ່ປະຊາຊົນຊີຣີ ຈຳນວນນັບລ້ານໆຄົນ ກຳລັງປະເຊີນໜ້າ.

ທ່ານເອກອັກຄະລັດຖະທູດ ດັ້ງດິ່ງກຸຍ ໄດ້ຮຽກຮ້ອງຕ້ອງການອັນຮີບດ່ວນໃນການໜູນຊ່ວຍປະຊາຊົນຊີຣີ, ໃນນັ້ນມີການຊອກຫາວິທີແກ້ໄຂດ້ານການເມືອງຢ່າງຮອບດ້ານ ແລະ ເພີ່ມທະວີການໜູນຊ່ວຍມະນຸດສະທຳ ໃນສະພາບການປະຈຸບັນ. ໂດຍສະເພາະ, ທ່ານເອກອັກຄະລັດຖະທູດ ໄດ້ຮຽກຮ້ອງໃຫ້ທຸກຝ່າຍຈົ່ງສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການເຈລະຈາ ແລະ ປຶກສາຫາລືເພື່ອຊອກຫາວິທີແກ້ໄຂທາງການເມືອງ.

ທ່ານເອກອັກຄະລັດຖະທູດ ກໍ່ເນັ້ນໜັກວ່າ ມັນແມ່ນຄວາມຮັບຜິດຊອບຂອງທຸກຝ່າຍ ໃນການຮັບປະກັນການຊ່ວຍເຫລືອດ້ານມະນຸດສະທຳ ໃຫ້ທັນເວລາ ແລະ ຮຽກຮ້ອງໃຫ້ປະຊາຄົມສາກົນ ກຽມພ້ອມຮັບມືກັບຄວາມຕ້ອງການດ້ານມະນຸດສະທຳ ທີ່ກຳລັງເພີ່ມຂື້ນໃນລະດູໜາວທີ່ຈະມາເຖິງນີ້.

ສປປ.ລາວ ແມ່ນຢູ່ໃນກຸ່ມປະເທດທີ່ມີຄົນຕິດພະຍາດ Covid-19 ດ້ວຍຈຳນວນໜ້ອຍ ປັດຈຸບັນ ທົ່ວປະເທດ ລາວ ມີສູນຈໍາກັດບໍລິເວນ ທີ່ຍັງເປີດຢູ່ທັງໝົດ 42 ສູນ, ມີຜູ້ຖືກຈຳກັດບໍລິເວນຢສູນ 2.920 ຄົນ, ໄດ້ເກັບຕົວຢ່າງ ມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ.

ໜັງສືພິມເຢຍລະມັນ ຍ້ອງຍໍຊົມເຊີຍຮູບແບບການປ້ອງກັນ ແລະ ສະກັດກັ້ນການລະບາດຂອງພະຍາດ COVID-19 ຂອງຫວຽດນາມ ຍສໝ - ບົດຂຽນກ່າວເຖິງການທົບທວນຄືນວ່າ ເຢຍລະມັນຕ້ອງການ ຖືຫວຽດນາມເປັນປະເທດທີ່ມີປະສິດທິຜົນຂອງຄວາມພະຍາຍາມໃນການແລະ ສະກັດກັ້ນການລະບາດຂອງພະຍາດ COVID-19 ເຊິ່ງທີ່ຫວຽດນາມ ໄດ້ກຳຈັດການລະບາດຂອງພະຍາດ ແລະ ມີຜູ້ເສຍຊີວິດພຽງແຕ່ 35 ຄົນ.

ນະຄອນຫຼວງຮ່າໂນ້ຍ ຕ້ອງການການເກັບມ້ຽນສິນຄ້າເພີ່ມຂື້ນ 3 ເທົ່າເພື່ອຮັບມືກັບການລະບາດຂອງພະຍາດ COVID-19 ຍສໝ - ບັນດາວິສາຫະກິດທຸລະກິດຂາຍຍ່ອຍ ມີຄວາມຈຳເປັນຕ້ອງໃນການເກັບມ້ຽນສິນຄ້າໄວ້ທົບ 3 ເທົ່າທຽບໃສ່ຄວາມຕ້ອງການປົກກະຕິຂອງປະຊາຊົນ, ແລະ ປະຕິບັດໃນ 3 ເດືອນ (ເດືອນສິງຫາ, ກັນຍາ ແລະ ຕຸລາ).