ວັນທີ 23 ມີນາ 2020, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ, ພ້ອມດ້ວຍບັນດາລັດຖະມົນຕີ, ຮອງລັດຖະມົນຕີ ແລະ ພາກສ່ວນກ່ຽວຂ້ອງເຄື່ອນໄຫວກວດກາສະຖານທີ່ຮອງຮັບໃນກໍລະນີສົງໄສວ່າມີຜູ້ຕິດເຊື້ອພະຍາດ Covid-19.
ປັດຈຸບັນ, ສປປ ລາວ ມີກໍລະນີສົງໄສຕິດເຊື້ອພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ ຫລື ໂຄວິດ-19 ທັງໝົດ 85 ກໍລະນີ (ເປັນຕົວເລກສະສົມ) ແລະ ໄດ້ເກັບຕົວຢ່່າງມາກວດທັງໝົດແລ້ວ, ໃນນັ້ນ 81 ກໍລະນີ ແມ່ນກວດບໍ່ພົບເຊື້ອພະຍາດ, ສ່ວນອີກ 4 ກໍລະນີ ຍັງລໍຖ້າຜົນກວດ; ພາຍຫລັງໄດ້ຮັບຜົນກວດແລ້ວ ຈະໄດ້ແຈ້ງໃຫ້ສັງຄົມຊາບໃນທັນທີ.
ກະຊວງແຮງງານ ແລະ ສະຫວັດດີການສັງຄົມ ໄດ້ອອກແຈ້ງການ ສະບັບເລກທີ 0711/ຮສສ ລົງວັນທີ 11 ມີນາ 2020 ໃຫ້ເອົາໃຈໃສ່ດັ່ງນີ້ ໃຫ້ຕິດຕາມຜູ້ອອກແຮງງານລາວທີ່ຖືກຈັດສົ່ງໄປເຮັດວຽກຢູ່ປະເທດໄທ ສ ເກົາຫຼີ ແລະ ຍີ່ປຸ່ນຢ່າງໃກ້ຊິດ ໃນກໍລະນີມີແຮງງານທີ່ຖືກສົງໄສ ແລະ ຕິດເຊື້ອພະຍາດCOVID-19.
ໃນຫຼາຍມື້ທີ່ຜ່ານມາ ຫຼາຍຄົນກໍ່ອາດຈະໄດ້ຍິນຂ່າວລືກ່ຽວກັບກໍລະນີທີ່ມີຜູ້ເສຍຊີດວິດ ຍ້ອນພະຍາດອັກເສບ ປອດຈາກເຊື້ອຈຸລະໂລກສາຍພັນໃໝ່ ຫຼື ໄວຣັສໂຄໂຣນາ ໃນວັນທີ 9 ກຸມພາ 2020 ກະຊວງສາທາລະນະສຸກ ໄດ້ອອກມາຢືນຢັນວ່າຜົນການກວດເບື້ອງຕົ້ນ ແມ່ນບໍ່ພົບເຊື້ອພະຍາດໄວຣັສໂຄໂຣນາ ພ້ອມທັງຢືນຢັນວ່າ ສປປ ລາວ ຍັງບໍ່ພົບກໍລະນີຜູ້ຕິດເຊື້ອດັ່ງກ່າວ ທັງຈະສືບຕໍ່ປະຕິບັດມາດ ຕະການເຝົ້າລະວັງ ແລະ ການປ້ອງກັນການ ລະບາດຂອງພະຍາດໂຄໂຣນາໄວຣັສ.