ຜູ້ນຳເວເນຊູເອລາ ກ່າວປຸກໃຈທະຫານໃນກອງທັບ ໃຫ້ກຽມພ້ອມຮັບມືກັບການຮຸກຮານຂອງສັດຕູພາຍນອກ

ສຳນັກຂ່າວຕ່າງປະເທດລາຍງານໃນວັນທີ 5 ພຶດສະພາ 2019 ວ່າ ທ່ານ ໄມ ປອມເປໂອ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ເຜີຍແຜ່ວິດີໂອເມື່ອວັນເສົາທີ່ຜ່ານມາ ເຊິ່ງເປັນການຖະແຫຼງຮຽກຮ້ອງເຖິງປະຊາຊົນເວເນຊູເອລາວ່າ ເຖິງເວລາແລ້ວສຳລັບການປ່ຽນແປງ ພ້ອມທັງກ່າວຢ້ຳຄືນວ່າ ປະຊາຊົນເວເນຊູເອລາເປັນເຈົ້າຂອງອຳນາດອະທິປະໄຕຢ່າງແທ້ຈິງ ແລະ ບັດນີ້ໄດ້ເວລາອັນສົມຄວນທີ່ສຸດໃນການຮຽກຄືນອຳນາດດັ່ງກ່າວ ແລະ ປິດທ້າຍວ່າ ລັດຖະບານອາເມຣິກາຈະຢືນຄຽງຂ້າງໄຊຊະນະຂອງປະຊາຊົນເວເນຊູເອລາ.