ໃນຕອນບ່າຍຂອງວັນທີ 20 ມີນານີ້, ກະຊວງສາທາລະນະສຸກ ໄດ້ແຈ້ງໃຫ້ຊາບກ່ຽວກັບ ຈຳນວນເງິນທັງໝົດຂອງປະຊາຊົນໃນທົ່ວປະເທດ ໃນແຜນງານ "ປະຊາຊົນທຸກຄົນສະໜັບສະໜູນການປ້ອງກັນ ແລະ ຄວບຄຸມ Covid-19" ໂດຍຮູບການຂໍ້ຄວາມ ຂອງປະຕູສື່ສານມະນຸດສະທຳ ແຫ່ງຊາດ ຫວຽດນາມ. ເວົ້າຢ່າງລະອຽດ, ປະຕູສື່ສານມະນຸດສະທຳ ແຫ່ງຊາດ ຫວຽດນາມ ໄດ້ຮັບຂໍ້ຄວາມເກືອບ 390.000 ຂໍ້ຂໍ້ຄວາມ, ດ້ວຍການຂົນຂວາຍຈຳນວນເງິນ ໄດ້ປະມານ 27 ຕື້ດົ່ງ.
ປະຊາຊົນ ໄດ້ສະໜັບສະໜູນການປ້ອງກັນ ແລະ ຄວບຄຸມ Covid-19 ໂດຍການສົ່ງຂໍ້ຄວາມໂດຍການຂຽນ: CV n ສົ່ງ 1407. ບ່ອນທີ່ n ແມ່ນ ຈຳນວນເງິນບໍລິຈາກ 20.000 ດົ່ງ (n ແມ່ນແຕ່ 1 ເຖິງ 100). ເວລາທີ່ຈະໄດ້ຮັບການສະໜັບສະໜູນ ຜ່ານປະຕູສື່ສານມະນຸດສະທຳ ແຫ່ງຊາດ ຫວຽດນາມ ແຕ່ 0h ໃນວັນທີ 19/3 - 24h ໃນວັນທີ 18/6.
 |
ການປຸກລະດົມໂຄງການ ທົ່ວປວງຊົນ ໂດຍຮູບການສົ່ງຂໍ້ຄວາມສະໜັບສະໜູນ, ປະກອບສ່ວນເຂົ້າລາຍການ "ທົ່ວປວງຊົນສະໜັບສະໜູນການປ້ອງກັນ ແລະ ຄວບຄຸມການລະບາດຂອງ Covid-19". (ພາບ: moh.gov.vn)
ກ່ອນໜ້ານັ້ນ, ໃນຕອນບ່າຍວັນທີ 19 ມີນາ, ກະຊວງຖະແຫຼງຂ່າວ ແລະ ສື່ສານ ສົມທົບກັບ ກະຊວງສາທາລະນະສຸກ, ຄະນະປະຈຳການສູນກາງແນວໂຮມປະເທດຊາດ ຫວຽດນາມ ແລະ ສະພາກາແດງ ຫວຽດນາມ ໄດ້ຈັດຕັ້ງການປຸກລະດົມໂຄງການ ທົ່ວປວງຊົນ ໂດຍຮູບການສົ່ງຂໍ້ຄວາມສະໜັບສະໜູນ, ປະກອບສ່ວນເຂົ້າລາຍການ "ທົ່ວປວງຊົນສະໜັບສະໜູນການປ້ອງກັນ ແລະ ຄວບຄຸມການລະບາດຂອງ Covid-19" ຜ່ານປະຕູສື່ສານມະນຸດສະທຳ ແຫ່ງຊາດ ຫວຽດນາມ 1400 - ເບີ 1407.
ກ່າວຄຳເຫັນທີ່ພິທີປຸກລະດົມ, ລັດຖະມົນຕີກະຊວງຖະແຫຼງຂ່າວ ແລະ ສື່ສານ, ທ່ານ ຫງວຽນແມ້ງຮຸ່ງ ຮັບຮູ້ວ່າ "Covid-19 ແມ່ນສິ່ງທ້າທາຍທີ່ໃຫຍ່ ສຳລັບພວກເຮົາທຸກຄົນ. ບໍ່ມີໃຜຢູ່ນອກສິ່ງທ້າທາຍນີ້. ໃນຊຸມວັນຜ່ານມາ, ປະຊາຊົນຫວຽດນາມທັງໝົດ ໄດ້ຕໍ່ສູ້ຕ້ານໂລກລະບາດ, ຫວຽດນາມ ແມ່ນໜຶ່ງ ໃນບັນດາປະເທດປະຕິບັດທີ່ດີທີ່ສຸດ, ໄດ້ຮັບການຕີລາຄາຈາກທົ່ວໂລກ”.
（ຄຳຮຸ່ງ）
