ເອກອັກຄະລັດຖະທູດອັງກິດ ຂອບໃຈເຖິງບັນດາແພດໝໍ ແລະລັດຖະບານຫວຽດນາມ ໄດ້ໜູນຊ່ວຍໃຫ້ບັນດາພົນລະເມືອງອັງກິດ

ອກອັກຄະລັດຖະທູດອັງກິດ ສົ່ງຄໍາຂອບໃຈມາຍັງບັນດາແພດໝໍ ແລະລັດຖະບານຫວຽດນາມ. (ພາບ:congan.com.vn)

ທ່ານ Gareth Ward ເວົ້າວ່າ, ຈະສືບຕໍ່ຮ່ວມມືຢ່າງແໜ້ນແຟ້ນກັບລັດຖະບານຫວຽດນາມ, ເຮັດທຸກສິ່ງທຸກຢ່າງທີ່ອາດສາມາດເຮັດໄດ້ເພື່ອຕ້ານໄວຣັດໂຄໂຣນາ ແລະໜູນຊ່ວຍບັນດາຜູ້ທີ່ມີຄວາມຕ້ອງການໃນຈຸດເວລາອັນຫຍຸ້ງຍາກນີ້. ທ່ານ Gareth Ward ໄດ້ແບ່ງປັນວ່າ, ໃນຊຸມອາທິດຜ່ານມາ, ພວກຂ້າພະເຈົ້າໄດ້ໜູນຊ່ວຍນັກທ່ອງທ່ຽວອັງກິດຫຼາຍຄົນໃນຂະບວນວິວັດທີ່ຫວຽດນາມ ປະຕິບັດບັນດາມາດຕະການຄວບຄຸມໂລກພະຍາດໃໝ່. ສະກັດກັ້ນການແຜ່ລະບາດຂອງພະຍາດໂຄວິດ-19 ແມ່ນໜ້າທີ່ແຖວໜ້າຂອງຫວຽດນາມ ໃນຈຸດເວລານີ້.

ເຊື້ອພະຍາດ Covid-19 ສືບຕໍ່ແຜ່ລະບາດອອກສູ່ວົງກວ້າງ ແລະ ມີການຜັນແປຢ່າງສັບສົນ ເມື່ອເກີດຂຶ້ນຢູ່ 163 ປະເທດ ແລະ ເຂດແຄ້ວນໃນໂລກ. ເອີຣົບ ໄດ້ກາຍເປັນສະຖານທີ່ເກີດເຊື້ອພະຍາດຢ່າງຮ້າຍແຮງຂອງທົ່ວໂລກ, ໃນຂະນະທີ່ ຈີນ ເຊິ່ງແມ່ນປະເທດເກີດມີເຊື້ອພະຍາດທຳອິດໃນໂລກ ກໍ່ພວມມີຈຳນວນຜູ້ຕິດເຊື້ອໃໝ່ ແລະ ຜູ້ເສຍຊີວິດຫລຸດລົງຫລາຍ. ໂຄສົກອົງການ WHO ໃຫ້ຮູ້ວ່າ: ປັດຈຸບັນ, ເອີຣົບ ໄດ້ກາຍເປັນສະຖານທີ່ແຫ່ງໃຫມ່ເກີດໂລກລະບາດ Covid-19 ທີ່ຮ້າຍແຮງ, ເປັນຫນ້າສົນໃຈແມ່ນປະເທດ ອີຕາລີ “ບ່ອນເກີດເຊື້ອຢ່າງຮ້າຍແຮງ” (ຮັງເຊື້ອໃຫຍ່ທີ່ສຸດ).

ກົມໃຫຍ່ທ່ອງທ່ຽວຫວຽດນາມ ຫາກໍ່ມີເອກະສານສະເໜີກວດກາການແຈ້ງອາການສຸຂະພາບສຳລັບແຂກທ່ອງທ່ຽວໃນທົ່ວປະເທດ. ຕາມນັ້ນແລ້ວ, ບັນດາຮາກຖານທີ່ແຂກທ່ອງທ່ຽວພັກເຊົາຢູ່ບໍລິເວນຕ້ອງຜັນຂະຫຍາຍຕາມການແນະນໍາ ແລະກວດກາການແຈ້ງອາການສຸຂະພາບສໍາລັບແຂກທ່ອງທ່ຽວຕ່າງປະເທດເຂົ້າເມືອງຫວຽດນາມ ເມື່ອເຮັດລະບຽບການ check-in ຢູ່ບັນດາຮາກຖານທີ່ແຂກທ່ອງທ່ຽວພັກເຊົາ.

（ໄຊພອນ）