ຫວຽດນາມ ແມ່ນປັດໄຈເສດຖະກິດໃໝ່ຂອງອາຊຽນ

11:57 | 14/02/2020

ຍສໝ - ໃນໜຶ່ງທົດສະວັດທີ່ຜ່ານມາ, ລະດັບການເຕີບໂຕລວມຍອດຜະລິດຕະພັນພາຍໃນ (GDP) ແຕ່ລະປີຂອງຫວຽດນາມ ໄດ້ເພີ່ມຂຶ້ນຢ່າງຕໍ່ເນື່ອງ, ປະມານແຕ່ 6%-8%. ໃນສະພາບຕົວຈິງນີ້ແມ່ນກົງກັນຂ້າມກັບບັນດາປະເທດບ້ານໃກ້ເຮືອນຄຽງໃນພາກພື້ນ ເມື່ອລະດັບການເຕີບໂຕເສດຖະກິດຂອງອິນໂດເນເຊຍ, ມາເລເຊຍ, ຟີລິບປີນ, ສິງກະໂປ ແລະໄທ ມີທ່າອ່ຽງຫຼຸດລົງ.

ພາບປະກອບ

ວາລະສານ Eurasia Review ຢັ້ງຢືນວ່າ, ໃນ 10 ປີຜ່ານມາ, ຫວຽດນາມ ຍັງສ້າງໄດ້ທີ່ຕັ້ງທີ່ໝັ້ນແກ່ນໃນຂົງເຂດ ICT. ການພັດທະນາຂອງພື້ນຖານເສດຖະກິດດີຈີຕອນຢູ່ຫວຽດນາມ ແມ່ນພະຍານຫຼັກຖານຢ່າງຈະແຈ້ງດ້ວຍລະດັບການເຕີບໂຕຊ້ອນໃນແຕ່ລະປີບັນລຸໄດ້ 38% ໃນໄລຍະ 2015-2018. ວາລະສານ Eurasia Review ໃຫ້ສັງເກດວ່າ, ຫວຽດນາມ ແມ່ນປັດໄຈເສດຖະກິດໃໝ່ຂອງອາຊຽນ, ພ້ອມກັນນັ້ນກໍ່ມີຄວາມສາມາດບົ່ມຊ້ອນກາຍເປັນ “ປະເທດໃຫຍ່” ໃນຂົງເຂດເຕັກໂນໂລຢີ-ຂໍ້ມູນຂ່າວສານ ແລະການສື່ສານ (ICT).

ຂົງເຂດ ICT ຂອງຫວຽດນາມ ພວມພັດທະນາ ແລະໄດ້ຮັບຄວາມໄວ້ເນື້ອເຊື່ອໃຈຂອງໂລກ. ປີ 2017, ຫວຽດນາມ ໄດ້ສົ່ງອອກບັນດາຜະລິດຕະພັນເຕັກໂນໂລຢີສູງມີມູນຄ່າປະມານ 71 ຕື້ໂດລາສະຫະລັດ. ວາລະສານ Eurasia Review ເນັ້ນໜັກວ່າ, ຫວຽດນາມ ແມ່ນສູນພັດທະນາຊອັບແວ ແລະໂຄງລ່າງ ICT, ດຶງດູດບັນດານັກລົງທຶນແຖວໜ້າທີ່ມາຈາກຍີ່ປຸ່ນ, ສ.ເກົາຫຼີ, ເຢຍລະມັນ.

ປີ 2020, ຫວຽດນາມ ແມ່ນປະທານໝູນວຽນອາຊຽນ-ຖານະຕຳແໜ່ງ ເຊິ່ງຕາມການຕີລາຄາຂອງວາລະສານ Eurasia Review ແລ້ວ, ໃນເມື່ອກ່ອນ ຫວຽດນາມ ເຄີຍດໍາລົງຕໍາແໜ່ງປະສົບຜົນສໍາເລັດທີ່ສຸດ. ໃນປີ 2010, ຫວຽດນາມ ໄດ້ປະຕິບັດສໍາເລັດບົດບາດເປັນປະທານອາຊຽນ ດ້ວຍບັນດາໝາກຜົນອັນໃຫຍ່ຫຼວງ, ຄື: ເປີດກວ້າງກອງປະຊຸມສຸດຍອດອາຊີຕາເວັນອອກ (EAS), ສ້າງຕັ້ງກົນໄກກອງປະຊຸມລັດຖະມົນຕີປ້ອງກັນປະເທດບັນດາປະເທດອາຊຽນເປີດກວ້າງ (ADMM+).

（ໄຊພອນ）