 |
ຈໍາໜ່າຍຊຸດສະແຕມ ''ສະເຫຼີມສະຫຼອງຄົບຮອບ 90 ປີ ແຫ່ງວັນສ້າງຕັ້ງພັກກອມມູນິດຫວຽດນາມ''. (ພາບ:PV/Vietnam+)
ເພື່ອໂຄສະນາເຜີຍແຜ່ຄວາມໝາຍປະຫວັດສາດຂອງການປະຕິວັດຫວຽດນາມພາຍໃຕ້ການນຳພາຂອງພັກ, ໃນວັນທີ 31 ມັງກອນ 2020, ກະຊວງຖະແຫຼງຂ່າວ ແລະ ສື່ສານ, ກຸ່ມບໍລິສັດໄປສະນີຫວຽດນາມໄດ້ຈໍາໜ່າຍຊຸດສະແຕມ “ສະເຫຼີມສະຫຼອງຄົບຮອບ 90 ປີ ແຫ່ງວັນສ້າງຕັ້ງພັກກອມມູນິດຫວຽດນາມ (3 ກຸມພາ 1930 - 3 ກຸມພາ 2020). ການຈໍາໜ່າຍຊຸດສະແຕມໄດ້ປະກອບສ່ວນໂຄສະນາເຜີຍແຜ່ຢ່າງກວ້າງຂວາງໃຫ້ແກ່ທຸກຊັ້ນຄົນ, ສະມາຊິກພັກໄດ້ຮັບຮູ້ຢ່າງເລິກເຊິ່ງ ກ່ຽວກັບປະຫວັດສາດອັນສະຫງ່າລາສີຂອງພັກກອມມູນິດຫວຽດນາມ; ຢັ້ງຢືນບົດບາດຂອງພັກ, ກຽດສັກສີ, ຄວາມສາມາດໃນການນຳພາ ແລະ ການຕໍ່ສູ້ຂອງພັກໃນໄລຍະ 90 ປີແຫ່ງການປະຕິວັດຫວຽດນາມ. ຊຸດສະແຕມ“ສະເຫຼີມສະຫຼອງຄົບຮອບ 90 ປີ ແຫ່ງວັນສ້າງຕັ້ງພັກກອມມູນິດຫວຽດນາມ” ມີລາຄາ 4.000 ດົ່ງ, ແລະ ມີຢູ່ໃນເຄືອຂ່າຍໄປສະນີສາທາລະນະແຕ່ວັນທີ 31 ມັງກອນ 2020 ເຖິງວັນທີ 31 ທັນວາ 2021.
（ໄຊພອນ）
