ສະແດງຄວາມເສຍໃຈຢ່າງສຸດຊື້ງເມື່ອຮັບຊາບຂ່າວການຈາກໄປຢ່າງບໍ່ມີວັນຫວນກັບ ຂອງສະຫາຍ ເຈີ່ນດ້າຍກວາງ - ປະທານປະເທດ ແຫ່ງ ສສ ຫວຽດນາມ , ສະມາຄົມມິດຕະພາບ ທູດປະຊາຊົນຈີນ ໄດ້ສົ່ງຈົດໝາຍແບ່ງເບົາຄວາມທຸກໂສກອັນເລິກເຊິ່ງ ເຖິງ ພັກ-ລັດ ແລະ ປະຊາຊົນຫວຽດນາມ ແລະ ຄວບຄົວຍາດຕິພີ່ນ້ອງ ສະຫາຍ ເຈີ່ນດ້າຍກວາງ ຄຳຢ້ຽມຢາມຖາມຂ່າວຈາກໃຈຈິງ.
ເນື້ອໃນຈົດໜາຍ: “ ປະທານປະເທດ ເຈີ່ນດ້າຍ ກວາງ ເປັນເພື່ອນສະໜິດແໜ້ນຂອງປະຊາຊົນ ຈີນ , ຕະຫຼອດຊີວິດ ຍາມໃດກໍ່ເສຍສະຫຼະ ແລະ ປະກອບສ່ວນອັນໃຫຍ່ຫຼວງ ແກ່ ການພັດທະນາ ນຳ້ໃຈມິດຕະພາບ ປະຊາຊົນສອງຊາດ ຈີນ-ຫວຽດນາມ. ສາຍພົວພັນ ຈີນ-ຫວຽດ ມີຄວາມພັດທະນາໝັ້ນຄົງ ບໍ່ສາດມາດປະຕິເສດໄດ້ຈິດໃຈ ແລະ ການທຸ້ມເທຂອງ ສະຫາຍ. ການຈາກໄປຂອງສະຫາຍ ເຮັດໃຫ້ປະຊາຊົນ ຈີນ ສູນເສຍ ສະຫາຍທີ່ສະໜິດສະໜົມ ແລະ ເປັນສະຫາຍຜູ້ທີ່ມີຄວາມສັດຊື່ນີ້ແມ່ນການສູນເສຍອັນຍິ່ງໃຫຍ່ຂອງປະຊາຊົນທັງສອງຊາດ ຈີນ-ຫວຽດ, ພວກຂ້າພະເຈົ້າຈະຈົດຈຳສະຫາຍໄວ້ໃນຄວາມຊົງຈຳສະເໝີ.
ປະເທດຈີນ ແລະ ປະຊາຊົນຈີນ ເຄົາລົບນັບຖືຕໍ່ມູນເຊື້ອນຳ້ໃຈມິດຕະພາບທີ່ມີມາຍາວນານ ຈີນ-ຫວຽດນາມ, ເປັນຈິດໜຶ່ງໃຈດຽວກັນ, ຮ່ວມກັບປະຊາຊົນຫວຽດນາມ ກໍ່ສ້າງອານາຄົດທີ່ສວຍງາມຕື່ມອີກ ໃຫ້ແກ່ສາຍພົວພັນ ຈີນ-ຫວຽດ”.
 |
ຈົດໜາຍສະແດງຄວາມເສຍໃຈ ຂອງ ສະມາຄົມມິດຕະພາບ ກຳປູເຈຍ-ຫວຽດນາມ.
*ໃນຄະນະດຽວກັນ, ປະທານ ສະມາຄົມມິດຕະພາບ ກຳປູເຈຍ-ຫວຽດນາມ Men Sam An ກໍ່ໄດ້ສົ່ງຈົດໝາຍສະແດງຄວາມເສຍໃຈເຖິງ ປະທານສະມາຄົມມິດຕະພາບ ຫວຽດນາມ-ກຳປູເຈຍ ທ່ານ ຫວູ໋ໝ໋າວ.
ເນື້ອໃນຂອງຈົດໝາຍຂຽນວ່າ: “ ຂ້າພະເຈົ້າຮູ້ສຶກເສຍໃຈເມື່ອໄດ້ຮັບຊາບຂ່າວ ການມໍລະນະກຳຂອງ ສະຫາຍ ເຈີ່ນດ້າຍ ກວາງ ປະທານປະເທດ ແຫ່ງ ສສ ຫວຽດນາມ.
ຕ່າງໜ້າສະມາຄົມມິດຕະພາບ ກຳປູເຈຍ-ຫວຽດນາມ, ຂ້າພະເຈົ້າຂໍແບ່ງປັນຄວາມທຸກໂສກ ແລະ ເສຍໃຈຢ່າງສຸດຊື້ງເຖິງປະຊາຊົນຫວຽດນາມ ກໍ່ຄື ຄອບຄົວຍາດຕິພີ່ນ້ອງຂອງ ປະທານປະເທດ ກ່ຽວກັບການສູນເສຍອັນຍິ່ງໃຫຍ່ຄັ້ງນີ້.
ສະມາຄົມມິດຕະພາບ ກຳປູເຈຍ-ຫວຽດນາມ ມີຄວາມມັກ ຕໍ່ບັນດາການອຸທິດຕົນ ແລະ ຜົນສຳເລັດອັນຍິ່ງໃຫຍ່ທີ່ ປະທານປະເທດ ເຈີ່ນດ້າຍ ກວາງ ໄດ້ສ້າງໄວ້ໃຫ້ແກ່ຫວຽດນາມ.
ພວກຂ້າພະເຈົ້າຈະຈົດຈຳໄວ້ໃນຄວາມຊົງຈຳສະເໝີ ກ່ຽວກັບ ສະຫາຍ ເຈີ່ນດ້າຍ ກວາງ ຜູ້ນຳຜູ້ຊື່ສັດສຸດຈະລິດ ແລະ ສະຫາຍທີ່ສະໜິດສະໝົມຂອງ ປະຊາຊົນ ກຳປູເຈຍ.
ພວກຂ້າພະເຈົ້າ ເສຍໃຈຢ່າງສຸດຊື້ງ ໃນການຈາກໄປຂອງ ຜູ້ນຳທີ່ເຄົາລົບ. ຂ້າພະເຈົ້າຂໍສົ່ງຂໍ້ຄວາມ ສະແດງຄວາມເສຍ ແລະ ພາວະນາ ໃຫ້ຄອບຄົວຂອງສະຫາຍ ແລະ ປະຊາຊົນຫວຽດນາມ ໃນບັນຍາກາດອັນໂສກເສົ້ານີ້ດ້ວຍ.
 |
ຈົດໜາຍສະແດງຄວາມເສຍໃຈຂອງ ສະມາຄົມມິດຕະພາບ ລາວ-ຫວຽດນາມ.
*ພ້ອມດຽວກັນນັ້ນ, ສະຫາຍ ປອ. ວິໄລວົງ ບຸດດາຄຳ ກຳມະການສູນກາງພັກ, ຄະນະປະຈຳສະພາແຫ່ງຊາດ ປະທານກຳມາທິການແຜນການ, ການເງິນ ແລະ ກວດສອບສະພາແຫ່ງຊາດ, ປະທານ ສະມາຄົມມິດຕະພາບ ລາວ-ຫວຽດນາມ ຂັ້ນສູນກາງ ໄດ້ສົ່ງຈົດໝາຍສະແດງຄວາມເສຍໃຈໂດຍມີເນື້ອໃນດັ່ງນີ້:
"ຂ້າພະເຈົ້າໄດ້ຮັບຊາບດ້ວຍຄວາມສະເທືອນໃຈ ແລະ ໂສກເສົ້າເສຍໃຈເປັນຢ່າງຍິ່ງຕໍ່ຂ່າວການມໍລະນະກຳ ຂອງ ສະຫາຍ ເຈີ່ນດ້າຍ ກວາງ, ກຳມະການກົມການເມືອງສູນກາງພັກຄອມມູນິດຫວຽດນາມ, ປະທານປະເທດແຫ່ງ ສສ ຫວຽດນາມ ເມື່ອເວລາ 10:05ໂມງ ຂອງວັນທີ 21 ກັນຍາ 2018, ເຊິ່ງການຈາກໄປຂອງສະຫາຍ ເປັນການສູນເສຍອັນໃຫຍ່ຫຼວງ ຂອງ ພັກ, ລັດ ແລະ ປະຊາຊົນ ຫວຽດນາມ ອ້າຍ ນ້ອງ.
ໃນນາມສະມາຄົມມິດຕະພາບລາວ-ຫວຽດນາມຂັ້ນສູນກາງ ແລະ ໃນນາມສ່ວນຕົວ ຂ້າພະເຈົ້າຂໍສະແດງຄວາມເສຍໃຈ, ເຫັນອົກເຫັນໃຈຢ່າງສຸດຊື້ງ ແລະ ຂໍແບ່ງປັນຄວາມທຸກໂສກໂດຍຜ່ານສະຫາຍໄປຍັງ ພັກ, ລັດຖະບານ ແລະ ປະຊາຊົນຫວຽດນາມ ໂດຍສະເພາະຕໍ່ຄອບຄົວຂອງສະຫາຍ ເຈີ່ນດ້າຍ ກວາງ.
ຂໍໃຫ້ດວງວິນຍານຂອງສະຫາຍ ເຈີ່ນດ້າຍ ກວາງ ຈົ່ງໄປສູ່ສຸຂະຕິເຖິ້ນ."
（ຫັດທະບູນ）
