 |
ທ່ານນາງ Theresa May ນາຍົກລັດຖະມົນຕີ ອັງກິດ. (ພາບ: TTXVN)
ຕາມທ່ານນາງ Theresa May ແລ້ວ, ຂໍ້ຕົກລົງການຄ້າຮູບແບບນີ້ ໄດ້ນາບຂູ່ເຖິງຄວາມເປັນເອກະພາບ ແລະ ລັດຖະທໍາມະນູນຂອງ ລາຊະອານາຈັກອັງກິດ.
ລັດຖະມົນຕີບາງທ່ານ ແລະ ສະມາຊິກສະພາແຫ່ງຊາດ ຂອງພັກນິຍົມຮັກສາເດີມ ສະເໜີທ່ານນາງນາຍົກລັດຖະມົນຕີ Theresa May ຄວນພິຈາລະນາຮູບແບບຂອງຂໍ້ຕົກລົງເສລີການຄ້າ ເຊິ່ງ ອີຢູ ໄດ້ລົງນາມກັບ ການາດາ. ເຖິງຢ່າງໃດກໍຕາມ, ບຸກຄົນທີ່ຄັດຄ້ານ ຖືວ່າ ຂໍ້ສະເໜີດັ່ງກ່າວຂອງ ອີຢູ ແມ່ນບໍ່ອາດຍອມຮັບໄດ້ ເພາະວ່າ ອີຢູ່ ພຽງແຕ່ສະເໜີນໍາໃຊ້ຮູບແບບດັ່ງກ່າວຢູ່ເຂດດິນແດນຂອງອັງກິດເທົ່ານັ້ນ, ສ່ວນຢູ່ເຂດເກາະ ອາຍແລນເໜືອ ຍັງຄົງໄດ້ຮັກສາ ຄືກັບພາກສ່ວນອານາເຂດພາສີອາກອນຕ່າງຫາກຂອງ ອີຢູ.
ຕາມແຜນການແລ້ວ, ອັງກິດ ຈະ ຖອນຕົວອອກຈາກ ອີຢູ ໃນວັນທີ 29 ມີນາ 2019. ເຖິງຢ່າງໃດກໍຕາມ, ມາຮອດປັດຈຸບັນ, ອັງກິດ ແລະ ອີຢູ ຍັງບໍ່ທັນບັນລຸໄດ້ບໍ່ວ່າຂໍ້ຕົກລົງໃດ ຍ້ອນ ມີທັດສະນະບໍ່ລົງລອຍກັນ. ໃນຂະນະນັ້ນ, ຢູ່່ພາຍໃນພັກກໍາອໍານາດ ຖືກແບ່ງແຍກກ່ຽວກັບແຜນການ Brexit.
（ແຫຼ່ງຂໍ້ມູນ： vov5）
