ຕາມກົມໂຄສະນາອົບຮົມ, ກົມໃຫຍ່ການເມືອງແລ້ວ, ພາຍຫຼັງທີ່ມີການແນະນໍາສະບັບເລກທີ 3725/HD-TH ຂອງກົມໂຄສະນາອົບຮົມກ່ຽວກັບການຈັດຕັ້ງການແຂ່ງຂັນປາລະໄນຊອກຮູ້ “90 ປີແຫ່ງປະຫວັດສາດອັນສະຫງ່າລາສີຂອງພັກກອມມູນິດຫວຽດນາມ” ທາງສື່ສັງຄົມອອນໄລ “VCNET”, ໃນ 1 ເດືອນກວ່າທີ່ຜ່ານມາ, ບັນດາອົງການ, ກົມກອງໃນທົ່ວກອງທັບໄດ້ຊາບຊຶມ, ຜັນຂະຫຍາຍ, ຈັດຕັ້ງການປະຕິບັດຢ່າງເຂັ້ມງວດ; ຫຼາຍກົມກອງໄດ້ຈັດຕັ້ງຢ່າງແນບນຽນ, ສ້າງເງື່ອນໄຂກ່ຽວກັບເວລາ, ພາຫະນະ, ພື້ນຖານວັດຖຸ, ປຸກລະດົມກໍາລັງໃຈພະນັກງານ, ນັກຮົບເຂົ້າຮ່ວມການແຂ່ງຂັນຢ່າງຈູບຈ້າວຫ້າວຫັນ, ໃນເບື້ອງຕົ້ນບັນລຸໄດ້ໝາກຜົນດີພໍສົມຄວນ.
| ||
| ການແຂ່ງຂັນປາລະໄນຊອກຮູ້ “90 ປີແຫ່ງປະຫວັດສາດອັນສະຫງ່າລາສີຂອງພັກກອມມູນິດຫວຽດນາມ” ຢູ່ທາງສື່ສັງຄົມອອນໄລ VCNET (http://vcnet.vn). ພາບ: dangcongsan.vn. |
ເພື່ອໃຫ້ການແຂ່ງຂັນໃນໄລຍະຈະມາເຖິງບັນລຸໄດ້ໝາກຜົນທີ່ດີ, ກົມໂຄສະນາອົບຮົມສະເໜີອົງການການເມືອງບັນດາກົມກອງແນະນໍາ, ຈັດຕັ້ງໃຫ້ພະນັກງານ, ນັກຮົບເຂົ້າຮ່ວມການແຂ່ງຂັນດ້ວຍຈິດໃຈ, ຄວາມຮັບຜິດຊອບສູງ. ພາຍຫຼັງແຕ່ລະອາທິດ, ຈັດຕັ້ງການຖອດຖອນບົດຮຽນ, ຜ່ານນັ້ນສືບຕໍ່ປັບປຸງເນື້ອໃນ, ການກໍານົດວິທີການຜັນຂະຫຍາຍການແຂ່ງຂັນຄັ້ງຕໍ່ໄປ; ເອົາໃຈໃສ່ຈັດຕັ້ງກໍາລັງແກ່ນສານ, ລົງເລິກ, ສູ້ຊົນເພື່ອໃຫ້ມີຫຼາຍບຸກຄົນບັນລຸໄດ້ລາງວັນສູງໃນການແຂ່ງຂັນແຕ່ລະຄັ້ງ, ເປັນຕົ້ນແມ່ນສໍາລັບບັນດາກົມກອງໄດ້ຮັບການຄັດເລືອກເຂົ້າຮ່ວມການແຂ່ງຂັນ. ບັນດາອົງການສື່ມວນຊົນກອງທັບສືບຕໍ່ຕິດຕາມ, ເພີ່ມທະວີການໂຄສະນາການເຄື່ອນໄຫວ ແລະຜົນການເຂົ້າຮ່ວມການແຂ່ງຂັນ, ກ່ຽວກັບບັນດາກົມກອງ, ບຸກຄົນຍາດໄດ້ລາງວັນສູງໃນອາທິດ, ການແຂ່ງຂັນ. ກົມໂຄສະນາອົບຮົມຈະຈັດຕັ້ງການສໍາຫຼວດກວດກາ, ຕີລາຄາເລື່ອງຜັນຂະຫຍາຍການປະຕິບັດການແຂ່ງຂັນຢູ່ບາງກົມກອງໃນອາທິດທີ 1 ແລະອາທິດທີ 2 ເດືອນພະຈິກ 2019.
（ແຫຼ່ງຂໍ້ມູນ： la.qdnd.vn）
